MG Windsor EV 3202 Launch: એમજી વિન્ડસર ઇવી ભારતમાં લોન્ચ, ટાટા પંચ ઇવીને આપશે ટક્કર, જાણો કિંમત અને ફીચર્સ

MG Windsor EV Launch in India: એમજી વિન્ડસર ઇવી ભારતમાં લોન્ચ કરવામાં આવી છે. એમજી મોટર દ્વારા લોન્ચ કરવામાં આવેલી લેટેસ્ટ વિન્ડસર ઇવી એ ઇલેક્ટ્રિક ક્રોસઓવર છે જે એમજીના ભારતીય ઇવી પોર્ટફોલિયોમાં કોમેટ ઇવી અને ઝેડએસ ઇવી વચ્ચેના મોડલ જેવું છે. એમજી વિન્ડસર ઇવી 3 વેરિઅન્ટમાં ઓફર કરવામાં આવી છે, જેમાં પ્રથમ વેરિઅન્ટ એક્સ્સાઇટ છે, બીજો વેરિઅન્ટ એક્સક્લુઝિવ છે અને ત્રીજો વેરિઅન્ટ એસેન્સ છે. આ લેખમાં અહીં એમજી વિન્ડસર ઇવીની કિંમત અને ફીચર્સ સુવિધાઓ સુધીની દરેક નાની નાની વિગતો જાણો.

MG Windsor EV Price : એમજી વિન્ડસર ઇવી કિંમત અને વેરિઅન્ટ

એમજી મોટરે ત્રણ વેરિઅન્ટ સાથે વિન્ડસર ઇવી લોન્ચ કરી છે, જેની પ્રારંભિક કિંમત 9.99 લાખ રૂપિયા (એક્સ-શોરૂમ) છે.

એમજી વિન્ડસર ઇવી બુકિંગ અને ડિલિવરી

એમજી વિન્ડસર ઇવી માટેની બુકિંગ વિંડો 3 ઓક્ટોબરથી ખુલશે અને 12 ઓક્ટોબરથી ગ્રાહકો માટે ડિલિવરી શરૂ થશે.

એમજી વિન્ડસર ઇવી બેટરી ભાડા પર મળશે

એમજીએ વિન્ડસર ઇવી તેમજ બેટરી એજ એ સર્વિસ (બીએએસ) ઓનરશિપ રેન્ટલ પ્રોગ્રામ પણ રજૂ કર્યો છે. આના દ્વારા, ઇલેક્ટ્રિક ક્રોસઓવર વધુ સુલભ બનશે અને ગ્રાહકો ફક્ત તેના ઉપયોગ માટે ચૂકવણી કરશે કારણ કે અપફ્રન્ટ કોસ્ટ દૂર કરવામાં આવશે. વિન્ડસર ઇવી 3.5 રૂપિયા પ્રતિ કિલોમીટરના ભાવે ઉપલબ્ધ થશે, જે આઇસીઇ (ઇન્ટરનલ કમ્બશન એન્જિન) સંચાલિત વાહનની ઇંધણ કિંમતનો 40 ટકા હિસ્સો છે.

એમજી વિન્ડસર ઇવી બેટરી સ્પેસિફિકેશન્સ

એમજી વિન્ડસર ઇવીમાં કંપનીએ પીએમએસ મોટર આપી છે, જે IP67 સર્ટિફાઇડ છે. આ મોટર 38 kWh Li-ion બેટરી પેક દ્વારા પાવર મેળવે છે. તેમાં 4 ડ્રાઇવિંગ મોડ્સ (ઇકો+, ઇકો, નોર્મલ અને સ્પોર્ટ) આપવામાં આવ્યા છે. આ મોટર 136 એચપી અને 200 એનએમ પીક ટોર્ક જનરેટ કરે છે. કંપનીનો દાવો છે કે એકવાર ફુલ ચાર્જ કર્યા બાદ તે 331 કિલોમીટરનું અંતર કાપી શકે છે અને આ જ બેટરી પેકને ડીસી ફાસ્ટ ચાર્જર દ્વારા 40 મિનિટમાં ફુલ ચાર્જ કરી શકાય છે.

