Share Market News: સેન્સેક્સ નિફટી સપાટ બંધ, KSH ઈન્ટરનેશનલ શેર લિસ્ટિંગ નિરાશાજનક

Share Market Today News In Gujarati : શેરબજાર સૂચકાંક સેન્સેક્સ નિફ્ટી સાંકડી વધઘટ બાદ ગુરુવારે સપાટ બંધ થયા છે. સેન્સેક્સ 42 પોઇન્ટ ઘટી 85524 અને નિફ્ટી 5 પોઇન્ટ ઘટી 25177 બંધ થયો છે. સેન્સેક્સની ટ્રેડિંગ રેન્જ 85,704 થી 85,342 હતી. આજે આઈટી શેરમાં વેચવાલીથી નિફ્ટી આઈટી ઈન્ડેક્સ 314 પોઇન્ ઘટ્યો હતો. 

શેરબજાર સૂચકાંક મંગળવાર 23 ડિસેમ્બરે સકારાત્મક ખુલ્યા હતા. જો કે આઈટી અને કેપિટલ ગુડ્સ શેરમાં વેચવાલીથી માર્કેટ ઘટ્યું હતું. સેન્સેક્સ 113 પોઇન્ટ વધી 85690 ખુલ્યો છે. ત્યારબાદ પ્રોફિટ બુકિંગના દબાણથી સેન્સેક્સ 120 પોઇન્ટ ઘટી 85450 લેવલ આસપાસ ટ્રેડિંગ કરી રહ્યું હતું. એનએસઇ નિફ્ટી પાછલા બંધ 26,172 લેવલ થી ઉંચા ગેપમાં 26,205 ખુલ્યો હતો. મંગળવારે ડોલર સામે રૂપિયો 89.64 ખુલ્યો હતો. સોમવારે યુએસ કરન્સી સામે ભારતીય રૂપિયો 89.65 બંધ થયો હતો. 

મિડકેપ અને સ્મોલકેપ મજબૂત

વોલેટાઇલ માર્કેટમાં પણ મિડકેપ અને સ્મોલકેપ મક્કમ રહેતા અનુક્રમે 31 પોઇન્ટ અને 195 પોઇન્ટ સુધર્યા હતા. સેક્ટોરિયલ ઇન્ડાઇસિસમાં બીએસઇ આઈટી ઇન્ડેક્સ 270 પોઇન્ટ, હેલ્થકેર 97 પોઇન્ટ. બેંકેક્સ, કન્ઝ્યુમર ડ્યુરેબલ્સ ઇન્ડેક્સ નરમ હતા. બીએસઇ માર્કેટકેપ 475.62 લાખ કરોડ રૂપિયા થઇ હતી.

KSH International Share Price Listing : KSH ઈન્ટરનેશનલ શેર લિસ્ટિંગ નિરાશાજનક

કેએસએચ ઈન્ટરનેશનલ શેર લિસ્ટિંગ નિરાશાજનક રહ્યુ છે. બીએસઇ પર KSH ઈન્ટરનેશનલ શેર લિસ્ટિંગ 370 રૂપિયાના ભાવે થયું છે, જે આઈપીઓ ઇશ્યૂ પ્રાઇસ 384 રૂપિયાના ભાવથી 4 ટકા નીચો ભાવ છે. શેરનો લિસ્ટિંગ ભાવ જ આજે સેશનનો સૌથી ઉંચો ભાવ રહ્યો હતો. નબળાં લિસ્ટિંગ બાદ શેર ભાવ સતત ઘટીને 350 રૂપિયા થયો હતો. સેશનના અંતે બીએસઇ પર કેએસએચ ઈન્ટરનેશનલ શેર 19.15 રૂપિયા ઘટી 350.85 રૂપિયા બંધ થયો છે.

આ આઈપીઓ રોકાણકારોને લિસ્ટિંગ શેર ભાવથી 5.2 ટકા અને આઈપીઓ ઈશ્યુ પ્રાઇસથી 8.6 ટકા નુકસાન થયું છે. આઈપીઓને રોકાણકારો તરફથી નબલો પ્રતિસાદ મળતા કુલ IPO કદ 710 રૂપિયાથી ઘટાડી 645 કરોડ રૂપિયા કરવામાં આવ્યું હતું. આઈપીઓ માત્ર 87 ગણો ભરાયો હતો.  

અદાણી ગ્રૂપ 3 સિમેન્ટ કંપનીનું મર્જર કરશે

અદાણી ગ્રૂપ તેના સિમેન્ટ બિઝનેશને એક છત્ર હેઠળ લાવવા તૈયારી કરી રહી છે. આ માટે એસીસી લિમિટેડ અને ઓરિએન્ટ સિમેન્ટ કંપનીનું અંબુજા સિમેન્ટમાં મર્જર કરવામાં આવશે. 22 ડિસેમ્બર, 2025ના રોજ સ્ટોક એક્સેચન્જ ફાઇલિંગ અનુસાર, અંબુજા સિમેન્ટના બોર્ડે એસીસી અને ઓરિએન્ટ લિમિટેનું મર્જર કરવાની મંજૂરી આપી છે. ACC લિમિટેડ માટે "નિર્ધારિત તારીખ" 1 જાન્યુઆરી 2026 નક્કી કરવામાં આવી છે, જ્યારે ઓરિએન્ટ સિમેન્ટનું મર્જર 1 મે 2025 થી પાછલી અસરથી લાગુ માનવામાં આવશે.

બીએસઇ પર ઓરિએન્ટ સિમેન્ટનો શેર 4.2 ટકા વધી 170.7 રૂપિયા, અંબુજા સિમેન્ટ સવા ટકા વધી 546.75 રૂપિયા બંધ થયો હતો. તો એસીસી લિમિટેડનો શેર 1.4 ટકા ઘટી 1751.5 રૂપિયા બંધ થયો હતો.