Share Market News: શેરબજારમાં મંદીની હેટ્રિક, 3 દિવસમાં સેન્સેક્સ 1000 પોઇન્ટ ઘટ્યો, સ્મોલકેપ રિકવર

બીએસઇ પર 2095 શેર વધીને જ્યારે 2076 શેર ઘટીને બંધ થયા હતા. આજે બીએસઇનું કુલ માર્કેટ કેપિટલાઇઝેશન 469.41 લાખ કરોડ રૂપિયા થયું હતું, જે ગઇકાલે 469.43 લાખ કરોડ રૂપિયા થઇ હતી.

ચલણી શેરમાં લેવાલીથી 5 દિવસની મંદી અટકતા મિડકેપ અને સ્મોલકેપ ઇન્ડેક્સ વધ્યા હતા. મિડકેપ 90 પોઇન્ટ અને સ્મોલકેપ 105 પોઇન્ટ રિકવર થયા હતા. સેક્ટોરિયલ ઇન્ડેક્સમાં હેલ્થકેર 116 પોઇન્ટ, મેટલ 167 પોઇન્ટ, કેપિટલ ગુડ્સ 127 પોઇન્ટ વધ્યો હતો. તો આઈટી ઇન્ડેક્સ 268 પોઇન્ટ, ઓટો 153 પોઇન્ટ, કન્ઝ્યુમર ડ્યુરેબલ્સ 328 પોઇન્ટ ઘટ્યા હતા.

નિફ્ટીની નવેમ્બર મહિનાની મંથલી એક્સપાયરી

વૈશ્વિક શેરબજારોના મિશ્ર સંકેત

વિદેશી રોકાણકારોની સતત વેચવાલી

શેરબજારમાં દરેક ઉછાળે રોકાણકારોનું પ્રોફિટ બુકિંગ

શેરબજારની મંદીમાં આજે આઈટી અને ટાટા ગ્રૂપના શેર ઘટ્યા છે. સેન્સેક્સના સૌથી વધુ ઘટેલા 5 શેરમાં ટાટા મોટર્સ પેસેન્જર વ્હીકલ 1.6 ટકા, ટ્રેન્ટ 1.6 ટકા, ઈન્ફોસિસ સવા ટકા, પાવરગ્રીડ અને એચડીએફસી બેંક 1 ટકા સુધી તૂટ્યા હતા. તો ટોપ 5 ગેઇનર શેરમાં બીઇએલ 1.6 ટકા, એસબીઆઈ 1.3 ટકા, ટાટા સ્ટીલ, ઇટરનલ અે ભારતી એરટેલના શેર અડધા ટકા આસપાસ સુધર્યા હતા. સેન્સેક્સના 30 બ્લુચીપ શેર માંથી 24 શેર ઘટ્યા હતા.

શેરબજાર સતત ત્રીજા દિવસે ઘટીને બંધ થયા છે. સેન્સેક્સ 313 પોઇન્ટ ઘટી 84587 બંધ થયો છે. ઇન્ટ્રા ડે સેન્સેક્સ 550 પોઇન્ટ ઘટીને 84,536 તળિયે ગયો હતો. એનએસઇ નિફ્ટી પણ 75 પોઇન્ટ ઘટી 25884 બંધ થયો છે. શેરબજારની 3 દિવસની મંદીમાં સેન્સેક્સ 1,045 પોઇન્ટ ઘટ્યો છે.

New Labour Code Gratuity Rules 2025 : નવા લેબર કોડ મુજબ ગ્રેજ્યુઇટી હવે 5 વર્ષ નહીં 1 વર્ષ સુધી સતત નોકરી કરનાર કર્મચારીને પણ મળે. દેશમાં 21 નવેમ્બર, 2025થી લાગુ નવા લેબર કોડથી કોન્ટ્રાક્ટ અને ફિક્સ્ડ ટર્મ આધારિત નોકરી કરનાર લાખ કર્મચારીઓને ફાયદો થવાનો છે. …અહીં વાંચો

Five Best 200MP Camera Phones In India : સ્માર્ટફોનના કેમેરા હાઇ રિઝોલ્યુશન અને એડવાન્સ ટેકનોલોજીથી સજજ હોય છે, જે સ્પષ્ટ અને તેજસ્વી તસવીર આપે છે. અહીં ભારતમાં 200 એમપી કેમેરા સાથે ઉપલબ્ધ સ્માર્ટફોનની કિંમત અને ફીચર્સ વિશે સંપૂર્ણ વિગત આપી છે. …સંપૂર્ણ વાંચો

ડિસેમ્બરમાં યુએસ ફેડ રેટ કટની અપેક્ષાથી અમેરિકાના શેરબજારમાં તોફાની તેજી આવી છે. સોમવારે સતત ત્રણ સપ્તાહની મંદી બાદ અમેરિકાના શેરબજારમાં ટેક સ્ટોકમાં રિકવરી જોવા મળી હતી. યુએસ ફેડ બેંકના ગવર્નર ક્રિસ્ટોફર વોલરે આગામી મહિને રેટ કટના સંકેત આપ્યા છે. તેનાથી શેરબજારમાં નવો આશાવાદ જાગ્યો છે.

એશિયન શેરબજારો મંગળવારે મજબૂત હતા. જાપાનનો નિક્કેઇ શેરબજાર 74 પોઇન્ટ, હોંગકોંગ 277 પોઇન્ટ, તાઇવાન 400 પોઇન્ટ, શાંઘાઇ 44 પોઇન્ટ વધ્યા છે. ગિફ્ટ નિફ્ટી ઇન્ડેક્સ 30 પોઇન્ટ વધીને ટ્રેડિંગ કરી રહ્યો છે. યુએસ ફેડ રેટ કટની અપેક્ષાથી અમેરિકા સહિત એશિયન બજારોમાં તેજીનો માહોલ છે.

સેન્સેક્સ નિફ્ટી મંગળવારે એશિયન શેરબજારોની તેજીના સહારે સકારાત્મક ખુલ્યા હતા. સેન્સેક્સ 100 પોઇન્ટ વધી 85000 લેવલ ઉપર 85008 ખુલ્યો હતો. એનએસઇ નિફ્ટી પાછલા બંધ 25,959 લેવલથી 40 પોઇન્ટના સુધારામાં 25,998 ખુલ્યો હતો.