Top 10 Compact SUVs October 2024: ઓક્ટોબરની ટોપ 10 બેસ્ટ સેલિંગ કાર, જાણો ધનતેરસ દિવાળી પર કઇ કાર સૌથી વધુ વેચાઇ

Best Selling Compact SUVs In India In October 2024: ભારતમાં ઓક્ટોબર 2024માં ટોપ 10 બેસ્ટ સેલિંગ કાર, એસયુવી: ઓક્ટોબરમાં ધનતેરસ અને દિવાળી પર લોકોએ મોટી સંખ્યાાં નવી કાર ખરીદી છે. લાંબા સમયથી સુસ્ત ગતિએ ચાલી રહેલા ધનતેરસ અને દિવાળીના તહેવારોની ખરીદીએ ઓટોમોટિવ સેક્ટરમાં પ્રાણ ફૂંક્યા છે.

ધનતેરસ અને દિવાળીના તહેવારમાં ઓટો કંપનીઓ દ્વારા મોટી સંખ્યામાં કાર વેચવામાં આવી છે અને કુલ વાહનોના વેચાણમાં 32 ટકાનો વધારો નોંધાયો છે. જો તમે નવી કાર ખરીદવાનું વિચારી રહ્યા છો તો માર્કેટમાં કઇ કાર સૌથી વધારે વેચાય છે તે જાણવું પણ જરૂરી છે. અહીં ઓક્ટોબરમાં ટોપ 10 બેસ્ટ સેલિંગ કાર વિશે જાણકારી આપવામાં આવી છે, જે તમને કાર પસંદ કરવામાં મદદરૂપ થશે.

મારુતિ સુઝુકી અર્ટિગા

મારુતિ સુઝુકી અર્ટિગા ઓક્ટોબરમાં નંબર 1 બેસ્ટ સેલિંગ કાર રહી છે. મારુતિ સુઝુકી ઈન્ડિયા કંપનીએ ઓક્ટોબર 2024 માં 18785 અર્ટિગા કાર વેચી છે. જ્યારે ગત વર્ષે ઓક્ટોબર 2023માં 14209 અર્ટિગા કાર વેચાઇ હતી. આમ વાર્ષિક ધોરણે મારૂતિ સુઝુકી અર્ટિગા કારના વેચાણણાં 32 ટકાનો વધારો થયો છે.

મારુતિ સુઝુકી સ્વિફ્ટ

દિવાળીની તહેવારોની સીઝનમાં બીજી નંબર સૌથી વધુ વેચાતી કાર મારુતિ સ્વિફ્ટ છે, જેના 17539 યુનિટ વેચાયા છે. જો કે ગયા વર્ષે ઓક્ટોબર 2023માં 20598 સ્વિફ્ટ કાર વેચાઇ હતી. આમ વાર્ષિક ધોરણે વેચાણ 15 ટકા ઘટ્યા બાદ પણ મારૂતિ સુઝુકી સ્વીફ્ટ કાર ઓકટોબરમાં બેસ્ટ સેલિંગ કારમાં બીજા નંબર પર છે.

હ્યુન્ડાઇ ક્રેટા

હ્યુન્ડાઇ ક્રેટા તેની કંપનીની સૌથી વધુ વેચાતી એસયુવી છે, જેણે આ ઓક્ટોબરમાં ખૂબ જ સારો સેલ્સ ગ્રોથ હાંસલ કર્યો છે. ઓક્ટોબર 2024માં 17497 હ્યુન્ડાઇ ક્રેટા કાર વેચાઇ છે, જ્યારે ઓક્ટોબર 2023 આ કારના 13077 યુનિટ વેચાયા હતા. આમ હ્યુન્ડાઇ ક્રેટાનું વેચાણ વાર્ષિક ધોરણે 34 ટકા વધ્યું છે.

