Share Market News: બેંક સ્ટોકમાં વેચવાલીથી શેરબજાર તુટ્યું, બેક નિફ્ટી 460 પોઇન્ટ ડાઉન

શેરબજાર ઘટવાથી રોકાણકારોને નુકસાન થયુ હતું. બીએસઇની માર્કેટકેપ મંગળવારના 461.26 લાખ કરોડ રૂપિયા થી ઘટીને બુધવારે 460.81 લાખ કરોડ રૂપિયા થઇ હતી. બીએસઇ પર 1809 શેર વધીને બંધ થયા હતા જ્યારે 2205 શેર ઘટીને બંધ થતા માર્કેટ બ્રેડ્થ નેગેટિવ થઇ હતી.

બોર્ડર માર્કેટમાં નરમાઇથી મિડકેપ 85 પોઇન્ટ અને સ્મોલકેપ ઇન્ડેક્સ 110 પોઇન્ટ ઘટ્યા હતા. બેંક અને ફાઈનાન્સ શેરમાં ભારે વેચવાલીથી બેંક નિફ્ટી 450 પોઇન્ટ તૂટ્યો હતો. સેન્સેક્સના 30 માંથી 16 અને નિફ્ટી 50 બેન્ચમાર્કના 28 શેર ડાઉન હતા. સેન્સેક્સ ટોપ 5 લુઝર સ્ટોકમાં બજાજ ફિનસર્વ 2.1 ટકા, લાર્સન 1.8ટકા, બજાજ ફાઇનાન્સ 1.5 ટકા, એચડીએફસી બેંક 1.3 ટકા અને બીઇએલ 1.3 ટકા ઘટી બંધ થયા હતા. ટાટા સ્ટીલ સૌથી વધુ 3.7 ટકા, એશિયન પેઇન્ટ્સ 2.1 ટકા અને અલ્ટ્રાટેક સિમેન્ટ 1,6 ટકા વધ્યા હતા.

શેરબજારમાં બુધવારે વોલેટાઇલ ટ્રેડિંગ બાદ સેન્સેક્સ નિફ્ટી ઘટીને બંધ થયા છે. સેન્સેક્સ 287 પોઇન્ટ ઘટી 83409 અને નિફ્ટી 88 પોઇન્ટ ઘટી 25453 બંધ થયો છે. ટ્રેડિંગ સેશન દરમિયાન સેન્સેક્સ 83,150 અને નિફ્ટી 25,378 નીચી સપાટીને સ્પર્શ્યા હતા. બેંક અને ફાઇનાન્સ શેરમાં વેચવાલીથી માર્કેટને મોટો ફટકો લાગ્યો હતો.

હીરો વિડા VX2 ભારતમાં લોન્ચ : હીરો મોટોકોર્પે EV અને સ્કૂટરના કોમ્બોને EVooter નામ આપ્યું છે અને તેના Vida બ્રાન્ડ હેઠળ બે સસ્તા ઇલેક્ટ્રિક સ્કૂટર VX2 Plus અને VX2 Go લોન્ચ કર્યા છે. …સંપૂર્ણ વાંચો

શેરબજારમાં વેચવાલી વધતા બપોર બાદ સેન્સેક્સ નિફ્ટી તૂટ્યા છે. સેન્સેક્સ 500 પોઇન્ટ તૂટી 83186 થયો હતો. તો નિફ્ટી 150 પોઇન્ટના ઘટાડે 25,383 લેવલને સ્પર્શ્યો હતો. બેંક અને ફાઈનાન્સ શેરમાં વેચવાલીથી સેન્સેક્સ તૂટ્યો છે. બજાજ ફાઈનાન્સ અને બજાજ ફિનસર્વ કંપનીના શેર અઢી ટકા સુધી તૂટ્યા હતા.

અમેરિકા સંસંદમાં ટ્રમ્પનું ટેક્સ અને ખર્ચ બિલ પાસ થઇ ગયું છે. જેનાથી આગામી 10 વર્ષમાં 3 ટ્રિલિયન ડોલરની ખાધ વધી શકે છે. આ સમાચાર વચ્ચે બોન્ડ માર્કેટમાં ટેન્શન વધી ગયું છે. યુએસ બોન્ડની ટ્રેઝરી યીલ્ડ વધીને 4.25 ટકા થઇ ગઇ છે. 2 વર્ષની યીલ્ડમાં 6 બેસિસ પોઇન્ટની તેજી અને 30 વર્ષની યીલ્ડ લગભગ સ્થિર રહી છે.

શેરબજારમાં ફ્લેટ ટ્રેડિંગ વચ્ચે આજે આઈટી અને ઓટો સ્ટોકમાં તેજીનો માહોલ હતો. ઇન્ફોસિસ 2 ટકા, ટીસીએસ 1.5 ટકા, ટેક મહિનદ્ર 1 ટકા, એચસીએલ ટેક અને સન ફાર્મા 1 ટકા સુધી વધ્યા હતા. નિફ્ટી આઈટી ઈન્ડેક્સ 400 પોઇન્ટ કરતા વધારે વધ્યો હતો.

સેન્સેક્સ બુધવારે 93 પોઇન્ટ વધી 83790 ખુલ્યો હતો. આજે આઈટી અને ઓટો શેરમાં તેજીથી સેન્સેક્સ 220 પોઇન્ટ જેટલો વધીને 83935 ઉપર સુધી પહોંચ્યો હતો. મંગળવારે 91 પોઇન્ટ વધીને 83697 લેવલ પર બંધ થયો હતો. તો એનએસઇ નિફ્ટી ઉંચા ગેપમાં 25588 ખુલીને 70 પોઇન્ટ વધી 25608 સુધી ગયો હતો.