Share Market News Live: સેન્સેક્સ 85000 લેવલ ઉપર ખુલ્યા બાદ ઘટ્યો, નિફ્ટી 70 પોઇન્ટ નરમ

એમવી ફોલોવોલ્ટિક પાવર કંપનીનું શેર લિસ્ટિંગ નિરાશાજનક થયું છે. આજે બીએસઇ પર એમવી ફોલોવોલ્ટિક પાવરનો શેર લિસ્ટિંગ 217 રૂપિયાના ભાવે થયું હતું, જે આઈપીઓ ઇશ્યૂ ભાવની સમકક્ષ છે. બીજા શબ્દોમાં કહીયે તો એમવી ફોટોવોલ્ટિક પાવર શેરમાં લિસ્ટિંગ ગેઇન શૂન્ય છે. શેર લિસ્ટિંગ પહેલા જ ગ્રે માર્કેટ પ્રીમિયમ શૂન્ય થઇ ગયું હતું. એનએસઇ પર પણ આ શેર 217 રૂપિયાના ભાવે લિસ્ટેડ થયો છે.

બીએસઇ પર ફિઝિક્સવાલા શેર લિસ્ટિંગ 143 રૂપિયાના ભાવે થયું છે, જે આઈપીઓ ઇશ્યૂ પ્રાઇસ 109 રૂપિયાની તુલનામાં 35 ટકા લિસ્ટિંગ ગેઇન દર્શાવે છે. એટલે કે આઈપીઓ રોકાણકારોને ફિઝિક્સવાલા શેરમાં 35 ટકા વળતર મળ્યું છે. લિસ્ટિંગ બાદ શેર ઉપરમાં 162 રૂપિયા સુધી વધ્યો હતો. એનએસઇ પર આ શેર 145 રૂપિયાના ભાવે લિસ્ટેડ થયો છે.

Paytm વન 97 કોમ્યુનિકેશન્સ લિમિટેડ શેરમાં આજે એક મોટી બ્લોક ડિલ થવા સંભવ છે. SAIF III મોરેશિય , SAIF પાર્ટનર્સ અને Elevation Capital જેવા દિગ્ગજ ઇન્વેસ્ટર્સ પેટીએમ કંપનીમાં પોતાનો કુલ 2 ટકા હિસ્સો વેચી શકે છે. આ બ્લોડ ડીલ માટે ફ્લોર પ્રાઇસ 1,281 રૂપિયા પ્રતિ શેર નક્કી કરી છે. જે પાછલા બંધ ભાવની તુલનામાં 3.9% ટકા નીચો ભાવ છે. આ બ્લોક ડીલ બાદ 60 દિવસનું લોક અપ પિરિયડ હશે, જે દરમિયાન રોકાણકાર વધારાના શેર વેચી શકશે નહીં. આજે બીએસઇ પર પેટીએમનો શેર 1.2 ટકા ઘટી 1317 રૂપિયા બોલાતો હતો.

Physicswallah And Emmvee Photovoltaic Power IPO Share Price Listing News Today : ફિઝિક્સવાલા અને એમવી ફોટોવોલ્ટિક કંપનીના શેર લિસ્ટિંગ થવાના છે. આ બંને મેઇનબોર્ડ સેગમેન્ટ આઈપીઓ કંપનીના શેર BSE, NSE પર લિસ્ટિંગ થવાના છે. …સંપૂર્ણ વાંચો

શેરબજાર મંગળવારે વધીને ખુલ્યા બાદ ઘટ્યા હતા. સેન્સેક્સ પાછલા બંધ 84,950 સામે આજે 85000 લેવલ ઉપર 85,042 ખુલ્યો હતો. જો કે વૈશ્વિક બજારોના નબળા સંકેત અને નિફ્ટી વિકલી એક્સપાયરીના દબાણથી માર્કેટ ખુલ્યા બાદ તરત જ 170 પોઇન્ટ જેટલું ઘટીને ફરી 85000 નીચે 84770 લેવલ આસપાસ ટ્રેડ કરી રહ્યું છે. એનએસઇ નિફ્ટી પાછલા બંધ 26,013 સામે આજે 26,021 ખુલ્યો હતો. નરમ બજારમાં નિફ્ટી 70 પોઇન્ટ ઘટી 25940 લેવલ આસપુાસ ટ્રેડ કરી રહ્યો હતો.