Share Market News: શેરબજારમાં સાર્વત્રિક તેજી, સેન્સેક્સ 1022 પોઇન્ટ ઉછળ્યો, રોકાણકારોને ₹ 5.5 લાખ કરોડની કમાણી

શેરબજારમાં ઉછાળાથી બીએસઇની માર્કેટકેપ 474.90 લાખ કરોડે પહોંચી હતી, જે ગઇકાલે 469.41 લાખ કરોડ રૂપિયા હતી. આમ એક જ દિવસમાં શેરબજારના રોકાણકારોને 5.50 લાખ કરોડ રૂપિયાની કમાણી થઇ છે. બીએસઇ પર 2800 શેર વધીને જ્યારે 1371 શેર ઘટીને બંધ થતા શેરબજારની માર્કેટ બ્રેડ્થ પોઝિટિવ થઇ હતી.

મિડકેપ 616 પોઇન્ટ અને સ્મોલકેપ 638 પોઇન્ટ વધ્યો હતો. તો સેક્ટોરિયલ ઇન્ડેક્સમાં કેપિટલ ગુડ્સ 1128 પોઇન્ટ, કન્ઝ્યુમર ડ્યુરેબલ્સ 812 પોઇન્ટ, મેટલ 692 પોઇન્ટ, ઓટો 657 પોઇન્ટ અને ઓઇલ ગેસ 510 પોઇન્ટ વધ્યા હતા. બેંક અને ફાઈનાન્સ શેરમાં તેજીથી બેંક નિફ્ટી 707 પોઇન્ટ અને નિફ્ટી આઈટી 537 પોઇન્ટ વધીને બંધ થયા હતા.

શેરબજારની સાર્વત્રિક તેજી વચ્ચે સેન્સેક્સના 30 બ્લુચીપ શેર માંથી 28 શેર વધીને બંધ થયા હતા. જેમા બજાજ ફિનસર્વ 2.6 ટકા, બજાજ ફાઈનાન્સ અઢી ટકા, ટાટા સ્ટીલ, રિલાયન્સ અને સન ફાર્માના શેર 2 ટકા વધીને બંધ થયા હતા. તો લુઝર શેરમાં એશિયન પોઇન્ટ સાધારણ અને ભારતી એરટેલ 1.5 ટકા ઘટ્યો હતો.

શેરબજારમાં તેજી સાથે સેન્સેક્સ નિફ્ટીમાં જબરદસ્ત ઉછાળો આવ્યો છે. સેન્સેક્સ 1022 પોઇન્ટ ઉછળી 85609 બંધ થયો છે. ઇન્ટ્રા ડેમાં સેન્સેક્સ 85644 ટોચ સુધી પહોંચ્યો હતો. હવે સેન્સેકસ્ તેની 27 સપ્ટેમ્બર, 2024ના રોજ બનેલી 85978ની ઐતિહાસિક ટોચથી માત્ર 369 પોઇન્ટ દૂર છે. એનએસઇ નિફ્ટી 320 પોઇન્ટ વધી 26205 બંધ થયો છે. સાર્વત્રિક તેજીથી શેરબજારના તમામ ઈન્ડેક્સ વધીને બંધ થયા છે. બેંક નિફ્ટી 707 પોઇન્ટ વધી નવી ટોચે બંધ થયો છે.

Tata Sierra vs Hyundai Creta Comparison: ટાટા સિએરા હ્યુન્ડાઇ ક્રેટાને ટક્કર આપી રહી છે. અહીં બંને એસયુવી કારની કિંમત, સેફ્ટી ફીચર્સ અને એન્જિન માઇલેજ વિશે જાણકારી આપી છે. જેનાથી ટાટા સિએરા અને હ્યુન્ડાઇ ક્રેટા માંથી કઇ કાર શ્રેષ્ઠ છે તે નક્કી કરવામાં તમને સરળતા રહેશે. …અહીં વાંચો

