સ્ટારલિંક શું છે? એલોન મસ્કના સેટેલાઇટ ઇન્ટરનેટ પ્રોજેક્ટ સાથે જોડાયેલી બધી માહિતી, જાણો પ્લાન અને કિંમત

Elon Musk Starlink : એલોન મસ્કની સ્પેસએક્સ, સ્ટાર લિંક વિશે ઘણા સમાચાર સાંભળ્યા હશે. સ્ટારલિંક એક સેટેલાઈટ ઈન્ટરનેટ સેવા છે જેના દ્વારા 100થી વધુ દેશોમાં હાઈ સ્પીડ ડેટા આપવામાં આવે છે. કેબલ આધારિત બ્રોડબેન્ડ સેવાઓથી વિપરીત, ટેસ્લાના સીઇઓની સ્ટારલિંક કોઇ એવા સ્થાને કામ કરે છે જ્યાં સીધા આકાશનો વ્યૂ મળતો હોય. તેનો હેતુ પૃથ્વીના દૂરના સ્થળોએ પણ ઇન્ટરનેટ કનેક્ટિવિટી પ્રદાન કરવાનો છે.

સ્ટારલિંક કેવી રીતે કામ કરે છે અને તે શા માટે અલગ છે?

ટ્રેડિશનલ સેટેલાઇટ પ્રોવાઇડર્સને સામાન્ય રીતે સ્પીડ અને વિલંબની સમસ્યાઓનો સામનો કરવો પડે છે. પરંતુ સ્ટારલિંક હજારો નાના ઉપગ્રહોના જૂથનો ઉપયોગ કરે છે જે લો લૈટેંસી સાથે હાઇ-સ્પીડ ઇન્ટરનેટ ડિલિવરી કરવા માટે એકબીજાના સાથ સાથે કમ્યુનિટે કરી શકે છે.

સૌથી મહત્વની વાત એ છે કે તે દાયકાઓ જૂની સેટેલાઇટ ઇન્ટરનેટ સર્વિસ ટેકનોલોજીનો ઉપયોગ કરીને પ્રાપ્ત કરવામાં આવી છે. કેબલનો ઉપયોગ કરવાને બદલે જેના પર મોટાભાગની બ્રોડબેન્ડ સેવાઓ નિર્ભર છે. સ્ટારલિંક યુઝર્સને ડેટા રિલે કરવા માટે નીચલી ભ્રમણકક્ષામાં સેટેલાઇટને બ્રોડકાસ્ટ મોકલવા માટે અંતરિક્ષમાં રેડિયો સિગ્નલનો ઉપયોગ કરે છે.

કંપની હજારો સેટેલાઈટ લોન્ચ કરી ચૂકી છે. સ્પેસએક્સનું કહેવું છે કે વધતી માંગને પહોંચી વળવા માટે કંપની ગ્રુપ વધારીને લગભગ 42,000 ટેબ્લેટ સાઇઝના સેટેલાઇટને નીચલી કક્ષામાં જોડવા માંગે છે. આ કનેક્ટિવિટીમાં સુધારો કરવામાં અને એકંદર વિલંબ ઘટાડવામાં મદદ કરશે.

Viasat, HughesNet અને Amazon જેવી કંપનીઓ છેલ્લા ઘણા વર્ષોથી ઇન્ટરનેટ કનેક્ટિવિટી ઓફર કરી રહી છે. પરંતુ સ્ટારલિંક આ બધાથી આગળ નીકળી ગઈ છે કારણ કે તે વાયરલેસ હાઇ-સ્પીડ ઇન્ટરનેટ આપી શકે છે. કેટલાક મોટા ઉપગ્રહો પર આધાર રાખવાને બદલે સ્ટારલાઇન ઘણા નાના-નાના ઉપગ્રહોનો ઉપયોગ કરે છે જેમાં એકબીજા વચ્ચે સિગ્નલને પ્રસારિત કરવા માટે લેઝર્સ રહે છે. આ સ્ટાન્ડર્ડ કિટ દ્વારા થાય છે.

