Share Market News: શેરબજારમાં સાર્વત્રિક મંદી, સેન્સેક્સ 386 પોઇન્ટ તૂટ્યો, રોકાણકારોને 3 લાખ કરોડનું નુકસાન

શેરબજારમાં સાર્વત્રિક મંદીથી રોકાણકારોને 3 લાખ કરોડ રૂપિયાનું નુકસાન થયું છે. બુધવારે બીએસઇ પર લિસ્ટેડ તમામ કંપનીઓની કુલ માર્કેટકેપ 460.56 લાખ કરોડ રૂપિયા થઇ હતી, જે મંગળવારે 463.59 લાખ કરોડ રૂપિયા થઇ હતી. બીએસઇ પર 1604 શેર વધીને જ્યારે 2568 શેર વધીને બંધ રહેતા માર્કેટ બ્રેડ્થ નેગેટિવ રહી હતી.

શેરબજારનો અંડરટોન મંદીનો રહેતા આજે એફએમસીજી ને બાદ કરતા બીએસઇના તમામ ઇન્ડેક્સ ઘટ્યા હતા. જેમા સૌથી વધુ કેપિટલ ગુડ્સ ઇન્ડેક્સ 770 પોઇન્ટ, ઓટો ઇન્ડેક્સ 648 પોઇન્ટ, બેંકેક્સ 502 પોઇન્ટ ઘટ્યા હતા. એફએમસીજી ઇન્ડેક્સ માત્ર 22 પોઇન્ટ સુધર્યો હતો. મિડકેપ 396 પોઇન્ટ અને સ્મોલકેપ 269 પોઇન્ટ ઘટ્યા હતા.

સેન્સેક્સના 30 બ્લુચિપ શેર માંથી 9 શેર વધ્યા હતા. જેમા ટોપ 5 ગેઇનર શેરમાં પાવરગ્રૂડ, એચયુએલ, એનટીપીસી, મારૂતિ સુઝુકી અને એચસીએલ ટેક શેર 1 થી 1.6 ટકા સુધી વધ્યા હતા. તો સૌથી વધુ ઘટીને બંધ રહેલા શેરમાં ટાટા મોટર્સ 2.7 ટકા, બીએઇએલ 2.3 ટકા, અલ્ટ્રાટેક સિમેન્ટ 1.5 ટકા, ટેક મહિન્દ્રા 1.3 ટકા અને મહિન્દ્રા 1.3 ટકા તૂટ્યા હતા.

શેરબજારમાં સતત ચોથા દિવસે મંદી જોવા મળી છે. શેરબજારમા રેન્જ બાઉન્ડ ટ્રેન્ડિંગ વચ્ચે 386 પોઇન્ટ ઘટી 81716 બંધ થયો છે. એનએસઇ નિફ્ટી 112 પોઇન્ટ ઘટી 25057 બંધ થયો છે. સેન્સેક્સ ટ્રેડિંગ સેશન દરમિયાન નીચામાં 81607 ઘટ્યો હતો.

Samsung Galaxy Tab A11 Launch Price : સેમસંગ ગેલેક્સી ટેબ એ 11 ટેબ્લેટ ભારતમાં 5100mAhની મોટી બેટરી, 8.7 ઇંચની ડિસ્પ્લે અને 2 ટીબી સુધીની સ્ટોરેજ જેવા ફીચર્સ સાથે લોન્ચ થયો છે. જાણો કિંમત અને ફીચર્સ સહિત બધી વિગત …અહીં વાંચો

ઇન્વેસ્ટમેન્ટ બેકિંગ ફર્મ એચએસબીસી (HSBC) એ લગભગ આઠ મહિના બાદ ભારતનું રેટિંગ અપગ્રેડ કરી ઓવરવેટ કર્યું છે. ગત જાન્યુઆરીમાં HSBC એ ભારનતું રેટિંગ ઘટાડીને ન્યુટ્રલ કર્યુ હતું. આ સાથે HSBC એ ભારતીય શેરબજાર સેન્સેક્સ માટે 12 મહિનાનો ટાર્ગેટ 94000 કર્યો છે, જે હાલના લેવલથી 14.5 ટકા આવવાના શક્યતા દર્શાવે છે.

એશિયન શેરબજારોમાં બુધવારે નરમ વલણ જોવા મળ્યું હતું. ગિફ્ટ નિફ્ટી ઇન્ડેક્સ 150 પોઇન્ટ, નિક્કેઇ, સ્ટ્રેઇટ્સ ટાઇમ્સ, તાઇવાન, કોરિયાના શેરબજાર નરમ હતા. હોંગકોંગ માર્કેટ 270 પોઇન્ટ વધીને ટ્રેડિંગ કરી રહ્યો હતો.

ભારતીય શેરબજાર એશિયન માર્કેટના નબળાં સંકેત અને વિદેશી રોકાણકારોની વેચવાલીના કારણે મોટા ઘટાડે ખુલ્યા હતા. સેન્સેક્સ પાછલા બંધ 82,102 સામે 180 પોઇન્ટ ઘટીને બુધવારે 81,917 ખુલ્યો હતો. ઓપનિંગ સેશનમાં સેન્સેક્સ 370 પોઇન્ટથી વધુ તૂટ્યો અને 81725 લેવલ સુધી ઘટ્યો હતો. એનએસઇ નિફ્ટી 25169 પાછલા બંધ સામે આજે 25108 ખુલ્યો હતો. હાલ નિફ્ટી 90 પોઇન્ટ ઘટી 25000 લેવલ આસપાસ ટ્રેડિંગ કરી રહ્યો છે. નિફ્ટી માટે 25000 મજબૂત સપોર્ટ લેવલ છે.