WhatsApp SharePlay Feature : વોટ્સએપમાં એપલ જેવા ફીચર્સ ! જાણો ન્યુ યરમાં શું થશે અપડેટ

WhatsApp SharePlay Feature : વોટ્સએપ(WhatsApp) એ તાજેતરમાં iOS પર લેટેસ્ટ બીટા વરઝ્ન 23.25.10.71 રોલ આઉટ કર્યું છે. મેટાની માલિકીની આ ઇન્સ્ટન્ટ મેસેજિંગ એપમાં નવી અપડેટની સાથે એક નવું ફીચર પણ આવ્યું છે. હવે વોટ્સએપ યુઝર્સ વીડિયો કોલ દરમિયાન પણ ઓડિયો અને વીડિયો શેર કરી શકશે.

WABetaInfo, જે એક પ્રકાશન છે જે WhatsApp સંબંધિત અપડેટ્સને ટ્રૅક કરે છે, અનુસાર, આ સુવિધા જ્યારે સ્ક્રીન-શેર સુવિધા એકટીવ હશે ત્યારે વીડિયો કૉલ દરમિયાન ઉપલબ્ધ થશે. મતલબ કે આ ફીચરને સ્ક્રીન-શેરિંગ ફીચરનું એક્સ્ટેંશન ગણી શકાય.

તમને જણાવી દઈએ કે હાલમાં વોટ્સએપના સ્ક્રીન-શેરિંગ ફીચરમાં યુઝર્સ વીડિયો કોલ દરમિયાન અન્ય યુઝર્સ સાથે નોન-પ્રોટેક્ટેડ વીડિયો કન્ટેન્ટ શેર કરી શકે છે. આ ફીચરની મદદથી યુઝર્સ હવે અન્ય યુઝર્સને વીડિયો કોલમાં સાંભળી શકશે અને સાથે જ ઓડિયો પણ શેર કરી શકશે.

આ પણ વાંચો: દુનિયાની સૌથી મોટી ઇલેક્ટ્રિક વ્હીકલ કંપની ભારતમાં અહીં સ્થાપશે પ્લાન્ટ, વાઈબ્રન્ટ સમિટમાં ઘોષણા થવાની સંભાવના

માહિતી અનુસાર, હાલમાં આ ફીચરનું પરીક્ષણ iOSના બીટા વર્ઝન પર કરવામાં આવી રહ્યું છે અને તે પસંદગીના બીટા યુઝર્સ માટે ઉપલબ્ધ છે. આગામી દિવસોમાં, આ સુવિધા વિશ્વભરના સામાન્ય યુઝર્સ માટે ઉપલબ્ધ કરવામાં આવી શકે છે. આ સિવાય એપલના શેરપ્લે જેવા આ ફીચરને એન્ડ્રોઇડ પ્લેટફોર્મ પર પણ જલ્દી જ રોલઆઉટ કરી શકાય છે.

WhatsAppનું આ નવું ફીચર કેવી રીતે કામ કરશે?

WhatsAppનું નવું ઓડિયો-શેરિંગ ફીચર વાપરવા માટે એકદમ સરળ છે. યુઝર્સ વિડીયો કોલ દરમિયાન સરળતાથી પોતાની સ્ક્રીન અન્ય યુઝર્સ સાથે શેર કરી શકે છે. હવે વીડિયો કૉલ દરમિયાન તમે WhatsAppમાં જે વીડિયો શેર કરવા માંગો છો તેને પ્લે કરો. હવે WhatsApp સ્ક્રીન પર દેખાતી સામગ્રીને ઓડિયો સાથે ટ્રાન્સફર કરશે.

આ પણ વાંચો: Gold Silver Return In 2023: ચાંદી કરતા સોનામાં બમણું રિટર્ન; રોકાણકારોને વર્ષ 2023માં શેર – ગોલ્ડમાં કેટલું વળતર મળ્યું? જાણો

તમને જણાવી દઈએ કે તાજેતરમાં જ WhatsAppએ નવા ફીચર્સનું ટેસ્ટિંગ શરૂ કર્યું છે જેથી કરીને યુઝર્સ WhatsApp પર હુમલાઓ અને કૌભાંડોથી સુરક્ષિત રહી શકે. હવે યુઝર્સ પાસે એક નવું સેફ્ટી ટૂલ પણ છે જેની મદદથી તેઓ કોન્ટેક્ટ્સને બ્લોક કરી શકે છે અને તેની જાણ કરી શકે છે.