Samsung Galaxy A05, A05s: સેમસંગના બે સસ્તા સ્માર્ટફોનની માર્કેટમાં એન્ટ્રી, 128GB સુધી સ્ટોરેજ અને 50MP કેમેરા, જાણો અન્ય ફીચર્સ

Samsung Galaxy A05, A05s : સેમસંગે આખરે ફિલિપાઈન્સમાં તેની Galaxy A-સિરીઝમાં બે નવા એન્ટ્રી-લેવલ સ્માર્ટફોન લોન્ચ કર્યા છે. Samsung Galaxy A05 અને Galaxy A05s સ્માર્ટફોનમાં 90 Hz રિફ્રેશ રેટ ડિસ્પ્લે, 50MP પ્રાઈમરી રીઅર કેમેરા અને 128 GB સ્ટોરેજ જેવા ખાસ ફીચર્સ છે. તમને જણાવી દઈએ કે આ બંને એન્ટ્રી-લેવલ સેમસંગ સ્માર્ટફોન ભારતમાં 18 ઓક્ટોબર 2023ના રોજ લોન્ચ કરવામાં આવશે. આ સેમસંગ ફોનની કિંમત અને ફીચર્સ વિશે બધું જાણો…

Samsung Galaxy A05 ફીચર્સ

Galaxy A05માં 6.7 ઇંચની PLS LCD HD+ ડિસ્પ્લે છે. ફોનમાં MediaTek Helio G85 પ્રોસેસર, 4GB રેમ અને 64GB અને 128GB સ્ટોરેજ જેવા ફીચર્સ આપવામાં આવ્યા છે. ફોનમાં 50MP પ્રાઈમરી રીઅર કેમેરા સાથે 2-મેગાપિક્સલ ડેપ્થ કેમેરા સાથે ડ્યુઅલ રીઅર કેમેરા સેટઅપ છે. સેલ્ફી અને વીડિયો કૉલિંગ માટે, હેન્ડસેટમાં 5000mAh બેટરી છે જે 25W ચાર્જિંગને સપોર્ટ કરે છે.

આ પણ વાંચો: Apple Festival Season Sale: એપલ ફેસ્ટિવ સીઝન સેલ શરૂ,જાણો ઑફર્સ અને ડિસ્કાઉન્ટને લઈને બધુજ

સેમસંગનો આ ફોન ડ્યુઅલ સિમ સપોર્ટ કરે છે. કનેક્ટિવિટી માટે, ફોનમાં Wi-Fi, બ્લૂટૂથ, માઇક્રોએસડી કાર્ડ સ્લોટ, ફેસ અનલોક, USB Type-C અને 3.5 mm હેડફોન જેક છે. ડિવાઇસ Android 13 આધારિત One UI સાથે આવે છે. ફોનનું ડાયમેન્શન 68.8 x 78.2 x 8.8 mm અને વજન 195 ગ્રામ છે.

Samsung Galaxy A05s ફીચર્સ

Galaxy A05S માં 6.7 ઇંચ 2PLS LCD FullHD+ ડિસ્પ્લે છે. આ સ્માર્ટફોન સ્નેપડ્રેગન 680 પ્રોસેસર સાથે આવે છે. ફોનમાં 4 જીબી રેમ અને 128 જીબી ઇનબિલ્ટ સ્ટોરેજ છે. ફોનમાં 8 મેગાપિક્સલનો ફ્રન્ટ કેમેરા છે. ફોટોગ્રાફી માટે, પાછળના ભાગમાં 50MP પ્રાઇમરી, 2 મેગાપિક્સલ ડેપ્થ અને 2 મેગાપિક્સલ મેક્રો સેન્સર સાથે ટ્રિપલ રિયર કેમેરા સેટઅપ આપવામાં આવ્યું છે.

હેન્ડસેટને પાવર આપવા માટે, તેમાં 5000mAh બેટરી છે જે 25W ચાર્જિંગને સપોર્ટ કરે છે. કનેક્ટિવિટી માટે, આ હેન્ડસેટ ડ્યુઅલ-સિમ સપોર્ટ ધરાવે છે. ફોનમાં 4G VoLTE, Wi-Fi, બ્લૂટૂથ, ફિંગરપ્રિન્ટ સ્કેનર, માઇક્રોએસડી કાર્ડ સ્લોટ, ફેસ અનલોક, USB Type-C અને 3.5 mm ઓડિયો જેક જેવા ફીચર્સ છે. આ ફોન Android 13 આધારિત One UI સાથે આવે છે. હેન્ડસેટના પરિમાણો 168.0 x 77.8 x 8.8 mm અને વજન આશરે 194 ગ્રામ છે.

આ પણ વાંચો: Vivo Y200 : સ્માર્ટફોન ટૂંક સમયમાં ભારતમાં એન્ટ્રી કરશે, લોન્ચ પહેલા કિંમત જાહેર, જાણો અહીં

Samsung Galaxy A05, Galaxy A05s કિંમત અને ઉપલબ્ધતા

ફિલિપાઇન્સમાં, Galaxy A05 ને PHP 5,690 (આશરે રૂ. 8,300) અને Galaxy A05s PHP 7,990 (લગભગ રૂ. 11,700) માટે લોન્ચ કરવામાં આવ્યા છે. Galaxy A05 બ્લેક અને સિલ્વર કલરમાં ઉપલબ્ધ કરાવવામાં આવ્યો છે જ્યારે Galaxy A05S બ્લેક અને લાઇટ ગ્રીન કલરમાં ઉપલબ્ધ કરાવવામાં આવ્યો છે.

ભારતમાં આ બંને હેન્ડસેટની કિંમત 10000 રૂપિયાથી ઓછી હોવાની આશા છે. બંને ફોન ભારતમાં 18 ઓક્ટોબરે લોન્ચ થશે.