Share Market News: સેન્સેક્સ નિફ્ટી સતત બીજા દિવસે ઘટીને બંધ, રોકાણકારોને 1.5 લાખ કરોડનું નુકસાન

Share Market Today News Live Update: શેરબજારમાં ઈઝરાયલ ઈરાન યુદ્ધના તણાવથી માર્કેટ સેન્ટિમેન્ટ નબળું પડતા સેન્સેક્સ નિફ્ટી 18 જૂન બુધવારે ઘટીને ખુલ્યા હતા. જો કે શેરબજારમાં પેનિક સેલિંગથી સેન્સેક્સ નિફ્ટી સતત બીજા દિવસે ઘટીને બંધ થયા છે. સેન્સેક્સ 138 પોઇન્ટ ઘટી 81444 બંધ થયો છે. સેશન દરમિયાન સેન્સેક્સની ટ્રેડિંગ રેન્જ 81858 થી 81237 હતી. એનએસઇ નિફ્ટી 41 પોઇન્ટ ઘટી 24812 બંધ થયો હતો. ઈઝરાયલ ઈરાન યુદ્ધથી દુનિયાભરના શેરબજાર ઘટ્યા છે. એશિયન બજારોમાંથી પણ નબળાં સંકેત વચ્ચે ગિફ્ટ નિફ્ટી ઈન્ડેક્સ ડાઉન હતો. મીડલ ઇસ્ટની અશાંતિથી ક્રૂડ ઓઇલમાં તેજી આવી છે, જેનાથી રૂપિયા પર દબાણ આવી શકે છે.

સેન્સેક્સ 269 ઘટીને ખુલ્યો,નિફ્ટી 24800 નીચે

સેન્સેક્સ પાછલા બંધ 81582 સામે 269 પોઇન્ટના ઘટાડે બુધવારે 81314 ખુલ્યો હતો. એનએસઇ નિફ્ટી આજે 60 પોઇન્ટથી વધુ ઘટી 24788 ખુલ્યો હતો. જ્યારે આગલા દિવસે 24853 બંધ થયો તો.

ઈઝરાયલ ઈરાન યુદ્ધથી ક્રૂડ ઓઇલમાં તેજી, ચાંદી ઉછળી

ઈઝરાયલ ઈરાન યુદ્ધથી ક્રૂડ ઓઈલના ભાવ સતત વધી રહ્યા છે. બ્રેન્ટ ક્રૂડ ઓઈલના ભાવ પ્રતિબેરલ 77 ડોલરની સપાટી કુદાવી ગયા છે. ઈઝરાયલ ઈરાન યુદ્ધ દરમિયાન રોકાણકારોમાં સેફ હેવન ડિમાન્ડ વધતા બુલિયન માર્કેટમાં તેજી આવી છે. ચાંદીના ભાવ ઐતિહાસિક ટોચે પહોંચી ગયા છે. આજે એમસીએક્સ ચાંદી વાયદો 475 રૂપિયા વધીને 1,09,470 રૂપિયા થયો છે. અમદાવાદમાં ચાંદીના ભાવ 1.07 લાખ રૂપિયા પ્રતિ કિલો બોલાયો છે. તો સોનાનો ભાવ 500 રૂપિયા ઘટીને 1.02 લાખ રૂપિયા પ્રતિ 10 ગ્રામ થયો છે. આજે એમસીએક્સ ગોલ્ડ વાયદો ઘટાડે ટ્રેડ કરી રહ્યો છે.

Jun 18, 2025 16:51 IST
રોકાણકારોને 1.5 લાખ કરોડનું નુકસાન
બુધવારે બોમ્બે સ્ટોક એક્સચેન્જ પર લિસ્ટેડ તમામ કંપનીઓન કુલ માર્કેટકેપ ઘટીને 446.28 લાખ કરોડ રૂપિયા થઇ હતી. જ્યારે મંગળવારે બીએસઇની માર્કેટકેપ 447.82 લાખ કરોડ રૂપિયા હતી. આમ બુધવારે શેરબજારના રોકાણકારોને 1.5 લાખ કરોડ રૂપિયાનું નુકસાન થયું છે. બીએસઇ પર 1532 શેર વધવાની સામે 2448 શેર ઘટીને બંધ થતા માર્કેટ બ્રેડ્થ નેગેટિવ થઇ હતી.



Jun 18, 2025 16:47 IST
શેરબજાર સતત બીજા દિવસે ડાઉન, સેન્સેક્સ 138 પોઇન્ટ તૂટ્યો
શેરબજારમાં પેનિક સેલિંગથી સેન્સેક્સ નિફ્ટી સતત બીજા દિવસે ઘટીને બંધ થયા છે. સેન્સેક્સ 138 પોઇન્ટ ઘટી 81444 બંધ થયો છે. સેશન દરમિયાન સેન્સેક્સની ટ્રેડિંગ રેન્જ 81858 થી 81237 હતી. એનએસઇ નિફ્ટી 41 પોઇન્ટ ઘટી 24812 બંધ થયો હતો. ઈઝરાયલ ઈરાન યુદ્ધથી દુનિયાભરના શેરબજાર ઘટ્યા છે.



