iPhone 16 ની કિંમતમાં ઘટાડો! 6000થી વધારે બચાવવાની તક, જાણો ક્યાં મળી રહી છે ઓફર

iPhone 16 Price cut : એપલ આઇફોન 16 ની કિંમતમાં ઘટાડો કરવામાં આવ્યો છે. નવા આઇફોન 17 ની સપ્લાયમાં અછત પછી આઇફોન 16 ભારતીય બજારમાં ભારે ડિસ્કાઉન્ટ સાથે ખરીદી શકાય છે. 2024 માં આવેલો એપલનો ફ્લેગશિપ આઇફોન 16 વર્ષ 2025 માં ઘણી વખત શાનદાર ડિસ્કાઉન્ટ પર ઉપલબ્ધ થઇ ચુક્યો છે. હવે આઇફોન 16 ને ક્રોમા સ્ટોર પર 63,000 રૂપિયાથી ઓછી કિંમતે લઈ શકાય છે. જણાવી દઈએ કે આ કિંમત બેંક ઓફર અને ડિસ્કાઉન્ટ પછી છે.

ઉલ્લેખનીય છે કે એપલ હંમેશા તેના નવા ફ્લેગશિપ ફોનને લોન્ચ કર્યા પછી જૂના ફ્લેગશિપ ડિવાઇસની કિંમતમાં ઘટાડો કરે છે. આઇફોન 17 ના વૈશ્વિક લોન્ચિંગ પછી ક્યુપર્ટિનો સ્થિત ટેક કંપનીએ આઇફોન 16 ની છૂટક કિંમતમાં લગભગ 10,000 રૂપિયાનો ઘટાડો કર્યો હતો. આ ઘટાડા સાથે આઇફોન 16 ના બેઝ વેરિઅન્ટની કિંમત 79,990 રૂપિયાથી ઘટાડીને 69,900 રૂપિયા કરવામાં આવી હતી.

આઇફોન 16 ડિલ

ક્રોમાએ આઇફોન 16 ને પ્રમોશનલ ઓફર હેઠળ ઉપલબ્ધ કરાવ્યું છે. હાલમાં 128 જીબી સ્ટોરેજ સાથે આઇફોન 16 ક્રોમા પર 66,990 રૂપિયાની કિંમતે લિસ્ટેડ છે. ઘણી મોટી બેંકો સાથેની ભાગીદારીને કારણે આ ડીલ વધુ સારી બને છે. આઇડીએફસી ફર્સ્ટ બેંક, આઈસીઆઈસીઆઈ બેંક અને એસબીઆઈ બેંકના ક્રેડિટ કાર્ડ દ્વારા ગ્રાહકો 4,000 રૂપિયાના ડિસ્કાઉન્ટ પર ફોન ખરીદી શકે છે. એટલે કે જો તમે ઇન્સ્ટન્ટ બેંક કેશબેક ઉમેરો છો તો આઇફોન 16 ની કિંમત ઘટીને 62,990 રૂપિયા થઈ જશે.

એટલે કે આ કિંમત સાથે આઇફોન 16 તેની નિયમિત કિંમત કરતા 6,900 રૂપિયા સુધી સસ્તો થઈ ગયો છે. આ કિંમત સાથે તે નવા એન્ડ્રોઇડ ફ્લેગશિપ ફોન્સ જેમ કે વનપ્લસ 15, iQOO 15 અને Vivo X300 ને ટક્કર આપે છે.

આઇફોન 16 સ્પેસિફિકેશન્સ

આઇફોન 16 માં એપલ એ 18 ચિપસેટ છે અને તે 3nm ઓક્ટા-કોર પ્રોસેસર પર બેસ્ડ છે. આ એપલ ફોનમાં 6.1 ઇંચની સુપર રેટિના એક્સડીઆર ઓએલઇડી ડિસ્પ્લે છે. ફોનમાં સિરામિક શિલ્ડ પ્રોટેક્શન આપવામાં આવ્યું છે. આ આઇફોનમાં ડાયનેમિક આઇલેન્ડ ફીચર પણ મળે છે.

આ પણ વાંચો - OPPO એ ઓછી કિંમતમાં શક્તિશાળી ફોન લોન્ચ કર્યો, જાણો ફિચર્સ

ફોટોગ્રાફી માટે, આઇફોન 16 માં ડ્યુઅલ-રીઅર કેમેરા સેટઅપ છે. ડિવાઇસમાં 48 એમપી પ્રાઇમરી રિયર કેમેરા અને 12 એમપી અલ્ટ્રાવાઇડ લેન્સ છે. ફોનમાં એક અલગ કેમેરા કંટ્રોલ બટન છે.

તમને જણાવી દઈએ કે આઇફોન 17 લોન્ચ થયા બાદ કંપનીએ 256 જીબી અને 512 જીબી સ્ટોરેજ વેરિઅન્ટને બંધ કરી દીધા હતા. પરંતુ આ આઇફોન હાલમાં ક્રોમા પર અનુક્રમે 76,490 રૂપિયા અને 99,900 રૂપિયાની કિંમતે ઉપલબ્ધ છે.