RBI Repo Rate Cut : આરબીઆઈ રેપો રેટ 0.25 ટકા ઘટાડી 5.25 ટકા કર્યો, હોમ લોન સસ્તી થશે

RBI Monetary Policy 2025 News Highlight : રિઝર્વ બેંક ગવર્નર સંજય મલ્હોત્રાએ આરબીઆઈ મોનેટરી પોલિસીની ઘોષણા કરી છે, જેમા રેપો રેટ 0.25 ટકા ઘટાડી 5.25 ટકા કર્યો છે. રેપો રેટ ઘટવાથી નવી હોમ લોન સસ્તી થશે. ઉપરાંત જુની હોમ લોન સહિત વિવિધ લોનના EMI પણ ઘટશે. ત્રણ દિવસની આરબીઆઈ મોનેટરી પોલિસી મિટિંગ 3 ડિસેમ્બરે શરૂ થઇ હતી. આ બેઠકમાં લેવાયેલા નિર્ણયોની ઘોષણા આજે આરબીઆઈ ગવર્નર સંજય મલ્હોત્રા 10 વાગે કરશે.

તમને જણાવી દઇયે કે, 3 દિવસની રિઝર્વ બેંકની મોનેટરી પોલિસીની બેઠક 3 ડિસેમ્બર થી 5 ડિસેમ્બર દરમિયાન યોજાઇ હતી. RBIની આ દ્વિમાસિક ધિરાણનીતિ બેઠક હોય છે, જે દર બે મહિનામાં એક વખત યોજાય છે.

2025માં RBI એ 3 વખત રેપો રેટ ઘટાડો

આરબીઆઈ એ વર્ષ 2025 દરમિયાન અત્યાર સુધીમાં રેપો રેટમાં 3 વખત ઘટાડો કર્યો છે. રિઝર્વ બેંકે સૌ પ્રથમ ફેબ્રુઆરી 2025માં રેપો રેટ 0.25 ટકા ઘટાડ્યો હતો, ત્યાર બાદ રેપો રેટ 6.50 ટકાથી ઘટીને 6.25 ટકા થયો હતો. એપ્રિલ 2025માં ફી રેપો રેટ 0.25 ટકા ઘટાડીને 6 ટકા કરવામાં આવ્યો હતો. તો જૂન 2025માં પણ RBI એ રેપો રેટમાં 0.50 ટકાનો મોટો ઘટાડો કર્યો હતો, ત્યારબાદ રેપો રેટ 6 ટકાથી ઘટીને 5.50 ટકા થયો હતો.

જો કે ત્યારબાદ રિઝર્વ બેંકે ઓગસ્ટ અને ઓક્ટોબરની મોનેટરી પોલિસીમાં રેપો રેટ ઘટાડવાનું ટાળ્યું હતું. હાલ રેપો રેટ 5.50 ટકા છે. આવી સ્થિતિમાં, એ જોવાનું રહેશે કે, શું આરબીઆઈ ડિસેમ્બર 2025 માં રેપો રેટમાં ફેરફાર કરે છે કે નહીં.

Dec 05, 2025 10:29 IST
RBi MPC Meeting : છુટક મોંઘવારી દરનો અંદાજ ઘટાડ્યો
આરબીઆઈ એ નાણાકીય વર્ષ 2026 દરમિયાન છુટક મોંઘવારી દર હવે 2 ટકા રહેવાનો અંદાજ મૂક્યો છે. અગાઉ આ અંદાજ 2.6 ટકા હતો. રિટેલ ઇન્ફ્લેશનનો અંદાજ ઓક્ટોબર ડિસેમ્બર 2026 ક્વાર્ટર માટે 1.8 ટકાથી ઘટાડી 0.6 ટકા, માર્ચ ક્વાર્ટર 2026 માટે 4 ટકા થી ઘટાડી 2.9 ટકા અને જૂન ક્વાર્ટર 2026 માટે 4.5 ટકાથી ઘટાડી 3.9 ટકા કર્યો છે. તો જુલાઇ સપ્ટેમ્બર 2026 દરમિયાન છુટક મોંઘવારી દર 4 ટકા રહેવાની ધારણા છે.



