50MP ના 4 કેમેરા અને મોટી બેટરી સાથે Motorola Signature લોન્ચ, 7 વર્ષ સિક્યોરિટી અપડેટ મળશે

Motorola Signature Launch : મોટોરોલાએ કન્ઝ્યુમર ઇલેક્ટ્રોનિક્સ શો (સીઇએસ) માં પોતાનો નવો મોટોરોલા સિગ્નેચર (Motorola Signature) ફોન લોન્ચ કર્યો છે. લેનોવોની માલિકીની બ્રાન્ડની આ નવી મોટોરોલા સિગ્નેચર સિરીઝનો આ પ્રથમ સ્માર્ટફોન છે. મોટોરોલા સિગ્નેચરમાં એરક્રાફ્ટ-ગ્રેડ એલ્યુમિનિયમ ફ્રેમ, ચાર 50 એમપી કેમેરા અને 5200mAh બેટરી છે. મોટોરોલાના નવા સ્માર્ટફોનમાં શું ખાસ છે? કિંમત અને ફીચર્સ વિશે દરેક વિગત જાણો

Motorola Signature Price : મોટોરોલા સિગ્નેચર કિંમત

મોટોરોલા સિગ્નેચર સ્માર્ટફોનના 12 જીબી રેમ અને 512 જીબી સ્ટોરેજ વેરિઅન્ટની કિંમત 899.99 ડોલર (લગભગ 82,000 રૂપિયા) છે. આ ડિવાઇસ પેન્ટોન કાર્બન અને પેન્ટોન માર્ટિની ઓલિવ કલરમાં ઉપલબ્ધ છે.

આ ડિવાઇસ શરૂઆતમાં આફ્રિકા, લેટિન અમેરિકા, મધ્ય પૂર્વ અને એશિયા-પેસિફિક પ્રદેશોમાં વેચાણ માટે ઉપલબ્ધ કરવામાં આવશે. ફોનની કિંમત દરેક દેશમાં અલગ રહેવાની ધારણા છે.

Motorola Signature Features : મોટોરોલા સિગ્નેચર ફીચર્સ

મોટોરોલા સિગ્નેચર ફોન ડ્યુઅલ સિમને સપોર્ટ કરે છે અને Android 16 બેઝ્ડ Hello UI  સાથે આવે છે. કંપનીએ સાત OS અપગ્રેડ્સ અને 7 વર્ષના સુરક્ષા અપડેટ્સનું વચન આપ્યું છે. તમને જણાવી દઈએ કે કંપનીની અત્યાર સુધીની આ શ્રેષ્ઠ સોફ્ટવેર અપગ્રેડ પોલિસી છે. આ હેન્ડસેટને ઓન-ડિમાન્ડ વ્હાઇટ-ગ્લોવ આસિસ્ટન્સ સાથે લોન્ચ કરવામાં આવશે.

મોટોરોલા સિગ્નેચર સ્માર્ટફોનમાં 6.8-ઇંચની સુપર એચડી (1,264 x 2,780 પિક્સેલ) LTPO AMOLED સ્ક્રીન છે જે 450 પીપીઆઈ પિક્સેલ ડેન્સિટી પ્રદાન કરે છે. સ્ક્રીન પીક બ્રાઇટનેસના 6200 નિટ્સ અને 165 હર્ટ્ઝ સુધીનો રિફ્રેશ રેટ પ્રદાન કરે છે. સ્ક્રીન 360Hz ટચ સેમ્પલિંગ રેટ પ્રદાન કરે છે. ડિસ્પ્લે પ્રોટેક્શન માટે કોર્નિંગ ગોરિલા ગ્લાસ વિક્ટસ 2 આપવામાં આવ્યું છે.

મોટોરોલા સિગ્નેચર હેન્ડસેટ Snapdragon 8 Gen 5 ચિપસેટ દ્વારા સંચાલિત છે. આ ડિવાઇસમાં 16 જીબી રેમ અને 512 જીબી સુધી ઇનબિલ્ટ સ્ટોરેજ છે. હેન્ડસેટમાં ઇન-ડિસ્પ્લે અલ્ટ્રાસોનિક ફિંગરપ્રિન્ટ સેન્સર, ફેસ અનલોક સપોર્ટ અને થિંકશિલ્ડ ટેકનોલોજી છે. ઓડિયો માટે, આ સ્માર્ટફોનમાં ડોલ્બી એટમોસ સપોર્ટ સાથે ડ્યુઅલ સ્ટીરિયો સ્પીકર છે.

કેમેરાની વાત કરીએ તો મોટોરોલા સિગ્નેચર મોબાઇલમાં ટ્રિપલ રિયર કેમેરા સિસ્ટમ છે. ફોનમાં 50 મેગાપિક્સલનો સોની લિટિયા 828 પ્રાઇમરી, 50 મેગાપિક્સલનો અલ્ટ્રા-વાઇડ-એંગલ લેન્સ અને 50 મેગાપિક્સલનો પેરિસ્કોપ ટેલિફોટો LYTIA 600 સેન્સર છે. સ્માર્ટફોનમાં પાછળના ભાગમાં મલ્ટિસ્પેક્ટ્રલ થ્રી-ઇન-વન લાઇટ સેન્સર પણ છે.

motorola signature
A captivating design, now on display at CES 2026. pic.twitter.com/1HllgKkXho

— motorola (@Moto) January 7, 2026

મોટોરોલા સિગ્નેચરમાં સેલ્ફી અને વીડિયો કોલિંગ માટે ફ્રન્ટ પર 50 મેગાપિક્સલનો સોની LYTIA 500 સેન્સર છે.

કનેક્ટિવિટી સુવિધાઓની વાત કરીએ તો મોટોરોલા સિગ્નેચરમાં વાઇ-ફાઇ 7, બ્લૂટૂથ 6, 5 જી, 4 જી એલટીઇ, એનએફસી, જીપીએસ અને યુએસબી ટાઇપ-સી જેવા ફીચર્સ છે. આ મોબાઇલ વોટરપ્રુફ અને ડસ્ટ ફ્રી ક્ષમતા માટે IP69 રેટિંગ ધરાવે છે. આ ડિવાઇસમાં ટકાઉપણું માટે MIL-STD 810H10 સર્ટિફિકેશન છે. આ મોટો ફોનનું ડાયમેન્શન 162.1 x 76.4 x 6.99 મીમી અને વજન 186 ગ્રામ છે.

મોટોરોલા સિગ્નેચર 5200mAh ની મોટી સિલિકોન-કાર્બન બેટરી દ્વારા સંચાલિત છે જે 90W ટર્બોપાવર વાયર્ડ ચાર્જિંગને સપોર્ટ કરે છે. ફોનમાં 50W ટર્બોપાવર વાયરલેસ ચાર્જિંગ સપોર્ટ છે. હેન્ડસેટમાં 10W વાયરલેસ રિવર્સ ચાર્જિંગ અને 5W વાયર્ડ રિવર્સ ચાર્જિંગ છે. કંપનીનો દાવો છે કે ફોનમાં એક જ ચાર્જમાં 52 કલાક સુધીની બેટરી લાઇફ મળશે.