Advertisment
Jun 18, 2025 12:12 IST
વેંદાતાએ હિન્દુસ્તાન ઝીંકના 7.2 કરોડ શેર વેચ્યા, સ્ટોક 7 ટકા તૂટ્યો
વેંદાતા લિમિટેડ આજે હિન્દુસ્તાન ઝીંકના 7.2 કરોડ ઇક્વિટી શેર એટલે કે 1.72 ટકા હિસ્સો 3323 કરોડ રૂપિયાની બ્લોક ડીલમાં વેચ્યો છે. આ બ્લોક ડિલ બાદ વેદાંતા અને હિન્દુસ્તાન ઝીંક શેર તૂટ્યા છે. હિન્દુસ્તાન ઝીંકનો શેર 6 ટકાથી વધુ ઘટી નીચામાં 455 રૂપિયા સુધી ગયો હતો. તો વેદાંતા લિમિટેડનો શેર પોણો ટકો ઘટી 454 રૂપિયા બોલાયો હતો. વેંદાતાએ આ બ્લોક ડિલ માટે હિન્દુસ્તાન ઝીંકના શેર માટે ફ્લોર પ્રાઇસ પ્રતિ શેર 460.5 રૂપિયા નક્કી કરી છે.



Jun 18, 2025 12:05 IST
સેન્સેક્સ 260 પોઇન્ટ ડાઉન, ઈઝરાયલ ઈરાન યુદ્ધથી માર્કેટ અંડરપ્રેશર
શેરબજાર કોન્સોલિડેશન મોડમાં ટ્રેડિંગ કરી રહ્યું છે. નેગેટિવ ઓપનિંગ બાદ સેન્સેક્સ વધ્યા બાદ ફરી ઘટ્યો છે. સેન્સેક્સ બપોરે 12 વાગેની આસપાસ 260 પોઇન્ટ ઘટીને 81350 ટ્રેડ કરી રહ્યો છે. તો એનએસઇ નિફ્ટી 74 પોઇન્ટ ઘટીને 24780 લેવલ નીચે છે. ઈઝરાયલ ઈરાન યુદ્ધથી શેરબજારમાં વેચવાલીનું દબાણ છે. બેંક નિફ્ટી અને આઈટી ઈન્ડેક્સ સહિત ઘણા સેક્ટોરિયલ ઈન્ડાઇસિસ નેગેટિવ ઝોનમાં ટ્રેડ કરી રહ્યા છે.



Jun 18, 2025 09:50 IST
શેરબજાર બાઉન્સ બેક, સેન્સેક્સ 270 પોઇન્ટ વધ્યો
બુધવારે શેરબજાર ઘટાડે ખુલ્યા બાદ શાર્પ બાઉન્સ બેક જોવા મળ્યો છે. સેન્સેક્સ 70 પોઇન્ટ વધીને 81850 લેવલ સુધી ઉંચકાયો છે. તો એનએસઇ નિફ્ટી 90 પોઇન્ટ વધી 24947 સુધી ગયો હતો. સેન્સેક્સના ટોપ 5 ગેઇનર સ્ટોકમાં ઈન્ડ્સઇન્ડ બેંક 5 ટકા, મારૂતિ સુઝુકી 2 ટકા, મહિન્દ્રા મહિન્દ્રા 1 ટકા, ટાયટન અને અલ્ટ્રાટેક સિમેન્ટ પોણા ટકા આસપાસ વધીને ટ્રેડ કરી રહ્યા છે. તો કોટક બેંકનો શેર 1 ટકા ઘટ્યો છે.



Jun 18, 2025 09:44 IST
ચાંદીમાં ઉછાળો, MCX સિલ્વર વાયદો 1.09 લાખ ભાવ બોલાયો
ઈઝરાયલ ઈરાન યુદ્ધ દરમિયાન રોકાણકારોમાં સેફ હેવન ડિમાન્ડ વધતા બુલિયન માર્કેટમાં તેજી આવી છે. ચાંદીના ભાવ ઐતિહાસિક ટોચે પહોંચી ગયા છે. આજે એમસીએક્સ ચાંદી વાયદો 475 રૂપિયા વધીને 1,09,470 રૂપિયા થયો છે. અમદાવાદમાં ચાંદીના ભાવ 1.07 લાખ રૂપિયા પ્રતિ કિલો બોલાયો છે. તો સોનાનો ભાવ 500 રૂપિયા ઘટીને 1.02 લાખ રૂપિયા પ્રતિ 10 ગ્રામ થયો છે. આજે એમસીએક્સ ગોલ્ડ વાયદો ઘટાડે ટ્રેડ કરી રહ્યો છે.



Jun 18, 2025 09:38 IST
ઈઝરાયલ ઈરાન યુદ્ધથી ક્રૂડ ઓઇલમાં તેજી
ઈઝરાયલ ઈરાન યુદ્ધથી ક્રૂડ ઓઈલના ભાવ સતત વધી રહ્યા છે. બ્રેન્ટ ક્રૂડ ઓઈલના ભાવ પ્રતિબેરલ 77 ડોલરની સપાટી કુદાવી ગયા છે.



Jun 18, 2025 09:35 IST
સેન્સેક્સ 269 ઘટીને ખુલ્યો,નિફ્ટી 24800 નીચે
સેન્સેક્સ પાછલા બંધ 81582 સામે 269 પોઇન્ટના ઘટાડે બુધવારે 81314 ખુલ્યો હતો. એનએસઇ નિફ્ટી આજે 60 પોઇન્ટથી વધુ ઘટી 24788 ખુલ્યો હતો. જ્યારે આગલા દિવસે 24853 બંધ થયો તો. ઈઝરાયલ ઈરાન યુદ્ધના તણાવથી માર્કેટ સેન્ટિમેન્ટ નબળું પડ્યું છે.