Share Market News Live: શેરબજારમાં ઝડપી રિકવરી, સેન્સેક્સ 200 પોઇન્ટ, નિફ્ટી 26000 પાર

Amazon 30,000 employees layoffs : એમેઝોન કંપની 30,000 કર્ચમારીઓને નોકરીમાંથી છુટા કરવાની છે. હાલ એમેઝોનમાં કુલ 15.5 લાખ કર્મચારીઓ છે. એમેઝોન દ્વારા છટણીથી ઇ કોમર્સ સેક્ટરના કર્મચારીઓ દહેશતમાં છે. …વધુ વાંચો

Gold Silver Price Crash : સોના ચાંદીના ભાવ જબરદસ્ત ઘટ્યા છે. ઓલટાઇમ હાઇ લેવલથી સોનામાં 8500 રૂપિયાનો કડાકો બોલાયો છે. જાણો આજે અમદાવાદ ગુજરાતમાં સોના ચાંદીના શું ભાવ બોલાય છે …વધુ માહિતી

શેરબજાર ઘટાડે ખુલ્યા બાદ ઝડપી રિકવર થયા છે. સેન્સેક્સ 200 પોઇન્ટ સુધરી 84986 સુધી વધ્યો હતો. રિકવરીની ચાલમાં નિફ્ટી 26000 લેવલ કુદાવી ગયો છે. હાલ નિફ્ટી 70 પોઇન્ટ વધી 26,039 થયો છે. ટાટા સ્ટીલ 1.4 ટકા, એસબીઆઈ 1 ટકા, અદાણી પોર્ટ્સ, લાર્સન અને ટાટા મોટર્સ 1 ટકા વધીને ટ્રેડ કરી રહ્યા છે.

અમેરિકાના પ્રમુખ ડોનાલ્ડ ટ્રમ્પ અને જાપાનના નવા રાષ્ટ્રપતિ સાને તાકાઇચીની ટોક્યોમાં આજે મુલાકાત થવાની છે. સોમવારે ટ્રમ્પ ટોક્યો પહોંચ્યા હતા અને સમ્રાટ નારૂહિતો સાથે મુલાકાત કરી હતી. આ મુલાકાત સાને તાકાઇચી માટે બહુ મહત્વપૂર્ણ માનવામાં આવી રહી છે, કારણ કે તેઓ જાપાનના પ્રથમ મહિલા વડાપ્રધાન છે અને આ તેમની પ્રથમ આંતરરાષ્ટ્રીય બેઠક છે. રોકાણકારોને અપેક્ષા છે કે, આ મુલાકાત અમેરિકા જાપાન વેપાર સંબંધ, રક્ષા સહયોગ અને એશિયા પ્રશાંત ક્ષેત્રની આર્થિક સ્થિરતા પર સ્પષ્ટ સંકેત મળશે.

ગોગલ્સ અને કોન્ટેક્ટ લેન્સ બનાવતી લેન્સકાર્ટ કંપનીનો આઈપીઓ 31 ઓક્ટોબરે ખુલી રહ્યો છે. કંપનીએ 7278.02 કરોડ રૂપિયાના આઈપીઓ પ્રાઇસ બેન્ડ જાહેર કરી છે. આઈપીઓ ઇશ્યૂ પ્રાઈસ 382 – 402 પ્રતિ શેર અને લોટ સાઇઝ 37 શેર છે. આઈપીઓમાં 2150 કરોડ રૂપિયાના ફ્રેશ ઇશ્યૂ અને બાકીનો OFS હશે, જેમા કંપનીના પ્રમોટર અને શેરધારકો પોતાનો શેર વેચશે. રોકાણકારો 4 નવેમ્બર સુધી આઈપીો સબ્સક્રાઇબ કરી શકે છે. 6 નવેમ્બરે શેર એલોટમેન્ટ ફાઇનલ થયા બાદ 7 નવેમ્બરે BSE, NSE પર શેર લિસ્ટિંગ થઇ શકે છે.

શેરબજાર વૈશ્વિક નકારાત્મક સંકેતના પગલે ઘટાડે ખુલ્યા હતા. સેન્સેક્સ પાછલા બંધ 84,778 લેવલથી 150 પોઇન્ટ ઘટીને મંગળવારે 84,625 ખુલ્યો હતો. તો એનએસઇ 60 પોઇન્ટ ગટીને 25,939 ખુલ્યો હતો. બજાજ ફિનસર્વ, એશિયન પેઇન્ટ, ઇન્ફોસિસ, એક્સિસ બેંક અને એચડીએફસી બેંક અડધા થી 1 ટકા આસપાસ નરમ હતા.