/indian-express-gujarati/media/agency_attachments/2025/11/10/2025-11-10t115614773z-ieg-logo-640x480-javed-ahmad-2025-11-10-17-26-13.png){kind=logo}
Follow Us/indian-express-gujarati/media/media_files/wp-content/uploads/2023/06/Bageshwar-dham-dhirendra-shastri-22.jpg)
Some companies give dividends to the investors and sometimes the yield is higher than the interest on FD
Latest Top Dividend Yield PSU Stocks: ઉંચી ડિવિડન્ડ આપતા અને મજબૂત ફંડામેન્ટલ ધરાવતી કંપનીઓના શેર રોકાણકારોના પોર્ટફોલિયોને સંતુલિત કરી શકે છે. ડિવિડન્ડ સ્ટોક્સમાં મૂલ્ય વૃદ્ધિની સંભાવના હોય છે. આવી રીતે તે લાંબા ગાળે બમણો ફાયદો કરાવી શકે છે. ડિવિડન્ડ સ્ટોક્સ ફુગાવાને હરાવવા માટે વધારાનો માર્ગ પૂરો પાડે છે. શેરમાં રોકાણ માત્ર ફુગાવાના સમયે કમાણી જ નથી કરાવતા સાથે સાથે શેરના ભાવમાં વધારો ફુગાવાને સંતુલિત કરવામાં પણ મદદ કરી શકે છે. એટલે કે, તેઓ માત્ર ફુગાવાને હરાવવાની ક્ષમતા ધરાવતા નથી, પરંતુ ઉંચી ડિવિડન્ડ યીલ્ડથી તેઓ ખરાબ સમયમાં જોખમ ઘટાડવામાં મદદ કરે છે. આ એક ઇન્ડિકેટર છે જે દર્શાવે છે કે રોકાણકારો તેમના રોકાણ કરેલા નાણાં પર કેટલું વળતર મેળવી રહ્યા છે.
વાસ્તવમાં, કેટલીક કંપનીઓ તેમના નફાનો અમુક હિસ્સો તેમના શેરધારકોને સમયાંતરે ડિવિડન્ડના રૂપમાં ચૂકવતી રહે છે. આવી કંપનીઓને ડિવિડન્ડ યીલ્ડ સ્ટોક પણ કહેવામાં આવે છે. તમામ કંપનીઓએ ડિવિડન્ડ ચૂકવવું એ જરૂરી નથી. શેરધારકોને ડિવિડન્ડ આપવું કે નહીં તે સંપૂર્ણપણે કંપનીનો નિર્ણય છે. અહીં, બ્રોકરેજ હાઉસ રેલિગેર બ્રોકિંગને ટાંકીને, અમે આવા કેટલાક શેર વિશે માહિતી આપી છે, જેના ફંડામેન્ટલ્સ મજબૂત છે અને ડિવિડન્ડ યીલ્ડ પણ વધારે છે.
ટોચના ડિવિડન્ડ યીલ્ડ સ્ટોક્સ (Top Dividend Yield Stocks)
| કંપની | સેક્ટર | CMP(રૂ.) | P/E(x) | DPS(FY22) | DPS(FY21) | ડિવ યીલ્ડ (%) |
| કોલ ઈન્ડિયા | ખાણકામ | 230 | 8.9 | 24.3 | 17.0 | 10.5 |
| સેઇલ | ધાતુ | 91 | 3.4 | 8.8 | 2.8 | 9.6 |
| ઓઈલ ઈન્ડિયા | તેલ અને ગેસ | 273 | 4.0 | 20.0 | 14.3 | 7.3 |
| ઓએનજીસી | તેલ અને ગેસ | 174 | 4.9 | 11.3 | 10.5 | 6.5 |
| પાવર ગ્રીડ કોર્પો | શક્તિ | 245 | 10.3 | 14.8 | 14.8 | 6.0 |
| પીટીસી ઈન્ડિયા | શક્તિ | 139 | 6.8 | 7.8 | 7.8 | 5.6 |
| NMDC | ખાણકામ | 123 | 5.9 | 6.6 | 14.7 | 5.4 |
| આરઈસી | ફાઇનાન્સ | 239 | 2.8 | 12.6 | 15.3 | 5.3 |
| પીએફસી | ફાઇનાન્સ | 260 | 6.5 | 13.3 | 12.0 | 5.1 |
| નાલ્કો | ધાતુ | 94 | 9.3 | 4.5 | 6.5 | 4.8 |
ડિવિડન્ડ શેરમાં ડબલ ફાયદો કેવી રીતે મેળવવો
ધારો કે તમારી પાસે કોઈ કંપનીના 10,000 શેર છે અને તમે તેમાં 25 લાખ રૂપિયા (શેર દીઠ 250 રૂપિયા)નું રોકાણ કર્યું છે. આ શેરનું વાર્ષિક રિટર્ન 20 ટકા છે અને કંપનીએ રોકાણકારોને પ્રતિ શેર 8 રૂપિયાનું ડિવિડન્ડ આપવાનું નક્કી કર્યું છે.
- કુલ શેર: 10,000
- તમે રોકાણ કર્યું: 25 લાખ રૂપિયા (શેર દીઠ 250 રૂપિયા)
- 1 વર્ષનું વળતર: રોકાણ પર 20 ટકા વળતર
- રોકાણ પર વળતર : 5 લાખ રૂપિયા
- ડિવિડન્ડ: શેર દીઠ 8 રૂપિયા (કુલ ડિવિડન્ડ રિટર્ન: 80,000 રૂપિયા)
- કુલ નફો: 5 લાખ + 80 હજાર = 5,80,000 રૂપિયા
આ પણ વાંચો | આ 4 શેરમાં 1 લાખનું રોકાણ કરો, મહિનામાં 22000 સુધીનો નફો મળશે; શેર બજારની શોર્ટ ટર્મ ટ્રેડિંગ ટીપ્સ
ડિવિડન્ડ સ્ટોકમાં શા માટે રોકાણ કરવું જોઈએ?
જ્યારે શેરબજારમાં અસ્થિરતા હોય છે, ત્યારે ઊંચા ડિવિડન્ડ શેર રોકાણકારોના પોર્ટફોલિયોને સુરક્ષિત કરી શકે છે. ઉંચી ડિવિડન્ડ યીલ્ડને કારણે તેઓ શેરમાં ઘટાડાના જોખમને સંતુલિત કરી શકે છે. કેટલીક કંપનીઓની ડિવિડન્ડ યીલ્ડ 6 થી 8 ટકા સુધીની હોય છે. ધારો કે તમારા પોર્ટફોલિયોમાં કેટલાક શેરો ઘટે છે, જ્યારે કેટલાક શેર તમને ડિવિડન્ડની આવક આપે છે. આવા કિસ્સામાં પોર્ટફોલિયો સંતુલિત થઇ શકે છે. સતત 6 થી 8 ટકા ડિવિડન્ડ આપતા સ્ટોક્સ પણ ફુગાવાને હરાવી શકે છે. તે ડિવિડન્ડ ચૂકવતી કંપનીઓને રોકાણ માટે પસંદ કરી શકાય છે, જેમાં કોઈ નકારાત્મક પરિબળો નથી અને આઉટલૂક પણ સારો દેખાય છે. તેમા લાંબા ગાળા માટે રોકાણ કરવું વધુ સારું રહે છે. આકર્ષક ડિવિડન્ડ આપતી કંપનીઓ તેમની બેલેન્સ શીટ પરથી ઓળખી શકાય છે. જે કંપની સતત નફો કરી રહી હોય છે.