Best Seller Hatchback Car: મારૂતિ સ્વિફ્ટ, બલેનો, અલ્ટો કે ટિયાગો નહીં, આ છે ભારતની ટોપ 5 સેલિંગ હેચબેક કાર, જુઓ યાદી

Top Selling Hatchback Cars In India In April 2024: કાર માર્કેટ ભારતમાં ઝડપથી વધી રહ્યું છે. ભારતીય કાર બજારમાં SUV સેગમેન્ટની કાર ખૂબ જ લોકપ્રિય છે, પરંતુ હેચબેક કારનું પોતાનું બજાર છે. એપ્રિલ 2024ના વેચાણના આંકડા આ સાબિત કરે છે. એસયુવી સેગમેન્ટમાં સતત બીજા મહિને ટાટા પંચ નંબર 1 પર યથાવત રહી છે, ઉપરાંત દેશમાં બીજી સૌથી વધુ વેચાતી કાર એક હેચબેક છે. એપ્રિલ 2024 એટલે કે ચાલુ નાણાકીય વર્ષના પ્રથમ મહિનામાં ટોપ 10 સૌથી વધુ વેચાતી બે હેચબેક મારુતિ સુઝુકી દ્વારા બનાવવામાં આવી છે. જ્યારે ટોપ 25માં 6 હેચબેક કાર સામેલ છે.

હેચબેક સેગમેન્ટમાં કાર શહેરમાં અવરજવર અને વિકેન્ડમાં ફરવા જવા માટે એક એક આદર્શ વિકલ્પ છે. આ કાર કદમાં નાની છે અને ચલાવવામાં અને પાર્ક કરવામાં સરળ હોય છે. કાર કંપનીઓ હેચબેકને ઘણી બધી સુવિધાઓ સાથે પેક કરી રહ્યાં છે, જેણે કાર કંપનીઓ માટે બજારહિસ્સો વધારવાનું ચાલુ રાખ્યું છે. અહીં તમે એપ્રિલ 2024માં વેચાણમાં નંબર 1 હેચબેક સાથે દેશમાં વેચાયેલી ટોપ 5 હેચબેક કાર પર એક નજર કરીયે.

હ્યુન્ડાઇ આઈ29 ઇલાઇટ (Hyundai i20 Elite)

Hyundai Elite i20 એ એપ્રિલમાં દેશમાં પાંચમી સૌથી વધુ વેચાતી હેચબેક કાર હતી. આ સમયગાળા દરમિયાન કાર ઉત્પાદક કંપનીએ આ મોડલની 5199 કારનું વેચાણ કર્યું હતું. જ્યારે ગયા વર્ષે સમાન સમયગાળામાં કંપનીએ 6472 Elite i20 કારનું વેચાણ કર્યું હતું. Elite i20ના વેચાણમાં વાર્ષિક ધોરણે 20 ટકાનો ઘટાડો થયો છે.

ટાટા ટિયાગો (Tata Tiago)

ટાટા ટિયાગો એપ્રિલ 2024માં 19મી સૌથી વધુ વેચાતી કાર હતી અને પાછલા મહિના દરમિયાન ચોથી સૌથી વધુ વેચાતી હેચબેક હતી. તે ICE (ઇન્ટરનલ કમ્બશન એન્જિન) અને EV (ઇલેક્ટ્રિક વ્હીકલ) બંને વર્ઝનમાં આવે છે. આ વર્ષે એપ્રિલ દરમિયાન ટાટાએ આ હેચબેકના 6796 કારનું વેચાણ કર્યું હતું, જ્યારે ગયા વર્ષે આ જ મહિનામાં 8450 કારનું વેચાણ થયું હતું. તેના વેચાણમાં પણ વાર્ષિક ધોરણે 20 ટકાનો ઘટાડો નોંધાયો છે.

મારૂતિ સુઝુકી અલ્ટો (Maruti Suzuki Alto)

મારુતિ સુઝુકી અલ્ટો ગયા મહિને દેશમાં 14મી સૌથી વધુ વેચાતી કાર અને ત્રીજી સૌથી વધુ વેચાતી હેચબેક કાર બની છે. મારુતિ સુઝુકીએ એપ્રિલ 2024માં અલ્ટોના 9043 કારનું વેચાણ કર્યું હતું, જ્યારે ગયા વર્ષે એપ્રિલમાં 11548 કારનું વેચાણ થયું હતું. વાર્ષિક ધોરણે તેના વેચાણમાં 22 ટકાનો ઘટાડો નોંધાયો હતો.

મારુતિ સુઝુકી બલેનો (Maruti Suzuki Baleno)

એપ્રિલ 2024માં બીજી સૌથી વધુ વેચાતી હેચબેક મારુતિ સુઝુકી બલેનો હતી, જે મેન્યુઅલ અથવા AMT ગિયરબોક્સ સાથે જોડાયેલા એકમાત્ર 1.2-લિટર પેટ્રોલ એન્જિન સાથે વેચાય છે. કાર નિર્માતાએ ગયા મહિને 14,049 એકમોનું વેચાણ કર્યું હતું, જે ગયા વર્ષે એપ્રિલમાં 16,180 યુનિટ હતું. વાર્ષિક ધોરણે મારુતિ સુઝુકીની આ હેચબેક કારના વેચાણમાં 13 ટકાનો ઘટાડો થયો છે.

મારૂતિ સુઝુકી વેગનઆર (Maruti Suzuki WagonR)

એપ્રિલ 2024માં મારુતિ સુઝુકી વેગનઆર દેશની બીજી સૌથી વધુ વેચાતી કાર અને પ્રથમ હેચબેક હતી. ગયા મહિને ઓટો કંપની મારુતિ સુઝુકીએ 17850 વેગનઆર કાર વેચી હતી, જ્યારે એપ્રિલ 2023માં કંપનીએ 20879 વેગનઆર વેચી હતી. તે મુજબ આ હેચબેક કારના વેચાણમાં વાર્ષિક ધોરણે 15 ટકાનો ઘટાડો થયો છે.

આ પણ વાંચો | મારૂતિ સુઝુકી સ્વિફ્ટ 2024 જૂના મોડલ કરતા કેટલી ખાસ છે? કિંમત, માઇલેજ સહિત તમામ વિગત જાણો

ભારતમાં સૌથી વધુ વેચાતી ટોપ 5 હેચબેક કાર (Top 5 Best Seller Hatchback Car In India)