Share Market News: શેરબજાર સપાટ બંધ, ટાટા ગ્રૂપ શેર તૂટ્યા, હવે બિહાર ચૂંટણી પરિણામ પર નજર

Share Market Today News Live Update : શેરબજારમાં ગુરુવારે મોટી વધઘટના અંતે સેન્સેક્સ નિફ્ટી સપાટ બંધ થયા છે. સેન્સેક્સ 12 પોઇન્ટ સુધરી 84478 અને નિફ્ટી 3 પોઇન્ટ વધી 25879 બંધ થયો છે. સેન્સેક્સની ટ્રેડિંગ રેન્જ 84,919 થી 84,253 હતી. તો એનએસઇ નિફ્ટી ઇન્ટ્રા-ડેમાં 26000 ક્રોસ કરી 26,010 સુધી વધ્યો હતો. હવે બજારની નજર શુક્રવારે જાહેર થનાર બિહાર વિધાનસભા ચૂંટણી પરિણામ પર છે.

શેરબજારમાં સતત ત્રણ દિવસના સુધારા બાદ ગુરુવારે સેન્સેક્સ નિફ્ટી એકંદરે સુસ્ત હતા. ગુરુવારે સેન્સેક્સ પાછલા બંધ 84,466 લેવલ સામે 59 પોઇન્ટ વધી આજે 84,525 ખુલ્યો હતો. નિફ્ટી 36 પોઇન્ટ સુધરી 25,906 ખુલ્યો હતો. જો કે ઓપનિંગ સેશનમાં સેન્સેક્સ 100 પોઇન્ટથી વધુ ઘટ્યો હતો. એશિયાના શેરબજારોમાં મિશ્ર વલણ છે.

અમેરિકામાં શટડાઉન સમાપ્ત, હંગામી સ્પેન્ડિંગ બિલ પાસ

અમેરિકાનું સૌથી લાંબુ શટડાઉન સમાપ્ત થયું છે. અમેરિકાના નીતિ ઘડવૈયાઓએ એક હંગામી સ્પેન્ડિંગ પાસ કરી દીધું છે. યુએસ પ્રમુખ ડોનાલ્ડ ટ્રમ્પ અને કોંગ્રેસના ડેમોક્રેટ્સ વચ્ચે 6 સપ્તાહથી ચાલી રહેલું ઘર્ષણ હવે સમાપ્ત થશે. શટડાઉનના કારણે અમેરિકાના ઘણા મહત્વપૂર્ણ આર્થિક આંકડા જાહેર થવામાં વિલંબ થઇ રહ્યો છે. વિમાન સેવા અવરોધાઇ છે, લાખો લોકોને ખાદ્ય સહાયમાં વિલંબ થયો છે. અમેરિકામાં છ સપ્તાહના શટડાઉનના કારણે ચાલુ ત્રિમાસિકના જીડીપીમાં 1.5 ટકાનો ઘટાડો થઇ શકે છે.

ક્રૂડ ઓઇલમાં ઝડપી ઘટાડો, સોના ચાંદીમાં ઉછાળો

ક્રૂડ ઓઇલમાં ઝડપી ઘટાડો નોંધાયો છે. સપ્લાય વધવાના OPEC સમૂહના અંદાજથી ક્રૂડ ઓઇલમાં ઝડપી ઘટાડો જોવા મળ્યો છે. બ્રેન્ટ ક્રૂડ ઓઇલના ભાવ 4 ટકા ઘટીને 63 ડોલર નીચે જતા રહ્યા છે. તો બીજી બાજુ અમેરિકામાં શટડાઉન સમાપ્ત થવાથી સોનું 2 ટકા વધી 4200 ડોલરની નજીક પહોંચ્યું છે. તો ચાંદીમાં પણ 4 ટકાનો ઉછાળો આવ્યો છે.

