New Rules for Ola, Uber Pricing: ઓલા, ઉબર અને રેપિડોમાં મુસાફરી મોંઘી થઇ, પીક અવર્સમાં બમણું ભાડુ ચૂકવવું પડશે

Ola, Uber Cab Charges Hike: ઓલા, ઉબર અને રેપિડ માં મુસાફરી કરતા લોકો માટે માઠા સમાચાર છે. હવે કેબ સર્વિસ માટે તમારે વધારે રૂપિયા ચૂકવવા પડશે. સરકારે ઉબેર, ઓલા અને રેપિડો જેવા કેબ એગ્રિગેટર્સને પીક અવર્સ દરમિયાન બેઝ ભાડું કરતા બમણું ભાડુ વસૂલવાની મંજૂરી આપી છે. અગાઉ, કેબ એગ્રિગેટર્સ પીક અવર્સ દરમિયાન સર્જ પ્રાઇસ અથવા ડાયનેમિક ભાડાના રૂપમાં મૂળભૂત ભાડાના 1.5 ગણા સુધી ભાડું વસૂલી શકતા હતા.

માર્ગ પરિવહન અને રાજમાર્ગ મંત્રાલય (MoRTH) એ મંગળવારે જાહેર કરેલા સુધારેલા મોટર વાહન એગ્રીગેટર માર્ગદર્શિકા, 2025 માં જણાવ્યું છે કે નોન પીક અવર્સ દરમિયાન, એગ્રિગેટર્સ બેઝ ફેરના ઓછામાં ઓછા 50 ટકા ભાડું વસૂલી શકે છે.

રાજ્ય સરકાર દ્વારા સંબંધિત કેટેગરી અથવા મોટર વાહનોના વર્ગ માટે સૂચિત ભાડા એ એગ્રિગેટર પાસેથી સેવા મેળવતા મુસાફરો પાસેથી લેવામાં આવતા બેઝ ફેર હશે. રાજ્યોને ત્રણ મહિનાની અંદર નવી માર્ગદર્શિકા અપનાવવાની સલાહ આપવામાં આવી છે.

નવી માર્ગદર્શિકા અનુસાર, "જેમા મુસાફર વગર આવરી લેવાયેલું અંતર અને મુસાફરીનું કુલ અંતર કે મુસાફરને લેવા માટે વપરાયેલા ઇંધણ સહિત ડેડ માઇલેજની ભરપાઇ કરવા માટે બેઝિક ભાડાના લઘુતમ 3 કિમી માટે લેવામાં આવશે.”

તેમા જણાવાયું છે કે, કોઇ પણ મુસાફર પાસેથી ડેડ માઇલેજ માટે ચાર્જ લઈ શકાશે નહીં, સિવાય કે જ્યારે મુસાફરીનો લાભ લેવા માટેનું અંતર 3 કિલોમીટરથી ઓછું હોય અને ભાડુ માત્ર મુસાફરીના પિક અપ પોઇન્ટ થી લઈને જ્યાં પેસેન્જરને મૂકવામાં આવ્યો હોય તે સ્થળ સુધી જ ભાડુ લેવામાં આવશે.

કેબ એગ્રીગેટર સાથે મોટર વાહન પર સવાર ડ્રાઇવરને લાગુ ભાડાના ઓછામાં ઓછા 80 ટકા મળશે, જેમાં ડ્રાઇવરના ભાડા હેઠળ તમામ ખર્ચનો સમાવેશ થાય છે અને બાકીના ચાર્જને એગ્રિગેટર દ્વારા વિભાજિત ભાડા તરીકે રાખવામાં આવી શકે છે. ડ્રાઇવર અને એગ્રિગેટર વચ્ચેના કરાર મુજબ, ચુકવણી દૈનિક, સાપ્તાહિક અથવા 15 દિવસ નક્કી કરી શકાય છે, પરંતુ વધુ લાંબી નહીં, એમ જણાવ્યું હતું.

સુધારેલી માર્ગદર્શિકામાં જણાવાયું છે કે, "એગ્રીગેટરની માલિકીના મોટર વાહનોના સંદર્ભમાં, ઓન-બોર્ડ ડ્રાઇવરને લાગુ ભાડાના ઓછામાં ઓછા 60 ટકા પ્રાપ્ત થશે, જેમાં ડ્રાઇવર ભાડામાં જણાવેલ તમામ ખર્ચનો સમાવેશ થાય છે અને બાકીના ચાર્જને કાલ્પનિક ભાડા તરીકે જાળવી રાખવામાં આવશે."