Share Market News: સેન્સેક્સ નિફ્ટી ફ્લેટ બંધ, ડિફેન્સ અને IT શેરમાં પ્રોફિટ બુકિંગ

સેન્સેક્સના 30 માંથી 18 શેર ઘટીને બંધ થયા હતા. સેન્સેક્સના ટોપ 5 લુઝર સ્ટોકમાં ડિફેન્સ સ્ટોક BEL 2.5 ટકા, ટેક મહિન્દ્રા 1.8 ટકા, અલ્ટ્રાટેક સિમેન્ટ 1.3 ટકા, મારૂતિ સુઝુકી , ઝોમેટો અને ઇન્ફોસિસ 1 ટકા ઘટીને બંધ થયા હતા. તો ટોપ 5 ગેઇનર સ્ટોકમાં એચયુએલ 3 ટકા, કોટક બેંક, ટ્રેન્ટ, રિલાયન્સ અને આઈટીસી શેર 1 ટકા આસપાસ વધીને બંધ થયા હતા.

શેરબજારમાં આખો દિવસ રેન્જ બાઉન્ડ ટ્રેડિંગ બાદ સોમવારે સેન્સેક્સ નિફ્ટી ફ્લેટ બંધ થયા હતા. જેમા સેન્સેક્સ 10 પોઇન્ટ વધી 83442 અને કોઇ વગર વધઘટ વગર નિફ્ટી 25461 બંધ થયો હતો. ટ્રેડિંગ સેશન દરમિયાન સેન્સેક્સ 83516 થી 83262 અને નિફ્ટી 25489 થી 25407 રેન્જમાં ટ્રેડ થયો હતો. ઉંચા મથાળે વેચવાલીથી મિડકેપ અને સ્મોલકેપ ઇન્ડેક્સ પણ ઘટીને બંધ થયા છે. ડિફેન્સ, આઈટી અને મેટલ સ્ટોક પર દબાણ જોવા મળ્યું હતું. બીએસઇની માર્કેટકેપ 461.01 લાખ કરોડ રૂપિયા થઇ હતી.

વિશ્વનો સૌથી મોટો ડેટા લીક : નિષ્ણાતો તેને ઇન્ટરનેટના ઇતિહાસમાં સૌથી મોટી ડેટા ચોરી કહી રહ્યા છે. 16 અબજથી વધુ લોગિન પાસવર્ડ લીક થયા છે. એડવાન્સ્ડ ઇન્ફોસ્ટીલર માલવેર દ્વારા ચોરી કરવામાં આવી છે. …અહીં વાંચો

વોલેટાઇલ માર્કેટમાં ડિફેન્સ સ્ટોકમાં તીવ્ર ઘટાડો જોવા મળ્યો છે. પારસ ડિફેન્સ, ભારત ઇલેક્ટ્રોનિક્સ અને ગાર્ડન રીચ શિપબિલ્ડર્સ જેવી ડિફેન્સ કંપનીઓના શેર 7 ટકા સુધી ઘટ્યા છે. આ ઘટાડાનું કારણ ઉંચા મથાળે પ્રોફિટ બુકિંગ હોવાનું મનાય છે. નિફ્ટી ડિફેન્સ ઇન્ડેક્સ આજે 1 ટકાથી વધુ તૂટ્યો છે. આજે પારસ ડિફેન્સનો શેર 7 ટકા, બીઇએલ અને ગાર્ડન રીચ શિપબલ્ડર્સ 2 ટકાથી વધુ તૂટ્યા હતો. તો મઝગાંવ ડોક, કોચીન શિપયાર્ડ અને હિન્દુસ્તાન એરોનોટિક્સના શેર 1 ટકા સુધી ઘટ્યા છે.

IPO Open This Week And Share Listing : ટ્રાવેલ ફૂડ સર્વિસીસ અને સ્માર્ટન પાવર સિસ્ટમ્સ સહિત 5 આઈપીઓ આ સપ્તાહે ખુલવાના છે. તેમજ 9 કંપનીઓના શેર લિસ્ટિંગ થવાના છે. ઉપરાંત પાછલા સપ્તાહે ખુલેલા 3 આઈપીઓમાં રોકાણ કરવાની આ અઠવાડિયા એ છેલ્લી તક મળશે. …બધું જ વાંચો

યુએસ પ્રમુખ ડોનાલ્ડ ટ્રમ્પે BRICS દેશો પર 10 ટકા વધારાની ટેરિફ લાદવાની ઘોષણા કરી છે, જેની ભારત સહિત ઘણા અગ્રણી વિકાસશીલ દેશોને સીધી અસર કરશે. ટ્રમ્પનું કહેવું છે કે, તેમની નજરમાં બ્રિક્સ દેશ અમેરિકા વિરોધી પોલિસીઓનું સમર્થન કરે છે. BRICS સમૂહ દેશોમાં બ્રાઝિલ, રશિયા, ઈન્ડિયા, ચીન અને દક્ષિણ આફ્રિકા, ઇજિપ્ત, ઇથોપિયા, ઇન્ડોનેશિયા, ઇરાન અને UAE સામેલ છે.

સેન્સેક્સ પાછલા બંધ 83432 સામે સોમવારે 83398 ફ્લેટ ખુલ્યો હતો. ફ્લેટ ટ્રેડિંગમાં આઈટી અને બેંકિંગ શેર ડાઉન હતા. એનએસઇ નિફ્ટી પાછલા બંધ 25461 સામે આજે 25450 ખુલ્યો હતો. સેન્સેક્સ 83500 અને નિફ્ટી 25500 નીચે ટ્રેડ કરી રહ્યા છે.