Share Market News: સેન્સેક્સ 329 પોઇન્ટ વધ્યો, નિફ્ટી IT 839 પોઇન્ટ ઉછળ્યો

શેરબજાર વધીને બંધ થવા છતાં માર્કેટ બ્રેડ્થ નેગેટિવ હતી. બીએસઇ પર 1948 શેર વધીને જ્યારે 2237 શેર ઘટીને બંધ થતા માર્કેટ બ્રેડ્થ નેગેટિવ થઇ હતી. સોમવારે બીએસઇ પર લિસ્ટેડ તમામ કંપનીઓની કૂલ માર્કેટકેપ 455.02 લાખ કરોડ રૂપિયા થઇ હતી, જ્યારે ગત શુક્રવારે માર્કેટકેપ 453.65 લાખ કરોડ રૂપિયા થઇ હતી. આમ સોમવારે શેરબજારના રોકાણકારોને 1.35 લાખ કરોડ રૂપિયાની કમાણી થઇ છે.

શેરબજારના આજના સુધારામાં આઈટી સ્ટોકનું મોટું યોગદાન હતું. નિફ્ટી આઈટી ઇન્ડેક્સ 839 પોઇન્ટ ઉછળ્યો હતો. બીએસઇ પર ઇન્ફોસિસ, ટીસીએસ, એચસીએલ ટેક, ટેક મહિન્દ્રાના શેર દોઢ થી 3 ટકા વધ્યા હતા. સેક્ટોરિયલ ઇન્ડાઇસિસમાં રિયલ્ટી, મેટલ, ફાર્મા ઇન્ડેક્સ વધીને બંધ હતા.

શેરબજારમાં સોમવારે તેજી રહેતા સેન્સેક્સ નિફ્ટી વધીને બંધ થયા છે. સેન્સેક્સ 329 પોઇન્ટ વધી 81635 બંધ થયો છે. ઇન્ટ્રા-ડેમાં સેન્સેક્સ 81,799 ટોચે પહોંચ્યો હતો. તો નિફ્ટી 98 પોઇન્ટના સુધારામાં 24967 બંધ થયો છે. ઇન્ટ્રા-ડેમાં નિફ્ટી 25000 લેવલ સ્પર્શ્યો હતો. સ્મોલકેપ ફ્લેટ જ્યારે મિડકેપ સાધારણ વધીને બંધ થયો હતો.

શેરબજારમાં આગેકૂચ ચાલુ રહેતા સેન્સેક્સ 450 પોઇન્ટ વધી 81756 ઇન્ટ્રા-ડે ટોચે પહોંચ્યો હતો. તો નિફ્ટી 125 પોઇન્ટ વધીને 25000 લેવલ સ્પર્શ્યો હતો. આઈટી, મેટલ અને રિયલ્ટી સેક્ટરના શેરમાં જબરદસ્ત તેજી જોવા મળી હતી. જો કે એફએમસીજી શેર દબાણ હેઠળ હતા.

IPO Open And Share Listing This Week : આઈપીઓ રોકાણકારો માટે કમાણીની તક આવી છે. આ સપ્તાહે 2 મેઇનબોર્ડ આઈપીઓ સહિત કુલ IPO ખુલશે. ઉપરાંત નવી 8 કંપનીના શેર લિસ્ટિંગ થવાના છે. …અહીં વાંચો

એનએસઇ નિફ્ટી 50 ઇન્ડેક્સના શેરમાં 30 સપ્ટેમ્બરથી મોટો ફેરફાર થશે. જેમા નિફ્ટી 50 ઇન્ડેક્સના શેરમાંથી હીરો મોટો અને ઇન્ડ્સઇન્ડ બેંક બહાર થશે. જેનું સ્થાન ઇન્ડિગો અને મેક્સ હેલ્થકેર શેર લેશે.

સેન્સેક્સ નિફ્ટી સોમવારે એશિયન શેરબજારમાં ઉછાળાના પગલે મજબૂતી સાથે ખુલ્યા હતા. સેન્સેક્સ પાછલા બંધ 81306 સામે આજે 81501 ખુલ્યો હતો. ઓપનિગં સેશનમાં જ સેન્સેક્સ 290 પોઇન્ટ વધીને 81592 સુધી પહોંચ્યો હતો. તો એનએસઇ નિફ્ટી પાછલા બંધ 24870 સામે આજે 24949 ખુલ્યો હતો.

એશિયન બજારો સોમવારે ઉછાળે ખુલ્યા હતા. જેમા જાપાનીઝ શેરબજાર નિક્કેઇ 225 ઇન્ડેક્સ 110 પોઇન્ટ, હોંગકોંગ શેરબજાર 500 પોઇન્ટ, તાઇવાન 580 પોઇન્ટ, જકાર્તા માર્કેટ 80 પોઇન્ટ આસપાસ વધીને ટ્રેડ કરી રહ્યા હતા. ગત શુક્રવારે અમેરિકન માર્કેટમાં 2 ટકાનો ઉછાળો જોવા મળ્યો હતો.