New Yamaha Hybrid Scooter Price And Features : યામાહા કંપનીએ ભારતમાં બે પાવરફુલ હાઇબ્રિડ સ્કૂટર લોન્ચ કર્યા છે. યામાહા ફસિનો Fi હાઇબ્રિડ 125 (Yamaha Fascino 125 Fi Hybrid) અને રેઝર 125 Fi હાઇબ્રિડ (RayZR 125 Fi Hybrid) કંપનીના નવા હાઇબ્રિડ સ્કૂટર છે. લેટેસ્ટ યામાહા હાઇબ્રિડ સ્કૂટરમાં હાઇ ટેક ફીચર્સ અને નવા કલર ઓપ્શન મળે છે. કંપનીએ આ સ્કૂટરમાં એનહેંસ્ડ પાવર આસિસ્ટ (EPA) ફીચર ઉમેર્યું છે, જે યામાહાની રિયલ ટેક્નોલોજી પર આધારિત છે. ચાલો જાણીયે નવા યામાહા હાઇબ્રિડ સ્કૂટર, ફીચર્સ માઇલેજ સહિત તમામ વિગત
એન્જિન અને ફીચર્સ
Yamaha RayZR 125 Fi Hybrid સ્કૂટરમાં 125 સીસીનું બ્લૂ કોર હાઇબ્રિડ એન્જિન આવે છે, જે 8.2 PS અને 10.3 Nm ટોર્ક જનરેટ કરે છે. આ સ્કૂટરમાં ડિસ્ક બ્રેક સિસ્ટમ આપવામાં આવી છે, જે સ્કૂટરને સરળતાથી કન્ટ્રોલ કરી લે છે. તમને જણાવી દઇયે કે, આ સ્કૂટરમાં ડિજિટલ ઇન્સ્ટ્રુમેન્ટ કોન્સોલ, એલઇડી હેડલાઇટ જેવા ફીચર્સ આપવામાં આવ્યા છે. આ સ્કૂટરનું વજન 99 કિમી છે. RayZR 125 Fi Hybrid માઇલેજની વાત કરીયે તો આ સ્કૂટરમાં 71.33 kmpl માઇલેજન કંપનીએ દાવો કર્યો છે.
Yamaha Fascino 125 Fi Hybrid સ્કૂટરમાં 125cc એન્જિન આવે છે, જે 8.2 PS અને 10.3 Nm ટોર્ક જનરેટ કરે છે. આ સ્કૂટરમાં ડિજિટલ ઇન્સ્ટ્રુમેન્ટ કોન્સોલ, LED હેડલાઇટ, LED ટેલ લાઇટ, DRLs આવે છે, જે દેખાવામાં ઘણું પાવરફુલ દેખાય છે. Fascino 125 Fi Hybrid સ્કૂટરના માઇલેજની વાત કરીયે તો આ સ્કૂટર 68.75 kmpl માઇલેજ આપે છે. આ સ્કૂટરમાં ડિસ્ક બ્રેક આવે છે, જેનાથી તે સરળતાથી કન્ટ્રોલ કરી શકાય છે.
યામાહા સ્કૂટરની કિંમત
Yamaha Fascino 125 Fi Hybrid સ્કૂટરની કિંમત 94,090 રૂપિયા એક્સ શો રૂમ છે. તો Yamaha RayZR 125 Fi Hybridની કિંમત 88,000 રૂપિયા એક્સ શો રૂમ છે. નવા યામાહા સ્કૂટરમાં શાનદાર ફીચર્સ ઉમેરવામાં આવ્યા છે સાથે જ નવા કલર વિકલ્પ મળે છે.
