Share Market News : શેરબજાર સતત 5માં દિવસે મંદી, સેન્સેક્સ 556 પોઇન્ટ ઘટ્યો, નિફ્ટી 25000 નીચે બંધ

શેરબજારમાં સતત ઘટાડાથી રોકાણકારોને જંગી નુકસાન થયું છે. ગુરુવારે બીએસઇ પર લિસ્ટેડ તમામ કંપનીઓની કુલ માર્કેટ કેપિટલાઇઝેશન 457.35 લાખ કરોડ રૂપિયા રહી હતી, જે બુધવારે 460.56 લાખ કરોડ રૂપિયા હતી. આમ ગુરવારે શેરબજારના રોકાણકારોને 3.30 લાખ કરોડથી વધુ નુકસાન થયું છે. બીએસઇ પર 1474 શેર વધવાની સામે 2709 શેર ઘટીને બંધ થતા માર્કેટ બ્રેડ્થ નેગેટિવ થઇ હતી.

શેરબજારમાં મંદીના પગલે મેટલ અને ટેલિકોમ સિવાયના તમામ ઇન્ડેક્સ ઘટ્યા હતા. જેમા કન્ઝ્યુમર ડ્યુરેબલ્સ ઇન્ડેક્સ 643 પોઇન્ટ, ઓટો 560 પોઇન્ટ, આઈટી 380 પોઇન્ટ, હેલ્થકેર 311 પોઇન્ટ તૂટ્યો હતો. મિડકેપ 330 પોઇન્ટ અને સ્મોલકેપ 401 પોઇન્ટ ઘટ્યો હતો.

શેરબજારમાં વેચવાલીનું દબાણ વધારે રહેતા સેન્સેક્સના 30 બ્લુચીપ શેરમાંથી માત્ર 3 શેર વધ્યા હતા. જેમા બીઇએલ 2 ટકા, ભારતી એરટેલ અને એક્સિસ બેંક સાધારણ વધીને બંધ થયા હતા. તો ટોપ 5 લુઝર શેરમાં ટ્રેન્ટ 3.2 ટકા, પાવરગ્રીડ 3 ટકા, ટાટા મોટર્સ 2.7 ટકા, ટીસીએસ અઢી ટકા અને એશિયન પેઇન્ટ 2.3 ટકા તૂટ્યો હતો.

શેરબજાર સતત પાંચમાં દિવસે ઘટીને બંધ થયું છે. સેન્સેક્સ 556 પોઇન્ટ ઘટી 81159 અને નિફ્ટી 166 પોઇન્ટ ઘટીને 25000 લેવલ નીચે 25890 બંધ થયું છે. વૈશ્વિક બજારોના નબળા સંકેત, એફઆઈઆઈની વેચવાલી, ડોલર સામે રૂપિયાના મૂલ્યમાં ઘટાડાના પગલે માર્કેટ સેન્ટિમેન્ટ ખરડાયું છે.

Xiaomi 15T, Xiaomi 15T Pro Price And Features : શાઓમી 15 ટી, શાઓમી 15ટી પ્રો સ્માર્ટફોનમાં 5500mAh બેટરી, ટ્રિપલ કેમેરા સેટઅપ અને IP68 રેટિંગ સાથે લોન્ચ કરવામાં આવ્યો છે. જાણો લેટેસ્ટ Xiaomi 15T અને Xiaomi 15T Pro સ્માર્ટફોનની કિંમત અને ફીચર્સ …સંપૂર્ણ વાંચો

EPF ATM Withdrawals : પીએફના પૈસા એટીએમ માંથી ઉપાડવાની સુવિધા ટુંક સમયમાં શરૂ થવા સંભવ છે. ઇપીએફઓના સેન્ટ્રલ બોર્ડ ઓફ ટ્રસ્ટીઝની બેઠક ઓક્ટોબરમાં મળવાની છે, જેમા ઘણા મહત્વપૂર્ણ નિર્ણય લેવાશે. …વધુ માહિતી

ટાટા મોટર્સ 2 ટકા ઘટ્યો છે. ટાટા મોટર્સનો શેર પાછલા બંધ ભાવ 682 રૂપિયા સામે આજે 673 ખુલ્યો હતો અને નીચામાં 666 રૂપિયા ભાવ બોલાયો હતો. ફાઇનાન્સિયલ ટાઇમ્સના એક રિપોર્ટમાં એવા સંકેત આપ્યા છે કે, તેની જેએલઆર યુનિટને 2 અબજ પાઉન્ટનું નુકસાન થઇ શકે છે, કારણ કે તાજેતરના સાયબર એટેક સામે વીમો કરાવ્યો ન હતો. આ એટેકના લીધે વેસ્ટ મિડલેન્ડ્સ અને મર્સીસાઇડ ફેક્ટરીમાં પ્રોડક્શન બંધ છે અને હજારો સપ્લાયર્સ પ્રભાવિત થયા છે. નોંધનિય છે કે, JLR ટાટા મોટર્સની સબસિડિયરી છે, જે લક્ઝુરિયસ કારનું ઉત્પાદન કરે છે. જેએલઆસના નુકસાનની સીધી અસર ટાટા મોટર્સની આવક અને ઇન્વેસ્ટમેન્ટ સેન્ટિમેન્ટ ઉપર થશે.

શેરબજારમાં એકંદરે નરમાઇનો માહોલ રહેતા ગુરુવારે સેન્સેક્સ નિફ્ટી ઘટીને ખુલ્યા હતા. સેન્સેક્સ પાછલા બંધ 81715 સામે 140 પોઇન્ટ ઘટી આજે 81574 ખુલ્યો હતો. નિફ્ટી પાછલા બંધ 25,056 સામે આજે 25,034 ખુલ્યો હતો. નેગેટિવ ઓપનિંગ બાદ સેન્સેક્સ નિફ્ટી ફ્લેટ ટ્રેડિંગ કરી રહ્યા છે.