Share Market News: શેરબજાર રસાકસીના અંતે ફ્લેટ બંધ, IT અને FMCG શેરમાં વેચવાલી, રૂપિયો ઐતિહાસિક તળિયે

શુક્રવારે ડોલર સામે રૂપિયો 11 પૈસા ઘટી 88.26 બંધ થયો છે, જે અત્યાર સુધીની સૌથી નીચી સપાટી છે. ગુરુવારે રૂપિયો 88.15 બંધ થયો હતો. ટ્રમ્પ ટેરિફ, વિદેશી રોકાણકારોની વેચવાલીથી ડોલર સામે ભારતીય રૂપિયો સતત નબળો પડી રહ્યો છે.

આઈટી અને એફએમસીજી શેરમાં ભારે વેચવાલીથી માર્કેટ ઘટ્યું છે. નિફ્ટી આઈટી ઇન્ડેક્સ 507 પોઇન્ટ તૂટ્યો છે. સેન્સેક્સના ટોપ 5 લૂઝર શેરમાં એફએમસીજી અને આઈટી શેર મોખરે હતા. જેમા આઇટીસી 2 ટકા, એચસીએલ ટેક, ટીસીએસ, ટેક મહિન્દ્રા, ઇન્ફોસિસ શેર દોઢ ટકા સુધી ઘટ્યા હતા. સેન્સેક્સના 30 માંથી 16 શેર ઘટ્યા હતા. શુક્રવારે બીએસઇ માર્કેટ કેપ 451.44 લાખ કરોડ રૂપિયા થઇ હતી.

શેરબજારમાં ટ્રેડિંગ સેશન દરમિયાન તીવ્ર રસાકસી બાદ સપ્તાહના છેલ્લા દિવસે સેન્સેક્સ નિફ્ટી સામસામે બંધ થયા છે. સેન્સેક્સ 7.25 ટકા ઘટી 80710 બંધ થયો છે. તો નિફ્ટી 6.7 ટકા વધી 24741 બંધ થયો છે. જીએસટી રિફોર્મ્સના ઉતન્માદમાં સેન્સેક્સ આજે 290 જેટલો વધી 81000 ઉપર ખુલ્યો હતો. જો કે આઈટી શેરમાં ભારે વેચવાલીથી આરંભિક સુધારો જોવાઇ જતા સેન્સેક્સ નીચામાં 80321 થયો હતો.

Oppo Reno 14 FS 5G Price and Features in Gujarati : ઓપ્પો રેનો 14 એફએસ 5જી સ્માર્ટફોનમાં Snapdragon 6 Gen 1 ચિપ અને 8GB RAM અને ઘણા AI ફીચર્સ આપવામાં આવ્યા છે. આ સ્માર્ટફોનમાં 6,000mAh બેટરી આવે છે, જે 45W SUPERVOOC ફાસ્ટ ચાર્જિંગને સપોર્ટ કરે છે. …સંપૂર્ણ વાંચો

અમેરિકામાં રોજગારીના નબળાં આંકડા બાદ ફેડ રિઝર્વ દ્વારા વ્યાજદરમાં ઘટાડાની અપેક્ષાથી યુએસ માર્કેટમાં જોરદાર તેજી જોવા મળી છે. એસએન્ડપી 500 ઇન્ડેક્સ રેકોર્ડ લેવલ પર બંધ થયા છે. ડાઓ જોન્સ 350 પોઇન્ટ જેટલો વધ્યો હતો.

સેન્સેક્સ નિફ્ટી શુક્રવારે વૈશ્વિક શેરબજારોની મજબૂતીના પગલે સુધારે ખુલ્યા હતા. સેન્સેક્સ 300 પોઇન્ટ જેટલો વધી 81000 લેવલ ઉપર 81012 ખુલ્યો હતો. જ્યારે ગુરુવારે 80718 લેવલ પર બંધ થયો હતો. તો નિફ્ટી 80 પોઇન્ટ આસપાસ વધીને 24818 ખુલ્યો હતો. ગુરુવારે અમેરિકાના શેરબજાર રેકોર્ડ લેવલ પર બંધ થયા હતા.