Share Market News : શેરબજાર ઘટીને બંધ, ઓટો અને બેંક સ્ટોકમાં તેજી

આજે બીએસઇ મિડકેપ ઇન્ડેક્સ 133 પોઇન્ટ અને સ્મોલકેપ 190 પોઇન્ટ ઘટી બંધ થયો છે. વાહનોનું વેચવાની અપેક્ષાએ ઓટો શેર વધ્યા હતા ઓટો ઇન્ડેક્સ 371 પોઇન્ટ વધ્યો હતો. તો બેંકેક્સ 428 પોઇન્ટ, મેટલ 321 પોઇન્ટ સુધર્યા હતા. બીજી બાજુ ટેક, કન્ઝ્યુમર ડ્યુરેબલ્સ, કેપિટલ ગુડ્સ ઇન્ડેકસ ઘટ્યા હતા. મંગળવારે શેરબજારની કૂલ માર્કેટકેપ 463.59 લાખ કરોડ રૂપિયા થઇ હતી.

સેન્સેક્સના 30 બ્લુચીપ શેર માંથી 12 શેર વધ્યા હતા. જેમા એક્સિસ બેંક 2.3 ટકા, બજાજ ફાઈનાન્સ 2 ટકા, મારૂતિ સુઝુકી 1.8 ટકા, એસબીઆઈ 1.8 ટકા અને કોટક બેંક 1.6 ટકા વધીને બંધ થયા હતા. તો ટોપ 5 લુઝર શેરમાં ટ્રેન્ટ, ટેક મહિન્દ્રા, એચયુએલ, અલ્ટ્રટેક સિમેન્ટ અને એશિયન પેઇન્ટના શેર દોઢ થી અઢી ટકા સુધી ઘટ્યા હતા.

શેરબજાર નીચા લેવલથી સેન્સેક્સ નિફ્ટી રિકવર થયા હતા જો કે ગ્રીન ઝોનમાં બંધ રહેવામાં નિષ્ફળ રહ્યા હતા. સેન્સેક્સ 58 પોઇન્ટ ઘટી 82102 બંધ થયો છે. તો એનએસઇ નિફ્ટી 33 પોઇન્ટ ઘટી 25169 બંધ થયો છે. ઇન્ટ્રા-ડે 81776 નીચા સ્તરથી સેન્સેક્સ બપોર બાદ 600 પોઇન્ટ જેટલો રિકવર થઇ 82370 લેવલની ટોચ સુધી પહોંચ્યો હતો.

GST 2.0 Impact Petrol-diesel liquor LPG cylinders : ST સુધારાના અમલીકરણ પછી લોકો વિચારી રહ્યા છે કે શું તેની અસર પેટ્રોલ અને ડીઝલના ભાવ પર પણ પડશે. શું પેટ્રોલ, ડીઝલ અને LPG સસ્તા થયા છે? ચાલો જાણીએ. …વધુ વાંચો

એશિયન શેરબજારોમાં મિશ્ર વલણ જોવા મળ્યું હતું. ગિફ્ટ નિફ્ટી ઇન્ડેક્સ 30 પોઇન્ટ આસપાસ ઘટીને ટ્રેડ કરી રહ્યો હતો. તો હોંગકોંગ માર્કેટ 200 પોઇન્ટ અને શાંઘાઇ માર્કેટ 50 પોઇન્ટથી વધુ ડાઉન હતો. તાઇવાન શેરબજાર 340 પોઇન્ટ વધ્યો હતો. કોરિયા, સિંગાપોર અને ઇન્ડોનેશિયાના શેરબજાર સાધારણ વધીને સકારાત્મક ટ્રેડ કરી રહ્યા હતા.

બીએસઇ અને એનએસઇ પર 21 ઓક્ટોબર, દિવાળીના રોજ 1 કલાકનું મુહૂર્ત ટ્રેડિંગ થશે. દિવાળીના દિવસે બપોરે 1.45 થી 2.45 દરમિયાન મુહૂર્ત ટ્રેડિંગ થશે.

શેરબજાર મંગળવારે ઘટાડે ખુલ્યા બાદ મજબૂત ટ્રેડિંગ કરી રહ્યા છે. સેન્સે્કસ પાછલા બંધ 82159 લેવલથી ઘટીને આજે 82147 ખુલ્યો હતો. ત્યાર પછી સેન્સેક્સ 100 પોઇન્ટથી વધુ વધીને ટ્રેડ થઇ રહ્યો છે. આજે એનએસઇ નિફ્ટી ફ્લેટ 25,209 ખુલ્યો હતો. જીએસટી ઘટાડા બાદ વાહનોનું વેચાણ વધવાની અપેક્ષાએ ઓટો શેરમાં તેજીનો માહોલ છે. બીએસઇ પર મારૂતિ સુઝુકી, મહિન્દ્રાના શેર દોઢ થી અઢી ટકા સુધી વધ્યા હતા.