આ પણ વાંચો - 1 સેકન્ડથી પણ ઓછા સમયમાં પાસવર્ડ હેક, આ છે દુનિયાના સૌથી કોમન પાસવર્ડ

સૌથી અગત્યની બાબત એ છે કે તમે પોતે અથવા બીજા કોઈને સ્ટારલિંક ઇન્સ્ટોલ કરવા માટે કહી શકો છો. સ્ટારલિંક સેટઅપ કરવા માટે તેને આકાશ તરફ પોઇન્ટ કરો, પ્લગ કરો અને તે પછી તમે તેનો ઉપયોગ કરી શકશો. જો તમને ખબર ન હોય કે સેટેલાઇટ ક્યાં ઇન્સ્ટોલ કરવું, તો તમે તમારા ફોનમાં સ્ટારલિંક એપ્લિકેશન ડાઉનલોડ કરીને શ્રેષ્ઠ સ્થાન શોધી શકો છો.

સ્ટારલિંકની સર્વિસ માટે કિંમત શું છે?

હમણાં સુધી સ્ટારલિંક તેની ઇન્સ્ટોલેશન કિટ્સ વેચવા માટે મોટી રકમ વસૂલતી હતી. પરંતુ હવે તેમના ભાવમાં ઘણો ઘટાડો થયો છે. સ્ટારલિંક હાલમાં વિવિધ યુઝર્સની જરૂરિયાતો અનુસાર ત્રણ પ્રકારની હાર્ડવેર કીટ પ્રદાન કરે છે.

જો તમે તમારા ઘર માટે સ્ટારલિંક લેવાનું વિચારી રહ્યા છો, તો તમારે સ્ટાન્ડર્ડ હાર્ડવેર કિટ માટે 349 ડોલરની જરૂર પડશે. જ્યારે ડેટા માટે દર મહિને 120 ડોલર ચૂકવવા પડશે. જે લોકોને પોર્ટેબલ સ્ટારલિંક હાર્ડવેર કિટ જોઈએ છે તેઓ સ્ટારલિંક મિની કિટ મેળવી શકે છે, જેની કિંમત 599 ડોલર છે, જ્યારે સ્ટાન્ડર્ડ કિટની કિંમત 349 ડોલર છે.

સ્ટારલિંક મિની યૂઝર્સ 50 ડોલરનો પ્લાન લઈ શકે છે જેમાં 50 જીબી ડેટા મળે છે. સાથે જ 165 ડોલરના મંથલી પ્લાનમાં અનલિમિટેડ ડેટા આપવામાં આવે છે. જ્યારે સ્ટાન્ડર્ડ કિટ પ્લાન 165 ડોલરના પ્લાન સાથે જ ઉપલબ્ધ છે અને તેમાં ડેટાની કોઈ મર્યાદા નથી.

જો તમે વધુ યૂઝર્સ માટે સ્ટારલિંકનો ઉપયોગ કરવા માંગો છો તો હાર્ડવેર માટે તમારે 2500 ડોલર ખર્ચ કરવા પડશે. પાઇપ એડેપ્ટર્સ અને જેન 3 વાઇ-ફાઇ રાઉટર્સ જેવી વૈકલ્પિક એસેસરીઝની કિંમત અનુક્રમે 120 ડોલર અને 199 ડોલર છે.

પરંતુ જો તમે વધારે પૈસા ખર્ચવા ન માંગતા હોવ તો સ્ટાન્ડર્ડ કિટ સારી છે. સ્ટારલિંકના 250 ડોલરના મંથલી પ્લાનમાં 50GB ડેટા મળે છે, જ્યારે 1000 ડોલર પ્રતિ માસના મોંઘા પ્લાનમાં 1TB ડેટા આપવામાં આવે છે.

સ્ટારલિંક અન્ય સેટેલાઇટ ઇન્ટરનેટ પ્રોવાઇડર્સથી કેવી રીતે અલગ છે?