શેરબજારમાં તેજી સતત આગળ વધી રહી છે. સેન્સેક્સ 900 પોઇન્ટ થી વધુ ઉછળ્યો અને 85500 લેવલ આસપાસ ટ્રેડિંગ કરી રહ્યો છે. તો એનએસઇ નિફ્ટી 280 પોઇન્ટ વધ્યો છે અને 26,169 લેવલ આસપાસ છે. બજાજ ફિનસર્વ, બજાજ ફાઈનાન્સ, ટ્રેન્ટ, અદાણી પોર્ટ્સ, મારૂતિના શેર બે થી અઢી ટકા વધ્યા છે. બેંક નિફ્ટી 640 પોઇન્ટ અને નિફ્ટી આઈટી ઇન્ડેક્સ 390 પોઇન્ટ જેટલા ઉછળ્યા છે.

શેરબજારની આગેકૂચ યથાવત રહેતા સેન્સેક્સ નિફ્ટી ઓપનિંગ સેશનમાં જ નોંધપાત્ર ધ્યા છે. સેન્સેક્સ 360 પોઇન્ટથી વધુ ઉછળીને 84950 લેવલ ઉપર પહોંચી ગયો છે. તો એનએસઇ નિફીટ 120 પોઇન્ટ જેટલો વધીને 26000 લેવલ ઉપર ટ્રેડિંગ કરી રહ્યો છે.

રશિયા યુક્રેન યુદ્ધ સમાપ્ત કરવા માટે શાંતિ મંત્રણા ચાલી રહી હોવાથી ક્રૂડ ઓઇલના ભાવ 1 મહિનાની નીચી સપાટીએ જતા રહ્યા છે. બ્રેન્ડ ક્રૂડ ઓઇલ વાયદો 19 સેન્ટ ઘટી 62.67 ડોલર અને યુએસ ક્રૂડ વાયદો 14 સેન્ટ ઘટીને 58.09 ડોલર પ્રતિ બેરલ બોલાયો છે. રશિયા યુક્રેન શાંતિ મંત્રણાની બહુ નજીક છે, જેનાથી રશિયાની ક્રૂડ સપ્લાય પર વૈશ્વિક પ્રતિબંધ ઉઠાવી લેવામાં આવી શકે છે.

આજે ટાટા મોટર્સ પેસેન્જર વ્હીકલ શેર સેન્સેક્સનો ટોપ ગેઇનર શેર બની રહ્યો હતો. TMPL 2.7 ટકા વધીને 362 રૂપિયા બોલાયો હતો. તો અદાણી પોર્ટ્સ અઢી ટકા, ટાટા સ્ટીલ 1.5 ટકા, ટ્રેન્ટ દોઢ ટકા, એક્સિસ બેંક અને બજાજ ફિનસર્વ 1 ટકા આસપાસ વધીને ટ્રેડિંગ કરી રહ્યા છે.

સેન્સેક્સ નિફ્ટી બુધવારે નરમ ખુલ્યા બાદ રિકવર થયા છે. યુએસ ફેડ રેટ કટના આશાવાદથી વૈશ્વિક બજારોનું સેન્ટિમેન્ટ સુધર્યું છે. સેન્સેક્સ પાછલા બંધ 84,587 થી ઘટીને આજે 84,503 ખુલ્યો હતો. બ્લુચીપ ટાટા ગ્રૂપ અને રિલાયન્સ શેરમાં તેજીથી સેન્સેક્સ 250 પોઇન્ટ જેટલો વધીને 84850 લેવલ આસપાસ ટ્રેડિંગ કરી રહ્યો છે. એનએસઇ નિફ્ટી 40 પોઇન્ટ ઘટીને 25,842 ખુલ્યો હતો. શેરબજાર રિકવર થતા નિફ્ટી 5 પોઇન્ટ વધી 25970 લેવલ ઉપર મજબૂત છે.