Nov 13, 2025 16:39 IST
કન્ઝ્યુમર ડ્યુરેબલ્સ શેરમાં તેજી અકબંધ
ઘણા દિવસથી કન્ઝ્યુમર ડ્યુરેબલ્સ શેરમાં તેજીથી ઇન્ડેક્સ સતત વધી રહ્યો છે. આજે સુસ્ત બજારમાં પણ કન્ઝ્યુમર ડ્યુરેબલ્સ ઇન્ડેક્સ 529 પોઇન્ટ વધ્યો હતો. જ્યારે કેપિટલ ગુડસ ઇન્ડેક્સ 501 પોઇન્ટ ઘટ્યો હતો. મેટલ 124 પોઇન્ટ વધ્યો હતો. બીએસઇ સ્મોલકેપ 159 પોઇન્ટ અને મિડકેપ 161 પોઇન્ટ ઘટ્યા હતા. બીએસઇ માર્કેટકેપ 473.20 લાખ કરોડ રૂપિયા થઇ હતી. બીએસઇના 1846 શેર વધીને જ્યારે 2380 શેર ઘટીને બંધ થતા માર્કેટ બ્રેડ્થ નેગેટિવ થઇ હતી.



Nov 13, 2025 16:36 IST
ટાટા ગ્રૂપ શેરમાં વેચવાલી યથાવત્
ટાટા ગ્રૂપના શેર સતત બીજા દિવસે વેચવાલીના દબાણથી નોંધપાત્ર ઘટ્યા હતા. સેન્સેક્સના ટોપ 5 લુઝર શેરમાં 3 ટાટા ગ્રૂપના શેર હતા. સૌથી વધુ ઘટેલા 5 શેરમાં ઇટરનલ 3.6 ટકા, TMCV સવા બે ટકા, મહિન્દ્રા દોઢ ટકા, ટ્રેન્ટ 1.2 ટકા અને ટાટા સ્ટીલ 1.1 ટકા ઘટ્યા હતા. સેન્સેક્સના ટોપ 5 ગેઇનર શેરમાં એશિયન પેઇન્ટ્સ 3.8 ટકા, આઈસીઆઈસીઆઈ બેંક 2 ટકા, પારવગ્રીડ 1.2 ટકા, લાર્સન 1.2 ટકા અને બજાજ ફિનસર્વ 1 ટકા વધ્યા હતા.



Nov 13, 2025 16:33 IST
શેરબજાર સપાટ બંધ, ઇન્ટ્રા ડેમાં નિફ્ટી 26000 ક્રોસ થયો
શેરબજારમાં ગુરુવારે મોટી વધઘટના અંતે સેન્સેક્સ નિફ્ટી સપાટ બંધ થયા છે. સેન્સેક્સ 12 પોઇન્ટ સુધરી 84478 અને નિફ્ટી 3 પોઇન્ટ વધી 25879 બંધ થયો છે. સેન્સેક્સની ટ્રેડિંગ રેન્જ 84,919 થી 84,253 હતી. તો એનએસઇ નિફ્ટી ઇન્ટ્રા-ડેમાં 26000 ક્રોસ કરી 26,010 સુધી વધ્યો હતો.



Nov 13, 2025 15:25 IST
Silver Loan : ચાંદીના દાગીના સામે મળશે સિલ્વર લોન, RBIના નિયમ જાહેર
RBI Rules For Silver Loan : આરબીઆઈ એ ગોલ્ડ લોન જેમ સિલ્વર લોન માટે નિયમ જાહેર કર્યા છે. હવે 1 એપ્રિલ, 2026થી બેંકો ચાંદીના દાગીના અને સિક્કા પર લોન આપી શકશે. જાણો સિલ્વર લોનના નિયમ અને શરતો ...વધુ વાંચો



