/indian-express-gujarati/media/agency_attachments/2025/11/10/2025-11-10t115614773z-ieg-logo-640x480-javed-ahmad-2025-11-10-17-26-13.png){kind=logo}
Follow Us/indian-express-gujarati/media/media_files/wp-content/uploads/2024/10/Share-Market-Trading-Tips-2.jpg)
Share Market Trading Tips: શેરબજાર દિવાળી મુહૂર્ત ટ્રેડિંગ ટીપ્સ (Photo: Freepik)
Best Stocks for Samvat 2081 : દિવાળી પર મુહૂર્ત ટ્રેડિંગ સાથે નવું વિક્રમ સંવત 2081ની 1 નવેમ્બરથી શરૂઆત થશે. બ્રોકરેજ હાઉસ એક્સિસ સિક્યોરિટીઝનું કહેવું છે કે સંવત 2081 વૈશ્વિક અર્થતંત્ર માટે મહત્વપૂર્ણ વર્ષ સાબિત થવાનું છે. અમે વૈશ્વિક રેટ કટ સાયકલ વચ્ચે આ નવી સીઝનની શરૂઆત કરી રહ્યા છીએ. યુએસ ફેડ રિઝર્વે તેની 24 સપ્ટેમ્બરની FOMC મીટિંગ દરમિયાન વ્યાજદરમાં 0.50 ટકાનો ઘટાડો કર્યો છે અને 2024માં જ વધુ 2 રેટ કટના સંકેત આપ્યા છે. આ ઉપરાંત 2025માં 4 વખત રેટ કટની શક્યતા પણ વ્યક્ત કરવામાં આવી છે. આરબીઆઈ એ પણ તેની તાજેતરની MPC મીટિંગમાં તમામ વ્યાજદર સ્થિર રાખ્યા છે, જે દર્શાવે છે કે આગામી 6 થી 9 મહિનામાં રેટ કટની અપેક્ષા રાખવામાં આવી શકે છે.
ગ્રામીણ વપરાશ માટે પોઝિટિવ આઉટલુક
બ્રોકરેજ કહે છે કે સંવત 2081 માટે, અમે ફુગાવાના વલણ અને વ્યાપક વૃદ્ધિ ગતિશીલતાને આધારે આરબીઆઈ દ્વારા 1 થી 2 વખત રેટ કટની અપેક્ષા રાખીએ છીએ. કૃષિ પ્રવૃત્તિઓમાં સુધારા અને ગ્રામીણ વપરાશ માટેના સકારાત્મક દૃષ્ટિકોણને કારણે RBIએ નાણાકીય વર્ષ 2025 માટે જીડીપી વૃદ્ધિ દરનો અંદાજ 7.2 ટકા જાળવી રાખ્યો છે. વધુમાં, ચોમાસાની સીઝન (જૂન-સપ્ટે.'24) દરમિયાન વરસાદ લાંબા ગાળાની સરેરાશ (LPA) કરતાં 4% વધારે હતો અને સમગ્ર દેશમાં જળાશયમાં પાણીનું સ્તર ગયા વર્ષ કરતાં વધુ છે. આ સાનુકૂળ પરિસ્થિતિઓથી ગ્રામીણ અર્થતંત્રને ફાયદો થવાની અપેક્ષા છે. આ વર્ષે મજબૂત રવિ પાકની શક્યતાઓ વધશે.
