Realme P4x : રિયલમીનો 7000mAh બેટરી વાળો ફોન 4 ડિસેમ્બરે થશે લોન્ચ, કિંમત થઇ લીક

Realme P4x : Realme એક નવો ફોન લોન્ચ કરવાની તૈયારી કરી રહ્યું છે. લોન્ચ પહેલા જ નવા ફોનની કિંમત લીક થઇ ગઇ છે

Written by Ashish Goyal
November 30, 2025 21:16 IST
Realme P4x : રિયલમીનો 7000mAh બેટરી વાળો ફોન 4 ડિસેમ્બરે થશે લોન્ચ, કિંમત થઇ લીક
Realme P4x ફોન 4 ડિસેમ્બરે ભારતમાં લોન્ચ થશે (તસવીર - સોશિયલ મીડિયા)

Realme P4x Launching Date : Realme એક નવો ફોન લોન્ચ કરવાની તૈયારી કરી રહ્યું છે. કંપનીના આ અપકમિંગ ફોનનું નામ Realme P4x છે. આ ફોન 4 ડિસેમ્બરે ભારતમાં લોન્ચ થશે. લોન્ચ પહેલા ટિપસ્ટર અભિષેક યાદવે ફોનના ત્રણેય વેરિઅન્ટની કિંમત લીક કરીને યુઝર્સની ઉત્સુકતામાં નોંધપાત્ર વધારો કર્યો છે.

ફોનની અંદાજિત કિંમત

ટિપસ્ટરની X-પોસ્ટ અનુસાર 6GB + 128GB વેરિઅન્ટની કિંમત 15,999 રુપિયા અને 8GB + 128GB વેરિઅન્ટની કિંમત 17,499 રુપિયા હશે. ટોપ-એન્ડ 8GB + 256GB વેરિઅન્ટની કિંમત 19,499 રુપિયા હશે.

ફોનના સ્પેસિફિકેશન્સ અંગે ટિપસ્ટરે જણાવ્યું કે તે MediaTek Dimensity 7400 Ultra ચિપસેટ દ્વારા સંચાલિત હશે. ફોનમાં 6.72-ઇંચ ફુલ HD+ LCD પેનલ હશે. આ ડિસ્પ્લે 144Hz ના રિફ્રેશ રેટને સપોર્ટ કરશે.

7000mAh બેટરી હશે

ફોટોગ્રાફી માટે ફોનમાં LED ફ્લેશ સાથે ડ્યુઅલ કેમેરા સેટઅપ હશે. તેમાં 50 મેગાપિક્સલના મુખ્ય લેન્સ સાથે એક 2 મેગાપિક્સલનો સેકન્ડરી સેન્સર સામેલ હશે. સેલ્ફી માટે તમને 8 મેગાપિક્સલનો ફ્રન્ટ કેમેરા મળશે. ફોનની બેટરી 7000mAh હશે, જે 45 વોટ વાયર્ડ ચાર્જિંગને સપોર્ટ કરશે.

આ પણ વાંચો – એમેઝોન સેલમાં ફક્ત 7,999 રુપિયામાં ખરીદો દમદાર 5G સ્માર્ટફોન, જુઓ બેસ્ટ ડીલ્સ

Realme એ હાલમાં જ C85 લોન્ચ કર્યો

Realme એ 28 નવેમ્બરે ભારતમાં C85 સ્માર્ટફોન લોન્ચ કર્યો હતો. આ ફોન 6 જીબી સુધીની RAM અને 128 GB સુધીની ઇન્ટરનલ સ્ટોરેજના વિકલ્પોમાં આવે છે. તેની શરૂઆતની કિંમત 15,499 રુપિયા છે. ફોનમાં 6.8 ઇંચની HD+ ડિસ્પ્લે છે. આ ડિસ્પ્લે 144Hz રિફ્રેશ રેટ અને 1200 નિટ્સના પીક બ્રાઇટનેસ લેવલને સપોર્ટ કરે છે. કંપની પ્રોસેસર તરીકે ડાયમેન્સિટી 6300 ચિપસેટ આપી રહી છે. ફોનમાં તમને 50 મેગાપિક્સલનો મુખ્ય કેમેરા મળશે.

Read More
આજના લેટેસ્ટ ગુજરાતી સમાચાર અને ટ્રેન્ડિંગ ન્યૂઝ વાંચો ઈન્ડિયન એક્સપ્રેસ ગુજરાતી પર. અહીં તમને મળશે ગુજરાત, સ્પોર્ટ્સ, ધર્મ, વેપાર, લાઇફ સ્ટાઇલ, મનોરંજન, કરિયર તેમજ ભારત અને વિશ્વભરના દૈનિક સમાચાર અપડેટ્સ ગુજરાતી ભાષામાં.
Loading...
ચેનલ JOIN કરો Follow us Shorts ટોપ ન્યૂઝ