Dec 05, 2025 10:27 IST
GDP ગ્રોથ વધારી 7.3 ટકા કર્યો
આરબીઆઈ એ નાણાકીય વર્ષ 2026 માટે જીડીપી ગ્રોથનો અંદાજ વધારીને 7.3 ટકા કર્યો છે. જ્યારે અગાઉ 6.8 ટકા વૃદ્ધિનો અંદાજ મૂક્યો હતો. તો ઓક્ટોબર ડિસેમ્બર 2025 ત્રિમાસિકમાં 7 ટકા અને જાન્યુઆરી માર્ચ 2026 ક્વાર્ટરમાં જીડીપી ગ્રોથ 6.5 ટકા રહેવાની ધારણા વ્યક્ત કરી છે. ઉપરાંત એપ્રિલ - જૂન 2026 ક્વાર્ટરમાં 6.7 ટકા અને સપ્ટેમ્બર ક્વાર્ટર 2026માં 6.8 ટકા જીપીડી ગ્રોથ રહેવાનો અંદાજ વ્યક્ત કર્યો છે.



Dec 05, 2025 10:09 IST
RBI Monetary Policy 2025 : રેપો રેટ 0.25 ટકા ઘટ્યો, હોમ લોન સસ્તી થશે
આરબીઆઈ ગવર્નર સંજય મલ્હોત્રા એ કહ્યું કે, રિઝર્વ બેંકની મોનેટરી પોલિસીમાં રેપો રેટ 0.25 ટકા ઘટાડીને 5.525 ટકા કર્યો છે. રેપો રેટ ઘટતા હોમ લોન સસ્તી થશે.



Dec 05, 2025 10:06 IST
RBI Monetary Policy 2025 : ભારતનો આર્થિક વૃદ્ધિ વધ્યો : RBI ગવર્નર
આરબીઆઈ ગવર્નર સંજય મલ્હોત્રા દ્વિમાસિક પોલિસીની ઘોષણા કરી રહ્યા છે. રિઝર્વ બેંકના ગવર્નરે કહ્યું કે, ભારતના જીડીપી ગ્રોથમાં જબરદસ્ત વૃદ્ધિ જોવા મળી છે. વૃદ્ધિની દ્રષ્ટિએ આ વર્ષ સંતોષજનક રહ્યો છે. રિયલ જીડીપી ગ્રોથ પણ નોંધપાત્ર વધ્યો છે.



Dec 05, 2025 09:48 IST
2025માં RBI એ 3 વખત રેપો રેટ ઘટાડો
આરબીઆઈ એ વર્ષ 2025 દરમિયાન અત્યાર સુધીમાં રેપો રેટમાં 3 વખત ઘટાડો કર્યો છે. રિઝર્વ બેંકે સૌ પ્રથમ ફેબ્રુઆરી 2025માં રેપો રેટ 0.25 ટકા ઘટાડ્યો હતો, ત્યાર બાદ રેપો રેટ 6.50 ટકાથી ઘટીને 6.25 ટકા થયો હતો. એપ્રિલ 2025માં ફી રેપો રેટ 0.25 ટકા ઘટાડીને 6 ટકા કરવામાં આવ્યો હતો. તો જૂન 2025માં પણ RBI એ રેપો રેટમાં 0.50 ટકાનો મોટો ઘટાડો કર્યો હતો, ત્યારબાદ રેપો રેટ 6 ટકાથી ઘટીને 5.50 ટકા થયો હતો.



Dec 05, 2025 09:48 IST
RBI મોનેટરી પોલિસી 3 થી 5 ડિસેમ્બર યોજાઇ
તમને જણાવી દઇયે કે, 3 દિવસની રિઝર્વ બેંકની મોનેટરી પોલિસીની બેઠક 3 ડિસેમ્બર થી 5 ડિસેમ્બર દરમિયાન યોજાઇ હતી. RBIની આ દ્વિમાસિક ધિરાણનીતિ બેઠક હોય છે, જે દર બે મહિનામાં એક વખત યોજાય છે.



Dec 05, 2025 09:47 IST
RBI ધિરાણનીતિ આજે 10 વાગે જાહેર થશે
આજે આરબીઆઈ મોનેટરી પોલિસી 10 વાગે જાહેર થવાની છે. રિઝર્વ બેંક રેપો રેટ ઘટાડે છે કે નહીં તેના પર સૌની નજર છે. ત્રણ દિવસની આરબીઆઈ મોનેટરી પોલિસી મિટિંગ 3 ડિસેમ્બરે શરૂ થઇ હતી. આ બેઠકમાં લેવાયેલા નિર્ણયોની ઘોષણા આજે આરબીઆઈ ગવર્નર સંજય મલ્હોત્રા 10 વાગે કરશે.