Non Convertible Debenture\NCD Investment Tips: જો તમે ફિક્સ્ડ ડિપોઝિટ, નેશનલ સેવિંગ્સ સર્ટિફિકેટ જેવા પરંપરાગત ફિક્સ્ડ ઇન્કમ વિકલ્પો કરતાં તમારા રોકાણ પર વધુ વ્યાજ મેળવવા માંગતા હો, તો નોન-કન્વર્ટિબલ ડિબેન્ચર તમારા માટે એક બેસ્ટ વિકલ્પ છે. છેલ્લા કેટલાક સમયથી કંપનીઓમાં એનસીડી મારફતે નાણાં એકત્ર કરવાનો ટ્રેન્ડ વધ્યો છે, જેના કારણે કંપનીઓ સતત એનસીડી ઇશ્યૂ કરી રહી છે અને રોકાણકારોને આકર્ષવા માટે તેઓ 5 થી 10 વર્ષની સ્કીમ પર વાર્ષિક 8.5 ટકાથી 9.5 ટકા રિટર્ન ઓફર કરી રહી છે. રહી હતી. સૌથી મોટો સવાલ એ છે કે શું એનસીડીમાં કરેલં રોકાણ એફડી કે એનએસસી જેટલું સુરક્ષિત છે?
નોન કન્વર્ટિબલ ડિબેન્ચર (એનસીડી) શુંછે? (Non Convertible Debenture\NCD)
એનસીડી એ કંપનીઓ માટે બજારમાંથી નાણાં એકત્ર કરવાનું માધ્યમ છે. જેમ કંપનીઓ IPO દ્વારા નાણાં એકત્ર કરે છે, તેમ તેઓ NCD દ્વારા પણ નાણાં એકત્ર કરે છે. જ્યારે કોઈ કંપની NCD દ્વારા નાણાં એકત્ર કરે છે, ત્યારે તે તેને દેવા તરીકે લે છે અને તેના પર કંપનીએ વ્યાજ પણ ચૂકવવું પડશે. એનસીડીમાં પાકતી મુદતની નિશ્ચિત તારીખ હોય છે અને રોકાણકારોને નિશ્ચિત વ્યાજદર સાથે વળતર મળે છે. ઉદાહરણ તરીકે, કોઈ કંપનીએ NCD ઇશ્યૂ કરી છે જેમાં તમે રોકાણ કરો છો. તમે તેમાં રોકાણ કરો છો તેના પર કંપની તમને ચોક્કસ દરે વ્યાજ આપે છે. કંપનીને પૈસાની જરૂર છે, તેથી તમને આપવામાં આવતું વ્યાજ પણ વધારે છે. એનસીડીની પાકતી મુદત અલગ-અલગ હોય છે અને તેના માટે અલગ-અલગ વ્યાજ દરો નક્કી કરવામાં આવે છે.
સિક્યોર્ડ અને અનસિક્યોર્ડ એનસીડી (Type of NCD – Secured NCD, UnSecured NCD)
નોન કન્વર્ટિબલ ડિબેન્ચર એટલે કે એનસીડી બે પ્રકારની હોય છે. એક હોય છે સિક્યોર્ડ એનસીડી, જેમાં કંપનીની સિક્યુરિટી છે. તેનો અર્થ એ કે, જો કંપની રોકાણકારોને તેમના નાણાં ચૂકવવામાં સક્ષમ ન હોય, તો રોકાણકારો કંપનીની સંપત્તિ વેચીને તેમના નાણાં પાછા મેળવી શકે છે.
એનસીડીનો બીજો પ્રકાર છે અનસિક્યોર્ડ એનસીડી. આમાં કંપનીની કોઈ સુરક્ષા નથી. એટલે કે, જો કંપની રોકાણકારોને તેમના પૈસા પરત કરવામાં સક્ષમ ન હોય, તો રોકાણકારો માટે તેમના પૈસા પાછા મેળવવામાં મુશ્કેલી પડી શકે છે. અનસિક્યોર્ડ એનસીડીમાં સિક્યોર્ડ એનસીડીની તુલનાએ વધારે જોખમી છે.
એનસીડીની ખાસિયતો
- કોર્પોરેટ કંપનીઓ દેવું વધારવા માટે એનસીડી ઇશ્યૂ કરે છે જેને ઇક્વિટીમાં રૂપાંતરિત કરી શકાતું નથી.
