Share Market News Live: શેરબજારમાં કડાકો, સેન્સેક્સ 400 પોઇન્ટ તૂટ્યો, રૂપિયા 89.85 રેકોર્ડ તળિયે

ડોલર સામે રૂપિયામાં સતત ઘટાડો થઇ રહ્યો છે. આજે ડોલર સામે રૂપિયો 32 પૈસા ઘટીને 89.85 રેકોર્ડ લો થયો હતો. ભારતીય રૂપિયાનો આ સૌથી નીચો એક્સચેન્જ રેટ છે. શેરબજારમાં વિદેશી રોકાણકારોની વેચવાલી અને ક્રૂડ ઓઇલમાં તેજીના કારણે રૂપિયા પર દબણ આવ્યું છે. મંગળવાર ઇન્ટરબેંક ફોરેન એક્સચેન્જ રેટ ડોલર સામે રૂપિયો 89.70 ખુલ્યો હતો અને ત્યાર બાદ 32 પૈસા ઘટીને 89.85 ઓલટાઇમ લો થયો હતો. સોમવારે ડોલર સામે રૂપિયો 89.53 બંધ થયો હતો.

ડોલર સામે રૂપિયો રેકોર્ડ તળિયે જતા શેરબજારમાં કડાકો બોલાયો છે. સેન્સેક્સ 400 પોઇન્ટથી વધુ તૂટ્યો છે અને 85200 નીચે ઉતરી ગયો છે. એનએસઇ નિફ્ટી 120 પોઇન્ટ ઘટી 26050 લેવલ આસપાસ ટ્રેડિંગ કરી રહ્યો છે.

Meesho IPO, GMP, Share Price Full Details : ઇ કોમર્સ મીશો આઈપીઓ 5 ડિસેમ્બર સુધી સબ્સક્રાઇબ કરી શકાશે. આઈપીઓ ખુલવાની પહેલા ગ્રે માર્કેટ પ્રીમિયમ વધ્યું છે. મીશો આઈપીઓ સબ્સક્રાઇબ કરવાની પહેલા કંપનીના જોખમી પરિબળો પણ જાણી લેવા જરૂરી છે. …વધુ માહિતી

ઔદ્યોગિક ક્ષેત્રે મંદી પ્રવર્તી રહી છે. ઓક્ટોબર મહિનામાં ઔદ્યોગિક ઉત્પાદન આંક (IIP) 4 ટકાથી ઘટીને 0.4 ટકા થયો છે, જે છેલ્લા 14 મહિનાનો સૌથી નીચો ઉત્પાદન વૃદ્ધિ દર છે. મેન્યુફેક્ચરિંગ, માઇનિંગ, ઇલેક્ટ્રિસિટી સહિત તમામ ક્ષેત્રોમાં ઉત્પાદન ઘટવાથી ઔદ્યોગિક ઉત્પાદન આંક ઘટ્યો છે.

ડ્રોણાચાર્ય એરિયલ ઇનોવેન્શન્સ કંપનીના શેરમાં સોમવારે 20 ટકાનો જબરદસ્ત કડાકો બોલાયો હતો. બજાર નિયામક સેબીએ કંપની અને તેના પ્રમોટર વિરુદ્ધ આઈપીઓ દ્વારા એક્ત્ર કરાયેલા ભંડોળના સંભવિત દુરુપયોગ અને અન્ય કેસ અંગે એક આદેશ જારી કર્યો છે. સેબીની કડક કાર્યવાહી કંપનીનો શેર સોમવારે 20 ટકા તૂટી 45.38 રૂપિયા બંધ થયો હતો.

શેરબજાર સૂચકાંક સેન્સેક્સ નિફ્ટી મંગળવારે ઘટાડે ખુલ્યા હતા. સેન્સેક્સ પાછલા બંધ 85,641 લેવલ થી 300 પોઇન્ટથી ઘટીને 85,325 ખુલ્યો હતો. હાલ સેન્સેક્સ 200 પોઇન્ટના ઘટાડે 85430 લેવલ આસપાસ ટ્રેડિંગ કરી રહ્યો છે. તો એનએસઇ નિફ્ટી પાછલા બંધ 26,175 લેવલથી નીચા ગેપમાં આજે 26,087 ખુલ્યો હતો.