સ્ટારલિંકની ઈન્ટરનેટ સ્પીડ ભલે ફાઈબર કે કેબલ બેલ્ડ સોલ્યુશનની જેમ વધારે ન હોય, પરંતુ જે જગ્યાએ ઈન્ટરનેટ નથી અથવા ખૂબ ઓછી સ્પીડે આપવામાં આવે છે ત્યાં તે ખૂબ જ ઉપયોગી છે. સ્ટારલિંકે થોડા સમય પહેલા સુધી વધુમાં વધુ 150Mbpsની સ્પીડ ઓફર કરી છે પરંતુ સેટેલાઈટની સંખ્યામાં વધારો થયા બાદ તાજેતરમાં જ X પર શેર કરવામાં આવેલા એક વીડિયોમાં બતાવવામાં આવ્યું છે કે સ્ટારલિંકની ઈન્ટરનેટ સેવા વધુમાં વધુ 264Kbps સુધીની સ્પીડ આપી રહી છે.

જો કે આ સ્પીડનો આધાર તમે દુનિયાના કયા ભાગ પર છો તેના પર રહેલો છે. તેથી એવું બની શકે છે કે અંતરિયાળ વિસ્તારોમાં ધીમી ઇન્ટરનેટ સ્પીડ મળે, જ્યારે સારી કનેક્ટિવિટીવાળા વિસ્તારોમાં, યુઝર્સને 150mpbs સુધીની ગતિ મળી શકે છે. સ્ટારલિંકની વેબસાઇટ પર એક મેપ પણ છે જેથી તમે જાણી શકો છો કે વિશ્વના કયા ભાગોમાં ઇન્ટરનેટ સ્પીડ કેટલી છે.

સ્ટારલિંક સબ્સ્ક્રિપ્શન્સ વધારે ફ્લેક્સિબલ છે

અન્ય ઈન્ટરનેટ સર્વિસ પ્રોવાઇડરથી વિપરીત સ્ટારલિંકનો કોઈ કરાર નથી. આનો અર્થ એ છે કે યુઝર્સ જ્યારે ઇચ્છે ત્યારે સેવા બંધ કરી શકે છે અને શરૂ કરી શકે છે. આ સિવાય તમે તમારી ડેટાની જરૂરિયાત અનુસાર પ્લાન્સ વચ્ચે પણ સ્વિચ કરી શકો છો. કંપની 30 દિવસનો ફ્રી ટ્રાયલ પણ આપી રહી છે અને એલોન મસ્કની કંપનીનું કહેવું છે કે જો ગ્રાહકો આ સેવાથી ખુશ નથી તો તેમને પૂરા પૈસા પરત કરવામાં આવશે.

જણાવી દઈએ કે સ્ટારલિંક હાલમાં સૌથી વધારે નોર્થ અમેરિકા, સાઉથ અમેરિકા, ઓસ્ટ્રેલિયા અને યૂરોપમાં ઉપલબ્ધ છે. પરંતુ તે સ્પષ્ટ નથી કે સ્ટારલિંક ચીનમાં તેની સેવાઓનો વિસ્તાર ક્યારે કરશે. સ્ટારલિંક અત્યારે ભારતમાં પોતાની સેવાઓ શરૂ કરી શકી નથી અને તેનું કારણ ભારતમાં પ્રવેશ માટે જરૂરી નિયમો અને શરતોનું પાલન ન થવું છે. તાજેતરમાં જ ભારતીય ટેલિકોમ મંત્રી જ્યોતિરાદિત્ય સિંધિયાએ કહ્યું હતું કે ટેલિકોમ્યુનિકેશન એક્ટ 2023 હેઠળ અન્ય દેશોની જેમ, ભારત પણ સેટેલાઇટ કમ્યુનિકેશન માટે સ્પેક્ટ્રમ ફાળવણીના વિકલ્પો પર વિચાર કરી રહ્યું છે.