Reliance Jio : દિવાળી પહેલા રિલાયન્સ જિયોએ લોન્ચ કર્યો નવો પ્રીપેડ પ્લાન, અનલિમિટેડ કૉલ્સ સાથે આટલો ડેટા મળશે

Reliance Jio : રિલાયન્સ જિયો (Reliance Jio) એ તેના ગ્રાહકો માટે એક નવો પ્રીપેડ પ્લાન લોન્ચ કર્યો છે. રિલાયન્સ જિયોએ તેના નવા પ્લાનમાં લાભ આપવા માટે ફૂડ-ડિલિવરી પ્લેટફોર્મ સ્વિગી સાથે પણ ભાગીદારી કરી છે. લેટેસ્ટ Jio પ્રીપેડ પ્લાનની કિંમત 866 રૂપિયા છે. આ પ્લાનમાં Swiggy One Lite સબસ્ક્રિપ્શન સિવાય અનલિમિટેડ કૉલ્સ અને ડેટા જેવી સુવિધાઓ આપવામાં આવી રહી છે.

Jio-Swiggy પાર્ટનરશિપ વિશે વાત કરીએ તો, આ પહેલીવાર છે જ્યારે કોઈ ટેલિકોમ કંપનીએ ફૂડ ડિલિવરી સર્વિસ સાથે ભાગીદારી કરી છે. સામાન્ય રીતે, ટેલિકોમ કંપનીઓના પ્રીપેડ પ્લાનમાં OTT સબસ્ક્રિપ્શન મફતમાં ઉપલબ્ધ હોય છે. અત્યાર સુધી, Jio દ્વારા ઓફર કરાયેલા પ્રીપેડ પ્લાન્સમાં Disney + Hotstar, SonyLIV, Zee5, Amazon Prime અને Netflix જેવા OTTનું સબસ્ક્રિપ્શન આપવામાં આવ્યું છે.

આ પણ વાંચો: Forex Trading Fraud : ક્રિપ્ટો કરન્સી બાદ ફોરેક્સ ટ્રેડિંગના નામે કરોડોની છેતરપિંડી

866 રૂપિયાનો જિયો પ્રીપેડ પ્લાન

રિલાયન્સ જિયોના નવા પ્રીપેડ પ્લાનની વાત કરીએ તો તેની વેલિડિટી 84 દિવસની છે. આ પ્લાનમાં દરરોજ 2GB 4G ડેટા આપવામાં આવે છે. એટલે કે ગ્રાહકો આ પેકમાં કુલ 168 GB 4G ડેટા ખર્ચી શકે છે. આ પેકમાં ગ્રાહકોને અનલિમિટેડ વોઈસ કોલની સુવિધા મળે છે. કોઈપણ વધારાના પૈસા ચૂકવ્યા વિના દેશભરમાં કોઈપણ નેટવર્ક પર ફ્રી લોકલ અને એસટીડી કોલ કરી શકાય છે.

ખાસ વાત એ છે કે જો તમે Jioના 5G નેટવર્કનો ઉપયોગ કરી રહ્યાં છો, તો તમે Jio વેલકમ ઑફર હેઠળ અનલિમિટેડ 5G ડેટા ખર્ચી શકો છો. આ પ્લાનની સૌથી મહત્વની વિશેષતા તેમાં ઉપલબ્ધ Swiggy One Lite સબસ્ક્રિપ્શન છે. આ પ્લાનની વેલિડિટી 3 મહિનાની છે.

આ પણ વાંચો: Royal Enfield Himalayan Old Vs New: રોયલ એન્ફિલ્ડ હિમાલયા 411cc થી 450cc સુધીની સફરમાં આટલું બદલાયું

સ્વિગી વન લાઇટ સબ્સ્ક્રિપ્શનમાં સુવિધાઓ:

• 149 રૂપિયાથી વધુના 10 ફૂડ ઓર્ડર પર ફ્રી હોમ ડિલિવરી
• 199 રૂપિયાથી વધુના ઇન્સ્ટામાર્ટ ઓર્ડર પર 10 ફ્રી હોમ ડિલિવરી
• ફૂડ અને ઇન્સ્ટામાર્ટ ઓર્ડર પર કોઈ વધારાની ફી નહીં
• રેગ્યુલર ઑફર્સ સિવાય, 20 હજાર રૂપિયાથી વધુની ફૂડ ડિલિવરી રેસ્ટોરન્ટ પર 30 ટકા સુધીનું વધારાનું ડિસ્કાઉન્ટ
• 60 રૂપિયાથી વધુની જીની ડિલિવરી પર 10 ટકા ડિસ્કાઉન્ટ

નોંધનીય છે કે Jio છેલ્લા કેટલાક અઠવાડિયાથી સતત બંડલ સબસ્ક્રિપ્શન પ્લાન લૉન્ચ કરી રહ્યું છે. તાજેતરમાં જ ટેલિકોમ કંપની જિયોએ એમેઝોન પ્રાઇમ સબસ્ક્રિપ્શન સાથે નવા વાર્ષિક પ્લાન લોન્ચ કર્યા હતા. આ પ્લાન્સમાં દરરોજ 2 GB 4G ડેટા આપવામાં આવે છે. આ પ્લાનની કિંમત 3227 રૂપિયા છે.