Telegram New Feature : ઇન્સ્ટન્ટ મેસેજિંગ એપ ટેલિગ્રામએ દસમી વર્ષગાંઠ પર યુઝર્સ માટે સ્ટોરીઝ ફીચર લોન્ચ કર્યું

ઇન્સ્ટન્ટ મેસેજિંગ એપ્લિકેશન ટેલિગ્રામે જાહેરાત કરી કે, તેણે ડ્યુઅલ કેમેરા મોડ, ફ્લેક્સિબલ ટાઈમ ઓપ્શન સહિતની સુવિધાઓ સાથે સ્ટોરીઝ લોન્ચ કરી છે. સ્ટોરીઝ પહેલા પ્રીમિયમ સબ્સ્ક્રાઇબર્સ સુધી લિમિટ હતી.

સ્ટોરી ટેલિગ્રામ એપની ટોચ પર જોઈ શકાશે કે યુઝર્સ પણ તેમની ચેટ લિસ્ટ અને ફોલ્ડર્સની સંપૂર્ણ લંબાઈ જોઈ શકે. જ્યારે તેઓ સ્ટોરી જુએ છે, ત્યારે યુઝર્સ શેર કરવા, પ્રાઇવેટલી રિપ્લાય આપવા અથવા રિસ્પોન્સ આપવા માટે ટેપ કરી શકે છે. તમે ઝડપી "લાઇક" રિસ્પોન્સ માટે ટૅપ કરી શકો છો અથવા સેંકડો રિપ્લાયના ઓપ્શન માટે દબાવી શકો છો.

ડ્યુઅલ કેમેરા મોડ

ટેલિગ્રામ સ્ટોરીમાં એક સુવિધા છે જ્યાં યુઝર્સ તેમના ડિવાઇસના આગળના અને પાછળના બંને કેમેરા વડે ફોટા અથવા વિડિયો લઈ શકે છે, એકસાથે રેકોર્ડિંગ કરી શકે છે અને તેમને પસંદ કરવા દે છે કે કઈ કેમેરા ફીડ ક્યાં જાય છે. આ BeReal એપથી બહુ અલગ નથી.

આ પણ વાંચો: Ola launches S1x electric scooters : ઓલાનું S1x ઇલેક્ટ્રિક સ્કૂટર લોન્ચ , S1 pro પણ વધુ પાવર અને રેન્જ, જાણો ખાસિયતો

પ્રાઇવસી સેટિંગ્સ

સ્ટોરી પોસ્ટ કરતી વખતે, યુઝર્સ ચાર પ્રાઇવસી સેટિંગ્સમાંથી પસંદ કરી શકે છે - એવરીવન, માય કોન્ટેક્ટસ, ક્લોઝ ફ્રેન્ડ્સ અને પસંદ કરેલા સંપર્કો(ફેવરિટ કોન્ટેક્ટસ) . આમાંના દરેક ઓપ્શનને યુઝર્સની પસંદ મુજબ લોકોને શામેલ કરવા અથવા બાકાત રાખવા માટે કસ્ટમાઇઝ કરી શકાય છે.

યુઝર્સ એ પણ જોઈ શકશે કે કોણ તેમની સ્ટોરી ક્યારેય જોતું નથી, તેઓ લોકોને સ્ટોરી શેર કરતા રોકવા માટે સ્ક્રીનશૉટ્સને અક્ષમ પણ કરી શકે છે.

પ્રોફાઇલમાં સ્ટોરી બનાવતી વખતે, યુઝર્સ પસંદ કરી શકે છે કે કેટલો સમય ચાલે —6, 12, 24 અથવા 48 કલાક. તેમને તેમની પ્રોફાઇલ પર પોસ્ટ કરવાની પસંદગી પણ આપવામાં આવે છે, જ્યાં સ્ટોરી ગ્રીડનો ભાગ હશે. ઓલ્ડ કોન્ટેક્ટ્સ અને નવા કનેકશન બંને આ સ્ટોરી જુએ છે, જે Instagram પરની સ્ટોરી હાઇલાઇટ્સ જેવી જ છે.

આ પણ વાંચો: Xiaomiના MIX Fold 3 અને Redmi K60 સ્માર્ટફોન લોન્ચ, લેટેસ્ટ મોબાઇલના શાનદાર ફીચર્સ અને કિંમત વિશે જાણો વિગતવાર

સ્ટોરી એડિટિંગ

અન્ય ઘણા પ્લેટફોર્મથી વિપરીત, ટેલિગ્રામ યુઝર્સ તેમની સ્ટોરીના કોઈપણ પાર્ટને કોઈપણ સમયે અપડેટ કરી શકે છે. તેઓ તેની વિઝિબિલિટી, કૅપ્શન, ઑન-સ્ક્રીન ટેક્સ્ટ, સ્ટીકરો અને અન્ય ભાગને કાઢી નાખ્યા વિના અને શરૂઆતથી શરૂ કર્યા વિના બદલી શકે છે. તેમને ફક્ત મેનૂને ટેપ કરવાની જરૂર છે અને "સ્ટોરી એડિટ " પર ક્લિક કરો.