- એનસીડીની પરિપક્વતાની તારીખ અગાઉથી નક્કી કરવામાં આવે છે અને માસિક, અર્ધ-વાર્ષિક અને વાર્ષિક ધોરણે પાકતી મુદતના સમયે એકસાથે વ્યાજ ચૂકવવામાં આવે છે. એનસીડીમાં 10 વર્ષ સુધી પૈસા રોકી શકાય છે.
- મોટાભાગની એનસીડી 1000 રૂપિયાના ગુણાંકમાં જારી કરવામાં આવે છે.
- તમામ એનસીડી સ્ટોક એક્સચેન્જ પર લિસ્ટેડ થાય છે, તેથી રોકાણકારો માત્ર કંપનીમાં જ નહીં પણ સેકન્ડરી માર્કેટ દ્વારા પણ રોકાણ કરી શકે છે.
એનડીસીનું રેટિંગ જેટલું સારું, તેમાં રોકાણ તેટલું વધારે સુરક્ષા
ઈકરા અને ક્રિસિલ અથવા અન્ય રેટિંગ એજન્સીઓ કંપની દ્વારા જારી કરાયેલા નોન-કન્વર્ટિબલ ડિબેન્ચર્સ પર સંશોધનના આધારે રેટિંગ આપે છે. જો કોઈ કંપનીનું રેટિંગ સારું હોય તો તે નબળા રેટિંગવાળી કંપની કરતાં વધુ સારો વિકલ્પ છે. જો કે, રેટિંગ એ ગેરંટી નથી કે કંપની ભવિષ્યમાં સારું પ્રદર્શન કરશે. રેટિંગ એજન્સીઓ દ્વારા ઘણા પ્રકારના રેટિંગ જારી કરવામાં આવે છે.
- AAA/સ્ટેબલ (AAA/Stable)
- AA+/સ્ટેબલ (AA+/Stable)
- A+/સ્ટેબલ (A+/Stable)
- A/સ્ટેબલ (A/Stable)
- AA-/નેગેટિવ (AA-/Negative)
- BBB-/સ્ટેબલ (BBB-/Stable)
આ પણ વાંચો | મુકેશ અંબાણીના બાળકોને એક રૂપિયાનો પગાર નહીં મળે, માત્ર બોર્ડ મીટિંગમાં જવાની ફી મળશે, જાણો કેટલું કમિશન મળશે
એનસીડીમાં રોકાણ વખતે કઈ બાબતોનું ધ્યાન રાખવું
- કોઈપણ કંપનીની એનસીડીમાં રોકાણ કરતા પહેલા તે કંપનીની સારી બાબતોની જાણકારી મેળવી લેવી જોઇએ. તે કંપનીના બિઝનેસ મોડલને સમજો અને ભવિષ્યમાં તે કેટલું ટકાઉ રહેવાનું છે. કંપનીનો પ્રોડક્ટ પોર્ટફોલિયો કેટલો મજબૂત છે અને તે કંપની પાસે કેટલી ઇનોવેશનની સંભાવના છે? તેના બિઝનેસમાં ડાઇવર્સિફિકેશન છે કે નહીં. જો કંપનીનો બિઝનેસ ડાઇવર્સિફિકેશન છે, તો આવી કંપનીઓમાં રોકાણકારો માટે જોખમ ઓછું છે.
- એનસીડીમાં નાણાંનું રોકાણ કરતાં પહેલાં, NCD સિક્યોર્ડ છે કે નહીં તે ચકાશો. જો તમે સિક્યોર્ડ એનસીડીમાં રોકાણ કરો છો, તો રોકાણકારોને કંપનીની સંપત્તિ વેચીને નાણાં વસૂલવાનો અધિકાર મળે છે.
- એનસીડીમાં રોકાણ પર આવકવેરા અધિનિયમ, 1961ની કલમ 80C હેઠળ કોઈ છૂટછાટ મળતી નથી. ઇન્કમ ટેક્સના સ્લેબ મુજબ એક વર્ષમાં વેચાણ પર શોર્ટ ટર્મ કેપિટલ ગેઇન ટેક્સ અને ત્યારબાદ વેચાણ કરશો તો ઇન્ડેક્સેશન બેનેફિટ સાથે 20 ટકાનો લોંગ ટર્મ કેપિટલ ગેઇન ટેક્સ ચૂકવવો પડશે. આ ઉપરાંત એનસીડી પર મળતા વ્યાજ પર પણ એફડીની જેમ ટેક્સ ચૂકવવાનો હોય છે.
