Share Market: શેરબજાર આજે ચાલુ કે બંધ? જાણો માર્ચ 2026માં ક્યારે BSE, NSE, MCX પર ટ્રેડિંગ નહીં થાય

Holi 2026 Stock Market Holiday : દેશના ઘણા ભાગોમાં, રંગોનો તહેવાર એટલે કે ધુળેટી 4 માર્ચ (બુધવાર)ના રોજ ઉજવવામાં આવશે, પરંતુ સ્ટોક એક્સચેન્જો એ માત્ર 3 માર્ચે રજા નક્કી કરી છે. સ્ટોક એક્સચેન્જ બીએસઈ અને એનએસઈની સત્તાવાર વેબસાઇટ અનુસાર, આજે બંને સ્ટોક એક્સચેન્જોમાં ટ્રેડિંગ થશે નહીં. બુધવાર, 04 માર્ચથી રાબેતા મુજબ શેર ટ્રેડિંગ ફરી શરૂ થશે.

MCX આજે ચાલુ કે બંધ?

મલ્ટી કોમોડિટી એક્સચેન્જ ઓફ ઈન્ડિયા (એમસીએક્સ) સવારના સત્રમાં (સવારે 9 થી સાંજના 5 વાગ્યા સુધી) બંધ રહેશે, પરંતુ સાંજના સત્રમાં સાંજે 5 વાગ્યાથી 11:30 વાગ્યા સુધી ટ્રેડિંગ ફરી શરૂ થશે.

માર્ચ 2026 શેરબજાર રજા યાદી

માર્ચ 2026માં ઇક્વિટી માર્કેટમાં કૂલ 3 રજા પર ટ્રેડિંગ બંધ રહેશે, જેમા શનિવાર અને રવિવાર સામેલ નથી. હોળીની રજા માર્ચમાં શેરબજાર માટે પ્રથમ રજા છે. ત્યારબાદ, આગામી આ તારીખે બજાર બંધ રહેશે:

• 26 માર્ચ, 2026 (ગુરુવાર) - શ્રી રામ નવમી
• 31 માર્ચ, 2026 (મંગળવાર) - શ્રી મહાવીર જયંતી

શેરબજાર 2026 રજા યાદી

સોમવારે શેરબજારમાં કડાકો નોંધાયો

ઈઝરાયલ ઈરાન યુદ્ધના પગલે 2 માર્ચ, 2026ના રોજ ભારતીય શેરબજાર સેન્સેક્સ નિફ્ટી સહિત દુનિયાભરના શેરબજારોમાં મોટો કડાકો બોલાયો હતો. સેન્સેક્સ 1048 અંક ઘટીને 80,238 અને નિફ્ટી 312 પોઇન્ટ ઘટીને 24,865 બંધ થયા હતા. શેરબજારમાં કડાકાથી રોકાણકારોને 6.6 લાખ કરોડ રૂપિયાનું નુકસાન થયું હતું.