Top 10 Best Selling Car : સપ્ટેમ્બરમાં ટોપ-10 બેસ્ટ સેલિંગ કારમાં 6 કાર મારૂતિ સુઝુકીની, સૌથી વધુ વેચાતી કારની યાદી ચેક કરો પછી નવી કાર ખરીદો

Top 10 Best Selling Car List OF September 2023 : કાર કંપનીઓ માટે સપ્ટેમ્બર મહિનો સારો રહ્યો. આ સમયગાળા દરમિયાન મોટાભાગની કંપનીઓએ તેમના વાહનોના વેચાણમાં વધારો નોંધાવ્યો હતો. સપ્ટેમ્બરમાં ભારતીય બજારમાં ઘણી ટુ-વ્હીલર અને કાર લોન્ચ કરવામાં આવી હતી. સામાન્ય રીતે તહેવારોની મોસમમાં બજારની ચમક વધી જાય છે. વર્ષ 2023ની ફેસ્ટિવલ સિઝન 14 ઓક્ટોબરથી શરૂ થઈ રહી છે.

સપ્ટેમ્બરની બેસ્ટ સેલિંગ કાર (Top 10 Best Selling Car List)

સપ્ટેમ્બરમાં મારુતિ સુઝુકી, ટાટા મોટર્સ અને હ્યુન્ડાઈના વાહનોનો દબદબો રહ્યો હતો. સપ્ટેમ્બરમાં બેસ્ટ સેલિંગ ટોપ-10 કારમાં 6 મોડલ સાથે મારુતિ સુઝુકીના દબદબો રહ્યો છે. તો સપ્ટેમ્બરમાં સૌથી વધારે વેચાયેલી ટોપ-10 કારમાં ટાટા મોટર્સ અને હ્યુન્ડાઈની 2-2 કાર હતી. ગયા વર્ષની સરખામણીએ આ વર્ષે સપ્ટેમ્બરમાં અમુક કાર મોડલના વેચાણમાં ઘટાડો જોવા મળ્યો છે જ્યારે કેટલીક કારના વેચાણમાં સારી વૃદ્ધિ નોંધવામાં આવી છે. ફેસ્ટિવલ સિઝનમાં નવી કાર ખરીદતા પહેલા સપ્ટેમ્બરની બેસ્ટ સેલિંગ કારની યાદી એક વાર જરૂર જોઇ લેવી

સપ્ટેમ્બરમાં કઈ કંપનીની કાર સૌથી વધુ વેચાઈ? (Top 10 Best Selling Car List OF September)

સૌથી વધારે વેચાતી કાર - મારુતિ સુઝુકી બલેનો (Top 10 Best Selling Car Maruti Suzuki Baleno)

સપ્ટેમ્બરમાં પણ મારુતિ સુઝુકીએ ભારતીય કાર બજારમાં પોતાનું વર્ચસ્વ જાળવી રાખ્યું હતું અને સૌથી વધારે બલેનો કારનું વેચાણ કરીને ટોચ પર રહી હતી.

આ પણ વાંચો | મારુતિ ફ્રોન્ક્સ કે હ્યુન્ડાઈ એક્સ્ટર ખરીદવી? કઈ સીએનજી કાર બેસ્ટ છે? સેફ્ટી ફિચર્સ, એન્જિન માઇલેજ અને કિંમત જાણી નક્કી કરો

સપ્ટેમ્બર 2023માં મારૂતિ સુઝુકી કંપનીએ 18,417 બલેનો કારનું વેચાણ કર્યું હતું. જ્યારે પાછલા વર્ષે સમાન મહિનામાં કંપનીએ 19,369 બલેનો કારનું વેચાણ કર્યું હતું. આ વાર્ષિક ધોરણે વેચાણમાં મારૂતિ બલેનો કારના વેચાણમાં 5%નો ઘટાડો થયો છે.