Share Market News: સેન્સેક્સ નિફ્ટી સાધારણ ઘટીને બંધ, RBIની ધિરાણનીતિ પર નજર

સેન્સેક્સના 30 બ્લુચીપ શેર માંથી 15 સ્ટોક વધ્યા હતા. જેમા ટાયટન, એસબીઆઈ, ઇટરનલ, ટ્રેન્ટ અને બીઇએલ શેર 1 થી સવા બે ટકા સુધી વધ્યા હતા. તો બીજી બાજુ એક્સિસ બેંક, મારૂતિ, લાર્સન, આઈસીઆઈસીઆઈ બેંક અને ભારતી એરટેલના શેર 1 થી 2 ટકા નરમ હતા. આજે બીએસઇની માર્કેટકેપ 451.50 લાખ કરોડ રૂપિયા થઇ હતી, જે ગત શુક્રવારે 450.55 લાખ કરોડ રૂપિયા થઇ હતી. આમ સોમવારે માર્કેટ ઘટવા છતાં શેરબજારના રોકાણકારોની સંપત્તિ 1 લાખ કરોડ રૂપિયા વધી હતી.

સોમવારે બીએસઇ મિડકેપ ઇન્ડેક્સ 151 પોઇન્ટ વધ્યો હતો જ્યારે બીજી બાજુ સ્મોલકેપ ઇન્ડેક્સ 86 પોઇન્ટ ઘટીને બંધ થયો હતો. સેક્ટોરિયલ ઇન્ડેક્સમાં ઓઇલ ગેસ ઇન્ડેકસ 518 પોઇન્ટ, મેટલ 128 પોઇન્ટ વધ્યા હતા.

શેરબજારમાં સોમવારે રેન્જ બાઉન્ડ ટ્રેડિંગ બાદ સેન્સેક્સ નિફ્ટી ફ્લેટ બંધ થયા હતા. સેન્સેક્સ 61 પોઇન્ટ ઘટી 80364 અને નિફ્ટી 20 પોઇન્ટ ઘટી 24634 બંધ થયો હતો. સેન્સેક્સની ઇન્ટ્રા ડે ટ્રેડિં રેન્જ 80851 થી 80248 હતી.

SEBI Opposes Ketan Parekh Plea : સેબીએ ભૂતપૂર્વ સ્ટોક એક્સચેન્જ ઓપરેટર કેતન પારેખે ચાર મહિનામાં અનેક દેશોની યાત્રા કરવા માટે દાખલ કરેલી અરજીનો વિરોધ કર્યો છે. ઉલ્લેખનિય છે કે, કેતન પારેખનું નામ શેરબજારમા સટ્ટાકીય ટ્રેડિંગ અને કૌભાંડ સંબંધિત બે ડઝનથી વધુ કેસમાં નામ સંડોવાયેલું છે …વધુ માહિતી

શેરબજારમાં નરમાઇ સાથે સેન્સેક્સ નિફ્ટી ફ્લેટ ટ્રેડિંગ કરી રહ્યા છે. એક્સિસ બેંક 2 ટકા તૂટ્યો છે. બેંક શેર, સ્મોલકેપ અને મિડકેપ ઇન્ડેક્સ તૂટ્યા છે. ઈન્ડિયા વીઆઈએક્સ ઇન્ડેક્સ વધ્યો છે, જે શેરબજારમાં અસ્થિરતા વધવાના સંકેત આપે છે.

Upcoming IPO This Week: આઈપીઓ માટે આ અઠવાડિયું બહુ વ્યસ્ત રહેવાનું છે. આ અઠવાડિયામાં 1, 2 કે 3 નહીં 20 આઈપીઓ ખુલી રહ્યા છે, જેમા 4 મેઇનબોર્ડ IPO છે. ઉપરાંત 26 કંપનીઓના શેર લિસ્ટિંગ થવાના છે. …સંપૂર્ણ માહિતી

1 ઓક્ટોબર 2025 નિયમ ફેરફાર : દર મહિનાની જેમ 1 ઓક્ટોબર, 2025થી ઘણા નિયમ બદલાઇ રહ્યા છે. જેમા ટ્રેન ટિકિટ બુકિંગ, યુપીઆઈ પેમેન્ટ, પેન્શન યોજના સહિત ઘણા નાણાકીય બાબતોના નિયમ બદલાશે, જેની સીધી અસર દરેક વ્યક્તિના ખીસ્સા પર થશે. …સંપૂર્ણ માહિતી

રિઝર્વ બેંકની આજે 29 સપ્ટેમ્બરથી ત્રણ દિવસની ધિરાણનીતિ બેઠક શરૂ થઇ રહી છે. આ મોનેટરી પોલિસીના નિર્યણો 1 ઓક્ટોબરે જાહેર થશે. જેમા આ વખતે રિઝર્વ બેંક રેપો રેટ ઘટાડે તેવી અપેક્ષા રાખવામાં આવી રહી છે. SBI રિસર્ચનું માનવું છે કે, રિઝર્વ બેંક પાસે રેપો રેટમાં 0.25 ટકાનો ઘટાડો કરવાનો અવકાશ છે. તો અન્ય એક્સપર્ટ્સનો અનુમાન છે કે, જીએસટી સુધારણા અને અમેરિકાના ટેરિફના કારણે રૂપિયાના મૂલ્યમાં ઘટાડો જેવા પરિબળો રિઝર્વ બેંકને વ્યાજદર ઘટાડતા રોકી શકે છે.

શેરબજારમાં સપ્તાહના પ્રથમ દિવસની શરૂઆત સકારાત્મક થઇ હતી. એશિયન બજારોની તેજીના સહારે સેન્સેક્સ નિફ્ટી વધીને ખુલ્યા હતા. જેમા બીએસઇ સેન્સેક્સ પાછલા બંધ 80,426 સામે આજે 80,588 ખુલ્યો હતો. એનએસઇ નિફ્ટી પાછલા બંધ 24,654 સામે આજે 24,728 ખુલ્યો હતો. સેન્સેક્સ 160 પોઇન્ટ અને નિફ્ટી 75 પોઇન્ટ વધીને ટ્રેડિંગ કરી રહ્યા છે.