/indian-express-gujarati/media/media_files/wp-content/uploads/2024/09/Share-Market-BSE-Sensex.jpg)
સંવત 2081માં આ પરિબળ શેરબજારને અસર કરશે
- અમેરિકામાં ચૂંટણી
- ચીનમાં આર્થિક સુધારા
- તહેવાર દરમિયાન વ્યવસાયિક પ્રવૃતિ
- યુએસ બોન્ડ યીલ્ડનો દેખાવ
- ક્રૂડ ઓઈલના ભાવ
- નાણાકીય ભંડોળનો પ્રવાહ
આ પરિબળો ભારતીય ઇક્વિટી બજારોમાં અસ્થિરતા પેદા કરે તેવી અપેક્ષા છે, જે આ ઘટનાઓના આધારે બંને દિશામાં પ્રતિક્રિયા આપી શકે છે. નજીકના ગાળામાં નવી ઘટનાક્રમોને ધ્યાનમાં લેતા, અમૂક મૂડી ફાળવણી ચીન તરફ વળી શકે છે. જો કે, બ્રોકરેજ હાઉસ કહે છે કે અમને ભારતીય ઇક્વિટી માર્કેટની લાંબા ગાળાની વૃદ્ધિની કહાણીમાં વિશ્વાસ છે. જો કે, વર્તમાન વેલ્યુએશન પર વધુ વૃદ્ધિ માટે મર્યાદિત અવકાશ છે. કોર્પોરેટ અર્નિંગ વૃદ્ધિ એ આગળ જતા માર્કેટ રિટર્નનો મુખ્ય ચાલક હશે.
સંવત 2081 માટે સ્ટોક ઈન્વેસ્ટમેન્ટ થીમ
વાજબી મૂલ્યાંકન પર ઉચ્ચ વૃદ્ધિની સંભાવના ધરાવતી કંપનીઓ
તેમના ક્ષેત્રમાં નેતૃત્વની સ્થિતિ ધરાવતી કંપનીઓ
રિટર્ન રેશિયોમાં સુધારો કરવાનો મજબૂત ટ્રેક રેકોર્ડ ધરાવતી કંપનીઓ
રેટ કટ સાયકલ, રક્ષણાત્મક, મૂડીખર્ચ, વપરાશ અને નિકાસલક્ષી થીમ્સનું યોગ્ય મિશ્રણ
નવા વર્ષમાં રોકાણ કરવા યોગ્ય કંપનીઓના શેર
Gravita India : ગ્રેવિટા ઈન્ડિયા
ટાર્ગેટ પ્રાઇસ : 3000 રૂપિયા
અપેક્ષિત રિટર્ન : 38 ટકા
Arvind Smart Spaces : અરવિંદ સ્માર્ટ સ્પેસ
ટાર્ગેટ પ્રાઇસ : 1085 રૂપિયા
સંભવિત રિટર્ન : 37 ટકા
Inox Wind : આઇનોક્સ વિન્ડ
ટાર્ગેટ પ્રાઇસ : 270 રૂપિયા
અપેક્ષિત રિટર્ન : 31 ટકા
KPIT Technologies : કેપીઆઈટી ટેક્નોલોજીસ
ટાર્ગેટ પ્રાઇસ : 2150 રૂપિયા
અપેક્ષિત રિટર્ન : 27 ટકા
HG Infra : એચજી ઇન્ફ્રા
ટાર્ગેટ પ્રાઇસ : 1700 રૂપિયા
સંભવિત રિટર્ન : 27 ટકા
AU Small Bank : એયુ સ્મોલ બેંક
ટાર્ગેટ પ્રાઇસ : 800 રૂપિયા
સંભવિત રિટર્ન : 25 ટકા
Lupin : લ્યુપિન
ટાર્ગેટ પ્રાઇસ : 2600 રૂપિયા
સંભવિત રિટર્ન : 22 ટકા
Indian Hotels : ભારતીય હોટેલ્સ
ટાર્ગેટ પ્રાઇસ : 800 રૂપિયા
સંભવિત રિટર્ન : 22 ટકા
આ પણ વાંચો | સોનું કે સેન્સેક્સ શેમાં રોકાણ કરવાથી આગામી દિવાળી સુધી થશે જંગી કમાણી? જાણો
UNO Minda : યુનો મિંડા
ટાર્ગેટ પ્રાઇસ : 1900 રૂપિયા
સંભવિત રિટર્ન : 18 ટકા
(Disclaimer: શેરમાં રોકાણ કરવાની સલાહ બ્રોકરેજ હાઉસ દ્વારા આપવામાં આવી છે. આ ઈન્ડિયન એક્સપ્રેસ ગુજરાતીના અંગત મંતવ્યો નથી. બજાર જોખમને આધિન છે, તેથી રોકાણ કરતા પહેલા નિષ્ણાતનો અભિપ્રાય લેવી.)