MG Windsor EV Specs : એમજી વિન્ડસર ઇવી ખાસિયતો

એમજી વિન્ડસર ઇવી એ એક ક્રોસઓવર છે જે ખૂબ જ આકર્ષક બોડી સ્ટાઇલ સાથે રજૂ કરવામાં આવી છે. તેના ફ્રન્ટ અને રિયરમાં કનેક્ટેડ એલઇડી ડીઆરએલ અને એલઇડી ટેલ લાઇટ્સ લગાવવામાં આવી છે, જેના કારણે તે પ્રીમિયમ લાગે છે. હેડલાઇટ્સ બમ્પરમાં મૂકવામાં આવી છે અને એમજી લોગો કેન્દ્રમાં જોડાયેલ ડીઆરએલ સ્ટ્રીપની નીચે મૂકવામાં આવ્યો છે.

એમજી વિન્ડસર ઇવી કલર

એમજી વિન્ડસર ઇવી કંપની દ્વારા ચાર એક્સટીરિયર કલર ઓપ્શન સાથે ઓફર કરવામાં આવે છે, જે નીચે મુજબ છે. સ્ટારબર્સ્ટ બ્લેક, પર્લ વ્હાઇટ, ક્લે બેજ અને પીરોજ ગ્રીન

MG Windsor EV Design : એમજી વિન્ડસર ઇવી ઇન્ટિરિયર ફીચર્સ

એમજી વિન્ડસર ઇવીના ઇન્ટિરિયરમાં ડેશબોર્ડ પર વુડન ફિનિશ સાથે ઓલ બ્લેક કેબિન થીમ મળે છે, પરંતુ કેબિનની ચારે બાજુ કોપર એક્સેન્ટ હોય છે. ઇવીમાં બ્લેક લેધરેટ સીટ અપહોલ્સ્ટ્રીની સાથે લેધરેટમાં વીંટાળેલું ફ્લેટ-બોટમ સ્ટીયરિંગ વ્હીલ પણ મળે છે. પાછળની બેઠકો 135-ડિગ્રી સુધી ફોલ્ડ થઈ શકે છે, જે સેન્ટર આર્મરેસ્ટ સાથે આવે છે.

એમજી વિન્ડસર ઇવીમાં 15.6 ઇંચની ટચસ્ક્રીન, 8.8 ઇંચની ડિજિટલ ડ્રાઇવર્સ ડિસ્પ્લે, વાયરલેસ ફોન ચાર્જિંગ, ઓટોમેટિક એસી, પાવર્ડ ફ્રન્ટ સીટ, પાવર્ડ ટેઇલગેટ અને પેનોરેમિક ગ્લાસ રૂફ આપવામાં આવી છે.

MG windsor EV: એમજી વિન્ડસર ઇવી સેફ્ટી ફીચર્સ

એમજી વિન્ડર ઇવીના સેફ્ટી ફીચર્સની વાત કરીએ તો તેમાં ફ્રન્ટ તેમજ રિયર પેસેન્જર્સની સુરક્ષાને ધ્યાનમાં રાખીને 6 એરબેગ આપવામાં આવી છે. આ ઉપરાંત 360 ડિગ્રી કેમેરા, ટાયર પ્રેશર મોનિટરિંગ સિસ્ટમ (ટીપીએમએસ) અને ઇલેક્ટ્રોનિક સ્ટેબિલિટી કંટ્રોલ (ઇએસસી) જેવા ફીચર્સ ઉમેરવામાં આવ્યા છે.

એમજી વિન્ડસર ઇવી : બેટરી પેક પર લાઇફટાઇમ વોરંટી

એમજી મોટરે ગ્રાહકોના પહેલા સેટને વિન્ડસર ઇવીના બેટરી પેક પર લાઇફટાઇમ વોરંટી ઓફર કરી છે. આ ઉપરાંત, ગ્રાહકો એમજી દ્વારા ઇએચયુબી એપ્લિકેશન દ્વારા લેવામાં આવતા તમામ જાહેર ચાર્જર્સ પર એક વર્ષ સુધી મફત ચાર્જિંગનો લાભ લઈ શકે છે.

આ પણ વાંચો | કાર લોન EMI હપ્તો ઘટાડવાની 5 ટીપ્સ, દેવું ઝડપથી ઉતારી જશે

MG windsor EV: એમજી વિન્ડસર ઇવી હરિફ

એમજી વિન્ડસર ઇવીની સીધી સ્પર્ધા ટાટા નેક્સન ઇવી અને મહિન્દ્રા એક્સયુવી400 ઇવી સાથે છે, ઉપરાંત જો કિંમતને ધ્યાનમાં રાખીયે તો એમજી વિન્ડસર ટીવી ટાટા પંચ ઇવીને ટક્કર આપશે.