Share Market News: સેન્સેક્સ 511 પોઇન્ટ ઘટ્યો, નિફ્ટી 25000 નીચે બંધ, IT શેરમાં વેચવાલી

Share Market Today News Highlight : ભારતીય શેરબજાર સોમવારે ઈઝરાયલ ઈરાન યુદ્ધના પેનિકથી અફરાતફરી વચ્ચે મોટા ઘટાડે બંધ થયા છે. ટ્રેડિંગ સેશનના અંતે સેન્સેક્સ 511 પોઇન્ટ ઘટી 81896 બંધ થયો હતો. ટ્રેડિંગ સેશન દરમિયાન સેન્સેક્સમાં 900 પોઇન્ટથી મોટો કડાકો બોલાયો અને 81,476 ઇન્ટ્રા-ડે બોટમ થયો હતો. તો એનએસઇ નિફ્ટી 140 પોઇન્ટ ઘટી 24971 બંધ થયો છે. આઈટી સ્ટોકમાં ભારે વેચવાલીથી બીએસઇ આઈટી ઈન્ડેક્સ સૌથી વધુ દોઢ ટકા તૂટ્યો હતો.

સવારે સેન્સેક્સમાં 900 પોઇન્ટનો કડાકો, નિફ્ટી 250 પોઇન્ટ તૂટ્યો

શેરબજાર સપ્તાહના પ્રથમ દિવસે જ મોટો કડાકો બોલાયો છે. સેન્સેક્સમાં 800 પોઇન્ટ અને નિફ્ટી 250 પોઇન્ટથી વધુ ઘટાડો નોંધાયો છે. આઈટી સ્ટોકમાં વેચવાલીથી શેરબજાર તુટ્યું છે. ઈઝરાયલ ઈરાન યુદ્ધથી રોકાણકારોનું સેન્ટિમેન્ટ ખરડાયું છે. એશિયન માર્કેટ્સ પણ તૂટ્યા છે. એમસીએક્સ સોનું નરમ જ્યારે ચાંદી વાયદો વધ્યો હતો. મધ્ય એશિયામાં અશાંતિથી ક્રૂડ ઓઇલના ભાવ સતત વધી રહ્યા છે.

સેન્સેક્સ નિફ્ટીમાં કડાકો

સેન્સેક્સ પાછલા બંધ 82408 સામે 700 પોઇન્ટના કડાકે સોમવારે 81704 ખુલ્યો હતો. મોટાભાગના બ્લુચીપ સ્ટોકમાં વેચવાલીથી સેન્સેક્સ 850 પોઇન્ટથી વધુ તુટી 81476 સુધી ગયો હતો. એનએસઇ નિફ્ટી પાછલા બંધ 25112 સામે 170 પોઇન્ટથી વધુ નીચા ગેપમાં સોમવારે 24939 ખુલ્યો હતો. શેરબજારમાં વેચવાલીના દબાણથી સેન્સેક્સ 250 પોઇન્ટથી વધુ તૂટી 24824 સુધી ગયો હતો.

ડોલર સામે રૂપિયો 17 પૈસા તૂટ્યો

ઈઝરાયલ ઈરાન યુદ્ધની રૂપિયા પર પ્રતિકુળ અસર જોવા મળી રહી છે. સોમવારે યુએસ ડોલર સામે રૂપિયો 17 પૈસા ઘટીને 86.76 ખુલ્યો હતો. ગત શુક્રવારે ડોલર સામે રૂપિયો 86.59 બંધ થયો હતો. ક્રૂડ ઓઇલથી પણ રૂપિયા પર દબાણ વધ્યું છે.

Jun 23, 2025 16:21 IST
BSE માર્કેટકેપ વધી, માર્કેટ બ્રેડ્થ નેગેટિવ
સોમવારે બોમ્બે સ્ટોક એક્સચે્ન્જ ખાતે લિસ્ટેડ તમામ કંપનીઓની કુલ માર્કેટ વેલ્યૂએશન 447.82 લાખ કરોડ રૂપિયા થઇ હતી. જ્યારે શુક્રવારે બીએસઇની માર્કેટકેપ 447.64 લાખ કરોડ રૂપિયા હતી. આમ માર્કેટ ઘટવા છતાં શેરબજારની માર્કેટકેપ વધી છે. બીએસઇના 1854 શેર વધીને જ્યારે 2204 શેર ઘટીને બંધ થયા છે. આમ માર્કેટ બ્રેડ્થ નેગેટિવ રહી છે.



Jun 23, 2025 16:17 IST
આઈટી શેરમાં વેચવાલી, આઈટી ઇન્ડેક્સ દોઢ ટકા તૂટ્યો
સોમવારે આઈટી સ્ટોકમાં ભારે વેચવાલીથી બીએસઇ આઈટી ઈન્ડેક્સ સૌથી વધુ દોઢ ટકા તૂટ્યો હતો. તો બીએસઇ ટેક ઇન્ડેક્સ 1.2 ટકા અને નિફ્ટી આઈટી ઈન્ડેક્સ 577 પોઇન્ટ ઘટીને બંધ થયા હતા. બેન્ક નિફ્ટી 193 પોઇન્ટ ડાઉન હતો.



