Tax Free Countries: દુનિયાના ટેક્સ ફ્રી દેશો, જ્યાં નાગરિકની કમાણી પર કોઇ આવકવેરો નથી

Best Tax Free Countries In Ihe World : ભારત સહિત દુનિયાના તમામ મોટા દેશોમાં સરકાર પોતાના નાગરિકો પર અનેક પ્રકારના ટેક્સ લગાવે છે. ટેક્સ પણ ઘણી રીતે વસૂલવામાં આવે છે. એક તો નક્કી કરેલી મર્યાદા કરતાં વધુ કમાણી કરતા લોકો પર અલગ અલગ ટેક્સ લાગે છે એટલે કમાણીના કેટલાક સાધનો એવા હોય છે જેના પર સરકાર લોકોને જાણ કર્યા વગર જ તેમની પાસેથી ટેક્સ લે છે. એવું કહેવામાં આવે છે કે સામાન્ય ખાદ્ય વસ્તુથી લઈને નાની-મોટી વસ્તુ સુધી દરેક વસ્તુ પર ટેક્સ લાગે છે. જો કે, દુનિયામાં એવા ઘણા દેશો છે જ્યાં તેમના નાગરિકો પાસે કોઈપણ પ્રકારનો આવકવેરો નથી. જેના કારણે તેમની સંપૂર્ણ કમાણી તેમના ખાતામાં રહે છે.

ભારત જેવા વિકાસશીલ દેશમાં દર વર્ષે ટેક્સ વધી રહ્યો છે. મોટા ભાગની મહેનતની કમાણી ટેક્સ દ્વારા સરકારના ખાતામાં જાય છે. જો કે, અખાતી દેશોથી લઈને યુરોપિયન અને એશિયાના ઘણા ટાપુઓ એવા દેશો છે, જ્યાં નાગરિકો પાસેથી ઇન્કમ ટેક્સ વસૂલવામાં આવતો નથી. ખાડી દેશોમાં સંયુક્ત અરબ અમીરાત (યુએઈ), સાઉદી અરબ, કતાર, બહેરીન, ઓમાન અને કુવૈતનો સમાવેશ થાય છે, જ્યાં લોકો એ આવક કે પગાર પર કોઈ પણ પ્રકારનો સીધો ટેક્સ આપવો પડતો નથી. ત્યાંની સરકારો આવકવેરાને બદલે પ્રવાસન ક્ષેત્રની આવક અને તેલ ગેસના ભંડાર માટે વેટ કર જેવા પરોક્ષ કરવેરા પર આધાર રાખે છે.

બહામાસ, બ્રુનેઈ જેવા ટેક્સ ફ્રી દેશો

ત્યાંના લોકોએ બનાવેલી સિસ્ટમ એક વિશિષ્ટ આર્થિક માળખાને પ્રતિબિંબિત કરે છે જે તેમની વસ્તીને ખરેખર કરમુક્ત જીવન જીવવાની તક આપે છે. યુએઈ જેવા દેશો તેલ અને વિકસી રહેતા પ્રવાસન ઉદ્યોગ માંથી જંગી આવક મેળવે છે. તેમની વધતી જતી આર્થિક શક્તિ એ સુનિશ્ચિત કરે છે કે નાગરિકોને આવકવેરો ભરવો ન પડે. સંયુક્ત આરબ અમીરાતને તેના પર્યટનને કારણે વૈશ્વિક ઓળખ મળી છે, જે વિશ્વભરના લોકોને પણ આકર્ષિત કરે છે.

આ સાથે બ્રુનેઈ, મોનાકો, નૌરુ અને બહામાસ સહિત એશિયા અને યુરોપના અનેક નાના-મોટા દેશોમાં આવકવેરો નથી. બ્રુનેઇની મજબૂત કુદરતી ગેસ અને તેલની આવક, અને નૌરુ અને બહામાસમાં પર્યટન ઘણા લોકોને આકર્ષિત કરે છે. જે આ દેશોને નોંધપાત્ર આવક પણ પૂરી પાડે છે. આ કારણે સરકાર અહીં વ્યક્તિગત આવકવેરો લાદતી નથી.