Best Selling Cars: મારુતિ સ્વિફ્ટ નહીં આ છે ભારતની નંબર 1 કાર, જુઓ જૂન મહિનાની બેસ્ટ સેલિંગ ટોપ 10 કારની યાદી

Best Selling Top 10 Car In July 2024: ટાટા પંચ ફરી એકવાર દેશમાં નંબર વન સેલિંગ કાર બની ગઈ છે. ચાલુ વર્ષ 2024મા માર્ચ-એપ્રિલ દરમિયાન ટાટા પંચ સૌથી વધુ વેચાતી કાર હતી, જો કે મે મહિનામાં તેને પછાડી મારુતિ સ્વિફ્ટ વેચાણની દ્રષ્ટિએ નંબર વન કાર બની હતી. જો કે, જૂન 2024 દરમિયાન ભારતની ટોપ 10 સેલિંગ કારની યાદીમાં ફેરાફાર થયો છે. કાર વેચાણની દ્રષ્ટિએ મારૂતિ સ્વિફ્ટને પાછળ રાખી ટાટા પંચ આગળ નીકળી ગઇ છે અને ફરી ભારતની સૌથી વધુ વેચાતી નંબર 1 કાર બની છે.

ભારતની સૌથી વધુ વેચાતી ટોપ 10 કાર (Best Selling Top 10 Car In India)

મે દરમિયાન ટોપ 10 કારની યાદીમાં ત્રીજા સ્થાને રહેલી મારુતિ ડિઝાયર જૂનમાં સાતમા સ્થાને સરકી ગઈ હતી. હ્યુન્ડાઈ ક્રેટા, જે મે 2024માં ચોથા ક્રમે હતી, તેનું વેચાણ વધતા જૂન મહિનામાં બેસ્ટ સેલિંગ ટોપ 10 કારની યાદીમાં ત્રીજા સ્થાને પહોંચી ગઇ છે. મારુતિ અર્ટિગા સાતમા સ્થાનેથી ચોથા સ્થાને પહોંચી ગઈ છે. જ્યારે મારુતિ વેગનઆર પાંચમા સ્થાનેથી છઠ્ઠા સ્થાને અને મહિન્દ્રા સ્કોર્પિયો આઠમા સ્થાનેથી નવમા સ્થાને સરકી ગઈ છે.

મે મહિનામાં ટોપ 10ની યાદીમાં છેલ્લું સ્થાન મેળવનાર મારુતિ ફ્રેન્ક જૂનમાં આ યાદીમાંથી બહાર થઈ ગઇ છે. નેક્સોન મોડલ, જે એપ્રિલ અને મે દરમિયાન 11માં નંબરે હતું, તે જૂનમાં ટોપ 10ની યાદીમાં સ્થાન મેળવવામાં સફળ રહ્યું. ચાલો જાણીએ કે જૂન 2024 દરમિયાન કયા મોડલનું કેટલું વેચાણ થયું અને વાર્ષિક ધોરણે આ કારોના વેચાણમાં કેટલી વૃદ્ધિ થઈ.

બેસ્ટ સેલિંગ ટોપ 10 કાર (Best Selling Top 10 Car In July 2024)

આ પણ વાંચો | ટાટા કર્વ ઈવી ની પહેલી ઝલક, લોન્ચ પહેલા ટિઝર રિલીઝ, સિટ્રોએન બેસાલ્ટ સાથે ટકરાશે

ગયા મહિને ઓટો કંપની મારુતિ સુઝુકીનો ભારતીય બજારમાં સૌથી વધુ વેચાતી ટોપ 10 કારની યાદીમાં દબદબો હતો. આ યાદીમાં ટોચની 10 માંથી 6 કાર મારુતિ સુઝુકીનો છે. આ ઉપરાંત ટાટા મોટર્સની બે પંચ અને નેક્સન, હ્યુન્ડાઈ ક્રેટા અને મહિન્દ્રા સ્કોર્પિયો બેસ્ટ સેલિંગ ટોપ 10 કારની યાદીમાં સ્તાન મેળવવામાં સફળ થઇ છે.