Jun 23, 2025 16:14 IST
સેન્સેક્સના ટોપ 5 લુઝર્સ અને ગેઇનર્સ શેર
શેરબજારમાં વેચવાલીથી આજે સેન્સેક્સના 30 માંથી 21 શેર ઘટીને બંધ થયા હતા. જેમાં ઇન્ફોસિસ 2.3 ટકા ઘટી સેન્સેક્સનો ટોપ લૂઝર શેર બન્યો હતો. લાર્સન 2.1 ટકા, એચસીએલ ટેક 2.1 ટકા, મહિન્દ્રા મહિન્દ્રા 1.6 ટકા, હિન્દુસ્તાન યુનિલિવર 1.3 ટકા અને ટીસીએસનો શેર 1.2 ટકા ઘટ્યો હતો. તો વધેલા સ્ટોકમાં ટ્રેન્ટ 3.6 ટકા, બીઇએલ 3.1 ટકા, બજાજ ફાઈનાન્સ 1.2 ટકા, કોટક બેંક અને બજાજ ફિનસર્વ અડધા આસપાસ વધીને બંધ થયા હતા. એનએસઇ નિફ્ટી 50 ઈન્ડેક્સના 35 શેર ડાઉન હતા.



Jun 23, 2025 16:09 IST
સેન્સેક્સ 511 પોઇન્ટ ઘટ્યો, નિફ્ટી 140 પોઇન્ટ ઘટી 25000 નીચે બંધ
ભારતીય શેરબજાર સોમવારે ઈઝરાયલ ઈરાન યુદ્ધના પેનિકથી અફરાતફરી વચ્ચે મોટા ઘટાડે બંધ થયા છે. ટ્રેડિંગ સેશનના અંતે સેન્સેક્સ 511 પોઇન્ટ ઘટી 81896 બંધ થયો હતો. ટ્રેડિંગ સેશન દરમિયાન સેન્સેક્સમાં 900 પોઇન્ટથી મોટો કડાકો બોલાયો અને 81,476 ઇન્ટ્રા-ડે બોટમ થયો હતો. તો એનએસઇ નિફ્ટી 140 પોઇન્ટ ઘટી 24971 બંધ થયો છે.



Jun 23, 2025 14:22 IST
Oppo K13x 5G : 15000 થી ઓછી કિંમતે લોન્ચ થયો ઓપ્પોનો નવો સ્માર્ટફોન, જાણો શું છે ખાસ
Oppo K13x 5G Launched in India: ઓપ્પો K13x સ્માર્ટફોન ભારતીય બજારમાં ઘણા શક્તિશાળી ફીચર્સ સાથે લોન્ચ થયો છે. કંપનીએ 15 હજાર રૂપિયાથી ઓછી કિંમતે સ્માર્ટફોન રજૂ કર્યો છે. આ સ્માર્ટફોન બે કલર વેરિઅન્ટમાં આવ્યો છે. ...સંપૂર્ણ વાંચો



Jun 23, 2025 14:05 IST
સેન્સેક્સ નિફ્ટી ઇન્ટ્રા-ડે તળિયેથી રિકવર
શેરબજારમાં સેન્સેક્સ નિફ્ટી નીચા મથાળેથી રિકવર થયા છે. હાલ સેન્સેક્સ 350 પોઇન્ટના ઘટાડે 82050 લેવલ આસપાસ ટ્રેડ કરી રહ્યો છે. તો એનએસઇ નિફ્ટી 88 પોઇન્ટ ઘટીને 25024 લેવલ આસપાસ છે. સેન્સેક્સના બ્લુચીપ સ્ટોકમાં લાર્સન , ઇન્ફોસિસ, એચસીએલ ટેક, હિન્દુસ્તા યુનિલિવર, મહિન્દ્રા મહિન્દ્રા અને ટીસીએસના શેર 1 થી 2 ટકા ડાઉન છે.



Jun 23, 2025 10:39 IST
ગિફ્ટી નિફ્ટી 250 પોઇન્ટ ડાઉન, એશિયન બજારો નરમ
ઈઝરાયલ ઈરાન યુદ્ધના પેનિકથી સોમવારે એશિયન બજારો નરમ ટ્રેડ કરી રહ્યા હતા. તાઇવાન માર્કેટ 343 પોઇન્ટ, જકાર્તા માર્કેટ 120 પોઇન્ટ અને નિક્કેઈ 225 ઇન્ડેક્સ 82 પોઇન્ટ તુટ્યા હતા. ગિફ્ટ નિફ્ટી ઈન્ડેક્સ 250 પોઇન્ટ કે 1 ટકા જેટલો ડાઉન હતો.



Jun 23, 2025 10:35 IST
ડોલર સામે રૂપિયો 17 પૈસા તૂટ્યો
ઈઝરાયલ ઈરાન યુદ્ધની રૂપિયા પર પ્રતિકુળ અસર જોવા મળી રહી છે. સોમવારે યુએસ ડોલર સામે રૂપિયો 17 પૈસા ઘટીને 86.76 ખુલ્યો હતો. ગત શુક્રવારે ડોલર સામે રૂપિયો 86.59 બંધ થયો હતો. ક્રૂડ ઓઇલથી પણ રૂપિયા પર દબાણ વધ્યું છે.



Jun 23, 2025 10:33 IST
સેન્સેક્સમાં 850 પોઇન્ટનો કડાકો, નિફ્ટી 25000 નીચે
સેન્સેક્સ પાછલા બંધ 82408 સામે 700 પોઇન્ટના કડાકે સોમવારે 81704 ખુલ્યો હતો. મોટાભાગના બ્લુચીપ સ્ટોકમાં વેચવાલીથી સેન્સેક્સ 850 પોઇન્ટથી વધુ તુટી 81476 સુધી ગયો હતો. એનએસઇ નિફ્ટી પાછલા બંધ 25112 સામે 170 પોઇન્ટથી વધુ નીચા ગેપમાં સોમવારે 24939 ખુલ્યો હતો. શેરબજારમાં વેચવાલીના દબાણથી સેન્સેક્સ 250 પોઇન્ટથી વધુ તૂટી 24824 સુધી ગયો હતો.