Samsung Galaxy Tab A11 Launch : સેમસંગે પોતાનું નવું ટેબ્લેટ ભારતમાં લોન્ચ કર્યું છે. સેમસંગ ગેલેક્સી ટેબ એ 11 ટેબ્લેટમાં ઓક્ટા કોર ચિપસેટ, 8.7 ઇંચની મોટી ડિસ્પ્લે અને 90Hz રિફ્રેશ રેટ જેવા ફીચર્સ છે. ગેલેક્સી ટેબ A11 ને 2023 માં લોન્ચ થયેલ ગેલેક્સી ટેબ A9ના અપગ્રેડેડ વેરિઅન્ટ છે. આ ટેબ્લેટમાં 8 મેગાપિક્સલનો સિંગલ રિયર કેમેરા અને 5 મેગાપિક્સલનો ફ્રન્ટ કેમેરા છે. નવા સેમસંગ સ્માર્ટફોનની કિંમત અને ફીચર્સ વિશે વિગતવાર જાણો.
Samsung Galaxy Tab A11 Price in India : કિંમત
સેમસંગ ગેલેક્સી ટેબ એ11ના વાઇ ફાઇ વેરિયન્ટ વાળા 4 જીબી રેમ અને 64 જીબી સ્ટોરેજ વેરિઅન્ટની કિંમત ભારતમાં 12,999 રૂપિયા છે. તો 8 જીબી રેમ અને 128 જીબી સ્ટોરેજ વેરિઅન્ટની કિંમત 17,999 રૂપિયા છે.
ગેલેક્સી ટેબ એ 11 મોડલના 4 જીબી રેમ અને 64 જીબી સ્ટોરેજ સેલ્યુલર વેરિઅન્ટની કિંમત 15,999 રૂપિયા છે. તો 8 જીબી રેમ અને 128 જીબી સ્ટોરેજ મોડલની કિંમત 20,999 રૂપિયા છે. આ ટેબને ગ્રે અને સિલ્વર કલરમાં ખરીદી શકાય છે.
Samsung Galaxy Tab A11 Specifications : સ્પેસિફિકેશન
સેમસંગ ગેલેક્સી ટેબ એ 11 માં 8.7-ઇંચની એચડી + (800×1,340 પિક્સેલ્સ) ટીએફટી ડિસ્પ્લે છે જે 90 હર્ટ્ઝના રિફ્રેશ રેટ સાથે છે. ટેબ્લેટમાં 2.2 ગીગાહર્ટઝ સીપીયુ સ્પીડ સાથે ઓક્ટા-કોર ચિપસેટ મળે છે. સેમસંગે ટેબ્લેટના પ્રોસેસર વિશે સત્તાવાર માહિતી આપી નથી.
ગેલેક્સી ટેબ એ 11 માં 8 જીબી રેમ અને 128 જીબી ઇનબિલ્ટ સ્ટોરેજ છે, જેને માઇક્રોએસડી કાર્ડ દ્વારા 2 ટીબી સુધી વધારી શકાય છે. ફોનના પાછળના ભાગમાં 8 મેગાપિક્સલનો ઓટોફોકસ રિયર કેમેરો છે. ડિવાઇસમાં 5 મેગાપિક્સલનો ફ્રન્ટ કેમેરો છે.
કનેક્ટિવિટી માટે, ગેલેક્સી ટેબ એ 11 માં વાઇ-ફાઇ, 5 જી, બ્લૂટૂથ 5.3, જીપીએસ, ગ્લોનાસ, બાઇડુ, યુએસબી ટાઇપ-સી પોર્ટ અને 3.5 એમએમ ઓડિયો જેક જેવી સુવિધાઓ છે. સેમસંગના ટેબ્લેટમાં ડોલ્બી સંચાલિત ડ્યુઅલ સ્પીકર છે.
સેમસંગ ગેલેક્સી ટેબ એ 9 અને ગેલેક્સી ટેબ એ 9 + ની જેમ, સેમસંગ ગેલેક્સી ટેબ એ 11 માં 5100mAh બેટરી છે. આ ડિવાઇસનું માપ 211.0×124.7×8.0 mm છે અને તેનું વજન 337 ગ્રામ છે.