Nov 13, 2025 11:00 IST
સેન્સેક્સ 200 પોઇન્ટ સુધર્યો, બેંક શેર મજબૂત
બેંક અને ફાઈનાન્સ શેરમાં લેવાલીથી શેરબજારમાં રિકવરી જોવા મળી હતી. સેન્સેક્સ 200 પોઇન્ટથી વધુ સુધર્યો અને 84690 લેવલ આસપાસ ટ્રેડિંગ કરી રહ્યો છે. એનએસઇ નિફ્ટી 71 પોઇન્ટના સુધારામાં 25945 લેવલ આસપાસ ટ્રેડ કરી રહ્યો છે. બેંક શેરમાં સુધારાથી બેંક નિફ્ટી 280 પોઇન્ટ મજબૂત હતો. સેન્સેક્સના બ્લુચીપ શેરમં એશિયન પેઇન્ટ 3.2 ટકા, આઈસીઆઈસીઆઈ બેંક, ટાટા સ્ટીલ, બજાજ ફિનસર્વ અને ભારતી એટેલના શેર 1 થી 2 ટકા વધ્યા હતા.



Nov 13, 2025 09:27 IST
ક્રૂડ ઓઇલમાં ઝડપી ઘટાડો, સોના ચાંદીમાં ઉછાળો
ક્રૂડ ઓઇલમાં ઝડપી ઘટાડો નોંધાયો છે. સપ્લાય વધવાના OPEC સમૂહના અંદાજથી ક્રૂડ ઓઇલમાં ઝડપી ઘટાડો જોવા મળ્યો છે. બ્રેન્ટ ક્રૂડ ઓઇલના ભાવ 4 ટકા ઘટીને 63 ડોલર નીચે જતા રહ્યા છે. તો બીજી બાજુ અમેરિકામાં શટડાઉન સમાપ્ત થવાથી સોનું 2 ટકા વધી 4200 ડોલરની નજીક પહોંચ્યું છે. તો ચાંદીમાં પણ 4 ટકાનો ઉછાળો આવ્યો છે.



Nov 13, 2025 09:27 IST
અમેરિકામાં શટડાઉન સમાપ્ત થશે, હંગામી સ્પેન્ડિંગ બિલ પાસ
અમેરિકાનું સૌથી લાંબુ શટડાઉન સમાપ્ત થવાની તૈયારીમાં છે. અમેરિકાના નીતિ ઘડવૈયાઓએ એક હંગામી સ્પેન્ડિંગ પાસ કરી દીધું છે. યુએસ પ્રમુખ ડોનાલ્ડ ટ્રમ્પ અને કોંગ્રેસના ડેમોક્રેટ્સ વચ્ચે 6 સપ્તાહથી ચાલી રહેલું ઘર્ષણ હવે સમાપ્ત થશે. શટડાઉનના કારણે અમેરિકાના ઘણા મહત્વપૂર્ણ આર્થિક આંકડા જાહેર થવામાં વિલંબ થઇ રહ્યો છે. વિમાન સેવા અવરોધાઇ છે, લાખો લોકોને ખાદ્ય સહાયમાં વિલંબ થયો છે. અમેરિકામાં છ સપ્તાહના શટડાઉનના કારણે ચાલુ ત્રિમાસિકના જીડીપીમાં 1.5 ટકાનો ઘટાડો થઇ શકે છે.



Nov 13, 2025 09:27 IST
શેરબજારમાં સુધારો અટક્યો, સેન્સેક્સ 100 પોઇન્ટ નરમ
શેરબજારમાં સતત ત્રણ દિવસના સુધારા બાદ ગુરુવારે સેન્સેક્સ નિફ્ટી એકંદરે સુસ્ત હતા. ગુરુવારે સેન્સેક્સ પાછલા બંધ 84,466 લેવલ સામે 59 પોઇન્ટ વધી આજે 84,525 ખુલ્યો હતો. નિફ્ટી 36 પોઇન્ટ સુધરી 25,906 ખુલ્યો હતો. જો કે ઓપનિંગ સેશનમાં સેન્સેક્સ 100 પોઇન્ટથી વધુ ઘટ્યો હતો. એશિયાના શેરબજારોમાં મિશ્ર વલણ છે.