Share Market News : શેરબજારમાં ઉંચા સ્તરે નફાવસૂલીથી સેન્સેક્સ 593 પોઇન્ટ તૂટ્યો, નિફ્ટી 176 પોઇન્ટ નરમ

શેરબજારમાં મંદીથી રોકાણકારોને 2 લાખ કરોડથી વધુ નુકસાન થયું હતું. આજે બીએસઇની માર્કેટકેપ 472.35 લાખ કરોડ રૂપિયા થઇ હતી, જે ગઇકાલે 474.29 લાખ કરોડ રૂપિયા હતી. બીએસઇના 1876 શેર વધીને જ્યારે 2291 શેર ઘટીને બંધ થતા માર્કેટ બ્રેડ્થ નેગેટિવ થઇ હતી.

ગુરુવારે શેરબજારમાં સાર્વત્રિક મંદીના માહલોથી મોટાના ઇન્ડેક્સ ઘટીને બંધ થયા હતા. બેન્કેક્સ 473 પોઇન્ટ, ઓટો 247 પોઇન્ટ, હેલ્થકેર, આઈટી, કન્ઝ્યુમર ડ્યુરેબલ્સ અને મેટલ ઇન્ડેક્સ 100 થી 200 પોઇન્ટ સુધી ઘટ્યા હતા. બોર્ડર માર્કેટમાં મિડકેપ સ્થિર જ્યારે સ્મોલકેપ 31 પોઇન્ટ નરમ હતો. બેંક શેરમાં વેચવાલીથી બેંક નિફ્ટી 354 પોઇન્ટ ઘટ્યો હતો.

વોડાફોન આઈડિયા શેર આજે ઇન્ટ્રાડે 10 ટકા જેટલો તૂટી 8.21 રૂપિયા સુધી ઘટ્યો હતો. શેરબજારમાં કામકાજના અંતે શેર 6.83 ટકા ઘટી 8.73 બંધ થયો છે. આજે સુપ્રીમ કોર્ટમાં એજીઆર કેસની સુનાવણી બાદ કંપનીનો શેર ઘટ્યો છે. નોંધનિય છે કે, બે દિવસ પહેલા VI શેર 10 ટકા ઉછળીને 10.57 રૂપિયાની વર્ષની ટોચે પહોંચ્યો હતો.

સેન્સેક્સના 30 માંથી 23 બ્લુચીપ શેર ઘટીને બંધ થયા હતા. જેમા ભારતી એરટેલ 1.5 ટકા, પાવરગ્રીડ 1.5 ટકા, ટેક મહિન્દ્રા 1.4 ટકા, બજાજ ફાઈનાન્સ અને રિલાયન્સ 1-1 ટકા ઘટ્યા હતા. તો ટોપ 5 ગેઇનર શેરમાં લાર્સન, બીઇએલ, અલ્ટ્રાટેક, મારૂતિ સુઝુકી અને અદાણી પોર્ટ્સ સાધારણથી 1 ટકા સુધી વધ્યા હતા.

શેરબજારમાં નફાવસૂલીનું દબાણ રહેતા સેન્સેક્સ નિફ્ટી ઘટીને બંધ થયા છે. સેન્સેક્સ 593 પોઇન્ટ ઘટી 84404 અને નિફ્ટી 176 પોઇન્ટ ઘટી 25878 બંધ થયો છે. સેન્સેક્સની ટ્રેડિંગ રેન્જ 84,906 થી 84,312 હતી. તો એનએસઇ નિફ્ટી 26,032 થી 25,845 ની રેન્જમાં રહ્યો હતો. આઈટી અને રિલાયન્સ જેવા બ્લુચીપ શેરમાં વેચવાલીથી માર્કેટમાં દબાણ રહ્યું છે.

Lenskart IPO Issue Price Share : લેન્સકાર્ટ આઈપીઓ 31 ઓક્ટોબર ખુલી રહ્યો છે. મેઇનબોર્ડ આઈપીઓને લઇ ગ્રે માર્કેટમાં હલચલ જોવા મળી રહી છે. જો તમે લેન્સકાર્ટ આઈપીઓ સબ્સક્રાઇબ કરતા પહેલા તમામ માહિતી વિગતવાર સમજી વિચારી પછી જ રોકાણ કરો. …વધુ માહિતી

Bank Holiday November 2025 : નવેમ્બર મહિનામાં પણ ઘણા તહેવારો છે નિમિત્તે બેંક બંધ રહેવાની છે. જાણો તમારા રાજ્યમાં સરકારી રજાઓ ક્યારે છે, અહીં આરબીઆઈ હોલિડે કેલેન્ડર 2205 ચેક કરો …વધુ માહિતી

અમેરિકાના રાષ્ટ્રપતિ ડોનાલ્ડ ટ્રમ્પ આજે દક્ષિણ કોરિયામાં ચીનના રાષ્ટ્રપતિ શી જિનપિંગ સાથે મુલાકાત કરી રહ્યા છે. બંને દેશો વચ્ચે વધતા ટેરિફ તણાવ વચ્ચે છ વર્ષ પછી બંને વિશ્વના નેતાઓ સામસામે આવી રહ્યા છે તેના પર બધાની નજર છે. બંને દેશોના ટોચના નેતાઓ વચ્ચેની વાતચીત એવા સમયે થઈ રહી છે જ્યારે વિશ્વની બે સૌથી મોટી અર્થવ્યવસ્થાઓ પહેલાથી જ વેપાર યુદ્ધમાં ફસાઈ ગઈ છે જેણે વૈશ્વિક અર્થતંત્રને તબાહ કરી દીધું છે, પરંતુ હવે બંને દેશો તેમના વેપાર તણાવને હળવો કરવાનો પ્રયાસ કરી રહ્યા છે.

યુએસ ફેડ રિઝર્વે વ્યાજદર સતત બીજી વખત ઘટાડ્યા છે. 28 – 29 ઓક્ટોબરે યોજાયેલી યુએસ ફેડ રિઝર્વની પોલિસી મિટિંગમાં વ્યાજદર 0.25 ટકા ઘટાડીને 4 ટકા થી 3.75 ટકા કરવામાં આવ્યા છે. સપ્ટેમ્બરમાં પણ યુએસ ફેડ રિઝર્વ આટલા જ વ્યાજદર ઘટાડ્યા હતા. યુએસ ફેડ રિઝર્વે વ્યાજદર ઘટાડ્યા બેંકો માટે ધિરાણ મેળવવું વધુ સસ્તું થશે. અહીં વાંચો યુએસ ફેડ રેટ કટની સોનાના ભાવ અને ભારત પર શું અસર થશે

શેરબજાર નફાવસૂલીના દબાણ હેઠળ ગુરવારે ઘટાડે ખુલ્યા હતા. સેન્સેક્સ પાછલા બંધ 84,997 થી 247 પોઇન્ટ ઘટી ગુરુવારે 84,750 ખુલ્યો હતો. એનએસઇ નિફ્ટી પાછલા બંધ 26,053 થી નીચા ગેપમાં ગુરુવારે 25984 ખુલ્યો હતો. બજાર ખુલવાની શરૂઆતમાં જ સેન્સેક્સ 300 પોઇન્ટ તૂટીને 85660 લેવલ સુધી ઘટ્યો હતો.