મારુતિ સુઝુકી બ્રેઝા

મારુતિ સુઝુકી બ્રેઝા કંપની તરફથી સૌથી વધુ વેચાતી કાર પૈકીની એક છે, જેના ઓક્ટોબર 2024માં 16565 યુનિટ વેચાયા હતા. જ્યારે ઓક્ટોબર 2023માં મારૂતિ સુઝુકી બ્રેઝા મોડલની 16050 કાર વેચાઇ હતી. આમ મારૂતિ સુઝુકી બ્રેઝા કારનું વેચાણ વાર્ષિક ધોરણે 3 ટકા વધ્યું છે.

મારુતિ સુઝુકી ફ્રોન્ક્સ

મારુતિ સુઝુકી ફ્રોન્ક્સે ઓક્ટોબર 2024માં 16419 યુનિટના વેચાણ સાથે ટોપ 10 બેસ્ટ સેલિંગ કારમાં પાંચમા સ્થાન પર છે. ઓક્ટોબર 2023માં મારુતિ સુઝુકી ફ્રોન્ક્સ મોડલની 11357 કાર વેચાઇ હતી, જે વાર્ષિક ધોરણે વેચાણમાં 45 ટકાનો જબરદસ્ત સેલ્સ ગ્રોથ દર્શાવે છે.

મારુતિ સુઝુકી બલેનો

મારુતિ બલેનોના વેચાણમાં ઓક્ટોબર મહિનામાં નજીવો ઘટાડો જોવા મળ્યો છે. ઓક્ટોબર મહિનામાં 16082 મારૂતિ સુઝુકી બલેનો કાર વેચાઇ છે, જ્યારે ઓક્ટોબર 2023માં 16594 બલેનો કાર વેચાઇ હતી. આમ વાર્ષિક ધોરણે આ હેચબેક કારનું વેચાણ 3 ટકા ઘટ્યું છે.

ટાટા પંચ

ટાટા પંચ કાર ટાટા મોટર કંપનીની સૌથી વધુ વેચાતી એસયુવી પૈકીની એક છે, ઓક્ટોબર 2024માં 15740 ટાટા પંચ કાર વેચાઇ છે. જે ઓક્ટોબર 2023માં 15317 કારના વેચાણ સામે આ વખતે 3 ટકા વધારે વેચાણ દર્શાવે છે.

મહિન્દ્રા સ્કોર્પિયો

મહિન્દ્રા સ્કોર્પિયો એસયુવી સેગમેન્ટમાં અગ્રણી છે અને તે પોતાની કંપનીની સૌથી વધુ વેચાતી એસયુવીમાંની એક છે. ઓક્ટોબર 2024માં 15677 મહિન્દ્રા સ્કોર્પિયો કાર વેચાઇ છે. જ્યારે ઓક્ટોબર 2023માં 13578 મહિન્દ્રા સ્કોર્પિયો કાર વેચાઇ હતી. આમ વાર્ષિક ધોરણે મહિન્દ્રા સ્કોર્પિયોનું વેચાણ 15 ટકા વધ્યું છે.

ટાટા નેક્સન

ટાટા નેક્સન તેના સેગમેન્ટમાં એકમાત્ર એસયુવી છે, જે પેટ્રોલ, ડીઝલ ઉપરાંત સીએનજી અને ઇલેક્ટ્રિક વેરિઅન્ટ માં ઉપલબ્ધ છે. આ એસયુવી નું ઓક્ટોબર 2024માં 14759 યુનિટ વેચાણ થયું હતું, જે ઓક્ટોબર 2023માં વેચાયેલી 14759 કાર સામે વાર્ષિક ધોરણે 13 ટકાનો ઘટાડો દર્શાવે છે.

મારુતિ સુઝુકી ગ્રાન્ડ વિટારા

મારુતિ ગ્રાન્ડ વિટારા મારૂતિ સુઝુકી કંપનીની પ્રીમિયમ એસયુવી છે, જેને મોટી સફળતા મળી છે. ઓક્ટોબર 2024માં મારુતિ સુઝુકી ગ્રાન્ડ વિટારા કારના 14083 યુનિટ વેચાયા છે. જ્યારે ઓક્ટોબર 2023માં 10834 મારુતિ સુઝુકી ગ્રાન્ડ વિટારા કાર વેચાઇ હતી, જે 30 ટકાની વાર્ષિક વેચાણ વૃદ્ધિ દર્શાવે છે.