Share Market News: સેન્સેક્સ 224 પોઇન્ટ વધી 81200 ઉપર બંધ, સ્મોલકેપ 577 પોઇન્ટ ઉછળ્યો

શેરબજારની રિકવરીમાં બીએસઇ પર 2710 શેર વધીને જ્યારે 1490 શેર ઘટીને બંધ થયા હતા. આજે બીએસઇ પર લિસ્ટેડ કંપનીઓની કુલ માર્કેટકેપ 457.81 લાખ કરોડ રૂપિયા થઇ હતી. જે અગાઉ 455. 43 લાખ કરોડ રૂપિયા હતી. આમ શુક્રવારે શેરબજારના રોકાણકારોને 2.40 લાખ કરોડ રૂપિયાની કમાણી થઇ છે.

ચલણી શેરમાં તેજી રહેતા મિડકેપ 352 પોઇન્ટ અને સ્મોલકેપ 576 પોઇન્ટ ઉછળ્યા હતા. સેક્ટોરિયલ ઇન્ડેક્સમાં કેપિટલ ગુડ્સ 699 પોઇન્ટ, કન્ઝ્યુમર ડ્યુરેબલ્સ 666 પોઇન્ટ અને મેટલ 619 પોઇન્ટ વધ્યો હતો.

સેન્સેક્સના 30 બ્લુચીપ શેર માંથી 15 શેર વધ્યા હતા. જેમા ટાટા સ્ટીલ, પાવરગ્રીડ, એક્સિસ બેંક, કોટક બેંક અને લાર્સન કંપનીના શેર 1.7 થી 3.5 ટકા સુધી વધ્યા હતા. તો ટોપ 5 લુઝર શેરમાં ટેક મહિન્દ્રા, મારૂતિ, અલ્ટ્રાટેક સિમેન્ટ, સન ફાર્મા અને આઈસીઆઈસીઆઈ બેંક અડધા થી 1 ટકા ડાઉન હતા.

શેરબજારમાં બપોર બાદ રિકવરી આવા સેન્સેક્સ નિફ્ટી સતત બીજા દિવસે વધીને બંધ થયા છે. સેન્સેક્સ 224 પોઇન્ટ વધી 81207 બંધ થયો છે. તો એનએસઇ નિફ્ટી 58 પોઇન્ટ વધી 24894 બંધ થયો છે. આજે સેન્સેક્સની ટ્રેડિંગ રેન્જ 81,251 થી 80,649 હતી.

શેરબજારમાં શુક્રવારે સેન્સેક્સ નિફ્ટી ઘટ્યા બાદ રિકવર થયા છે. સેન્સેક્સ 200 પોઇન્ટ વધી 81,170 લેવલ આસપાસ ટ્રેડ કરી રહ્યો છે. તો નિફ્ટી 40 પોઇન્ટના સુધારામાં 24875 લેવલ પર છે. બેંક શેરમાં રિકવરથી બેંક નિફ્ટી ઇન્ડેક્સ ઇન્ટ્રા-ડે તળિયેથી 400 પોઇન્ટ રિકવર થયો છે.

વીવર્ક ઈન્ડિયા આઈપીઓ આજે 3 ઓક્ટોબરે ખુલ્યો છે. આ મેઇનબોર્ડ આઈપીઓ છે. 3000 કરોડના આઈપીઓ માટે પ્રાઇસ બેન્ડ 615 થી 648 રૂપિયા પ્રતિ શેર છે. આ IPO સંપૂર્ણપણે ઓફર ફોર સેલ છે, જે અતંર્ગત કંપનીના પ્રમોટર અને હાલના શેરધારકો દ્વારા લગભગ 4.63 કરોડ ઇક્વિટી શેર વેચવામાં આવશે. Embassy Group વીવર્ક કંપનીમાં મોટી હિસ્સેદારી ધરાવે છે. રોકાણકારો 7 ઓક્ટોબર સુધી આઈપીઓ માટે બીડ કરી શકે છે. શેર એલોટમેન્ટ 8 ઓક્ટોબરે થવા સંભવ છે. ત્યાર પછી BSE, NSE પર 10 ઓક્ટોબરે કંપનીનું શેર લિસ્ટિંગ થઇ શકે છે.

તેલગે પ્રોજેક્ટ્સ કંપનીનું શેર લિસ્ટિંગ સામાન્ય રહ્યું છે. BSE SME પર તેલગે પ્રોજેક્ટ્સનો શેર 3 ટકાના પ્રીમિયમે 108.10 રૂપિયા ખુલ્યો હતો. આઈપીઓ ઇશ્યૂ પ્રાઇસ 105 રૂપિયા પ્રતિ શેર હતી. આ એસએમઇ કંપની એન્જિનિયરિંગ ડિઝાઇન સર્વિર્સિસ બિઝનેસમાં છે. આઈપીઓનું કૂલ કદ 27.24 કરોડ રૂપિયા હતું. જેમાથી 7.70 કરોડ રૂપિયા એન્કર ઇન્વેસ્ટર્સ પાસેથી મેળવ્યા હતા. આ આઈપીઓ 2.99 ગણો ભરાયો હતો.

શેરબજાર શુક્રવારે મોટા ઘટાડે ખુલ્યા હતા. સેન્સેક્સ પાછલા બંધ 80983 સામે આજે 200 પોઇન્ટ ઘટી 80,684 ખુલ્યો હતો. એનએસઇ નિફ્ટી પાછલા બંધ 24836 સામે આજે 24,759 ખુલ્યો હતો. એનબીએફસી, એફએમસીજી અને ઓટો શેરમાં વેચાવાલીથી માર્કેટ રેન્જ બાઉન્ડ હતો.