Oppo Reno 14F 5G launched : ઓપ્પોએ પોતાનો લેટેસ્ટ રેનો સિરીઝનો સ્માર્ટફોન સિલેક્ટેડ ગ્લોબલ માર્કેટમાં લોન્ચ કર્યો છે. ઓપ્પો રેનો 14એફ 5જી કંપનીનો લેટેસ્ટ ફોન છે અને તેમાં સ્નેપડ્રેગન 6 જેન 1 ચિપસેટ, 6000mAhની બેટરી, 50MP પ્રાઇમરી રિયર સેન્સર જેવા ફિચર્સ આપવામાં આવ્યા છે. ઓપ્પો રેનો 14એફ 5જીમાં 6.57 ઇંચની મોટી ડિસ્પ્લે અને 12 જીબી સુધીની રેમ આપવામાં આવી છે. જાણો Oppo Reno 14F 5Gની કિંમત અને ફીચર્સ વિશે.
Oppo Reno 14F 5G કિંમત
ઓપ્પો રેનો 14એફ 5જી સ્માર્ટફોનને ગ્લોસી પિંક, લ્યુમિનસ ગ્રીન અને ઓપન બ્લુ કલર વેરિઅન્ટમાં લોન્ચ કરવામાં આવ્યો છે. કંપનીએ હજુ સુધી ફોનની કિંમત વિશે માહિતી આપી નથી. હેન્ડસેટને તાઇવાનમાં ઇ-કોમર્સ વેબસાઇટ TW Forwardmall પર NTD 14,300 (લગભગ 41,800 રૂપિયા)માં ઉપલબ્ધ કરાવવામાં આવ્યો છે.
Oppo Reno 14F 5G સ્પેસિફિકેશન્સ
ઓપ્પો રેનો 14એફ 5જી સ્માર્ટફોન ડ્યુઅલ સિમ સપોર્ટ કરે છે. ફોન એન્ડ્રોઇડ 15 બેસ્ડ ColorOS 15 સાથે આવે છે. હેન્ડસેટમાં 120 હર્ટ્ઝ રિફ્રેશ રેટ સાથે 6.57 ઇંચની ફુલએચડી+ (1,080×2,372 પિક્સલ) OLED ડિસ્પ્લે આપવામાં આવી છે. ફોનનો ટચ સેમ્પલિંગ રેટ 240 હર્ટ્ઝ છે. હેન્ડસેટ ગ્રાફિક્સ માટે એડ્રેનો એ 710 સાથે જોડાયેલા સ્નેપડ્રેગન 6 જેન 1 ચિપસેટ દ્વારા સંચાલિત છે. હેન્ડસેટમાં 12 જીબી સુધીની રેમ અને 512 જીબી સુધીની ઇનબિલ્ટ સ્ટોરેજ નો વિકલ્પ મળે છે.
આ પણ વાંચો – મોબાઇલ બેટરી સાથે જોડાયેલી 5 ખોટી માન્યતાઓ, જાણો શું છે હકીકત
કેમેરાની વાત કરીએ તો ઓપ્પો રેનો 14એફ 5જીમાં 50 મેગાપિક્સલનો પ્રાઇમરી રિયર કેમેરો આપવામાં આવ્યો છે, જેમાં એફ/1.8 અપાર્ચર આપવામાં આવ્યું છે. જે OIS અને ઓટોફોકસને સપોર્ટ કરે છે. રિયર પર જેમાં 8 મેગાપિક્સલનો અલ્ટ્રા વાઈડ એન્ગલ કેમેરા અને 2 મેગાપિક્સલનો મેક્રો સેન્સર આપવામાં આવ્યા છે. સેલ્ફી અને વીડિયો કોલિંગ માટે ફોનમાં 32MPનો ફ્રન્ટ કેમેરો આપવામાં આવ્યો છે. સ્માર્ટફોનમાં AI Flash Livephoto, AI Flash Image ફીચર પણ છે.
હેન્ડસેટમાં ફેસ અનલોક ફીચર છે. સ્માર્ટફોનમાં એમ્બિયન્ટ લાઇટ સેન્સર, એક્સેલેરોમીટર, કલર ટેમ્પરેચર સેન્સર, ઇ-હોકાયંત્ર, ગાયરોસ્કોપ અને પ્રોક્સિમિટી સેન્સર આપવામાં આવ્યું છે.
6000mAh ની મોટી બેટરી
ઓપ્પો રેનો 14 એફ 5 જીમાં 6000mAh ની મોટી બેટરી આપવામાં આવી છે જે 45W ચાર્જિંગને સપોર્ટ કરે છે. ડિવાઇસનું ડાઇમેંશન 158.12 x 74.97 x 7.78mm છે અને તેનું વજન લગભગ 180 ગ્રામ છે. ઓપ્પો રેનો 14એફ 5જી પર કનેક્ટિવિટી વિકલ્પોમાં 5જી, બ્લૂટૂથ, જીપીએસ અને ગેલિલિયો નો સમાવેશ થાય છે. ફોનમાં ઇન-ડિસ્પ્લે ફિંગરપ્રિન્ટ સેન્સર આપવામાં આવ્યું છે. ફોનમાં ડસ્ટ અને વોટર રેઝિસ્ટન્સ IP66+IP68+IP69 રેટિંગ આપવામાં આવ્યું છે.
