Share Market Today News Live Update : શેરબજાર મંગળવારે સુધારે ખુલ્યા બાદ વેચવાલીના દબાણથી ઘટ્યા હતા. સેન્સેક્સ પાછલા બંધ 83,535 લેવલથી 135 પોઇન્ટ વધી આજે 83,671 ખુલ્યો હતો. જો કે બેન્ક, ફાઈનાન્સ અને ઓટો શેરમાં વેચવાલીના દબાણથી સેન્સેક્સ 200 પોઇન્ટથી વધુ તૂટ્યો અને 83400 નીચે ગયો હતો. તો એનએસઇ નિફ્ટી પાછલા બંધ 25,574 લેવલથી 43 પોઇન્ટ સુધરી 25,617 ખુલ્યો હતો.
બજાજ ફાઈનાન્સ શેર 6 ટકા તૂટ્યો
આજે બજાજ ગ્રૂપના શેર ભારે વેચવાલીથી તૂટ્યા હતા. બજાજ ગ્રૂપનો બ્લુચીપ સ્ટોક બજાજ ફાઈનાન્સ શેર 7 ટકા જેટલો ઘટી 1011 રૂપિયા બોલાતો હતો. તો બજાજ ફિનસર્વ 5.6 ટકા ઘટી 2002 રૂપિયા ટ્રેડ કરી રહ્યો હતો. આ બંને શેર સેન્સેક્સના ટોપ લુઝર શેર હતા. ટાટા મોટર્સ, પાવરગ્રીડ અને ટાટા સ્ટીલ 1 ટકા આસપાસ નરમ હતા.
