Share Market Today News Highlights: સેન્સેક્સ 361 પોઇન્ટ વધ્યો, નિફ્ટી 25000 ઉપર બંધ, રોકાણકારોને 3.4 લાખ કરોડની કમાણી

ભારતીય શેરબજાર સેન્સેક્સ નિફ્ટી સતત બીજા દિવસે વધીને બંધ થયા છે. આજે બીએસઇની માર્કેટકેપ 463.59 લાખ કરોડ રૂપિયા થઇ હતી. ગઇ કાલે બીએસઇની માર્કેટ વેલ્યૂએશન 460.17 લાખ કરોડ રૂપિયા હતી. આમ એક જ દિવસમાં શેરબજારના રોકાણકારોની સંપત્તિ 3.42 લાખ કરોડ રૂપિયા વધી છે.

આજે સ્મોલકેપ ઈન્ડેક્સ 1.53 ટકા અને મિડકેપ ઇન્ડેક્સ અડધો ટકા વધ્યા હતા. નિફ્ટી આઈટી ઈન્ડેક્સ 1.7 ટકા વધ્યો છે. બીએસઇના સેક્ટોરિયલ ઇન્ડાઇસિસમાં ટેક ઇન્ડેક્સ 1.6 ટકા, પાવર 1.7 ટકા, કેપિટલ ગુડ્સ ઇન્ડેક્સ 1 ટકા, ટેલિકોમ ઇન્ડેક્સ 2 ટકા, આઈટી ઇન્ડેક્સ 1.5 ટકા, હેલ્થકેર 1.1 ટકા વધ્યા હતા.

શેરબજાર સેન્સેક્સ નિફ્ટી સતત બીજા દિવસ વધીને બંધ થયા છે. સેન્સેક્સ 361 પોઇન્ટ વધીને 81921 લેવલ પર બંધ થયા છે. એનએસઇ નિફ્ટી 104 પોઇન્ટ વધીને 25041 બંધ થયો છે. નિફ્ટી આઇટી ઇન્ડેક્સ સૌથી વધુ 1.7 ટકા વધ્યો છે. સેન્સેક્સના 30 માંથી 22 બ્લુ ચીપ સ્ટોક વધીને બંધ થયા છે. જેમા એચસીએલ ટેક, ભારતી એરટેલ, ટેક મહિન્દ્રા, એનટીપીસી અને પાવરગ્રીડ 1.7 ટકા થી 2.2 ટકા સુધી વધ્યા હતા.

શેરબજારમાં પોઝિટિવ ઓપનિંગ બાદ તેજી તરફી ટ્રેન્ડ દેખાઇ રહ્યો છે. બપોરના સેશનમાં સેન્સેક્સમાં 500 પોઇન્ટથી વધુ ઉછાળો જોવા મળ્યો છે. સેન્સેક્સ ઇન્ટ્ર-ડે સેશનમાં 82100 ઉપર જવામાં સફળ થયો છે. નિફ્ટી આઈટી ઈન્ડેક્સ 2 ટકાથી વધુ વધ્યો છે. સેન્સેક્સના ઇન્ફોસિસ, ટેક મહિન્દ્રા, એચસીએલ ટેક અને ટીસીએસ શેર બે ટકા જેટલા વધ્યા હતા. એનએસઇ નિફ્ટી 162 પોઇન્ટ વધીને 25100 ઉપર ટ્રેડ કરી રહ્યો છે.

સેન્સેક્સ નિફ્ટી સુધારે ખુલ્યા બાદ શેરબજાર સતત ઉંચે જઇ રહ્યું છે. સેન્સેક્સ 400 પોઇન્ટ વધ્યો છે અને 82000 લેવલ કુદાવી ગયો છે. ઇન્ફોસિસ, અદાણી પોર્ટ્સ, ભારતી એરટેલ, પાવરગ્રીડ અને એચસીએલ ટેક દોઢ થી 2 ટકા વધ્યા હતા.

હેલ્થ અને લાઈફ ઈન્સ્યોરન્સ પર જીએસટી ઘટાડવાનો નિર્ણય મોકૂફ રાખવાથી વીમા કંપનીઓના શેર તૂટ્યા છે. એસબીઆઈ લાઈફ, એચડીએફસી લાઇફ, આઈસીઆઈસીઆઈ પ્રુડેન્શિયલ, બજાજ ફિનસર્વ કંપનીના શેર 2 થી 3 સુધી ગટ્યા છે.

શેરબજાર સેન્સેક્સ નિફ્ટી સુધારા સાથે ખુલ્યા છે. સેન્સેક્સ 200 પોઇન્ટ વધીને ખુલ્યું છે. તો નિફ્ટી ઉંચા ગેપમાં ખુલીને શરૂઆતમાં જ 25000 લેવલને સ્પર્શ્યું છે. હાલ બેંક નિફ્ટી અને નિફ્ટી આઈટી ઇન્ડેક્સ પણ મજબૂત ટ્રેડ કરી રહ્યા છે. તો બીજી બાજુ એમસીએક્સ ગોલ્ડ સિલ્વરમાં એકદરે નરમ ટ્રેન્ડ છે.