YouTube થી લેઇને WhatsApp સુધી, ટ્રાન્સ ઉમેદવારો પોલીસ ભરતી માટે કેવી રીતે પ્રશિક્ષિત થાય છે?

Mohamed Thaver : જ્યારે બીડમાં પ્રશિક્ષકોએ દાવો કર્યો કે મહારાષ્ટ્ર પોલીસ ભરતી માટે શારીરિક પરીક્ષણ માટે યોગેશ્વરી ફડ અને નંદિની પાંચાલને પ્રશિક્ષણ આપવા એ પુરુષો અને મહિલાઓ ઉપર નકારાત્મક રૂપથી પ્રભાવિત કરશે જેમને કોચિંગ આપી રહ્યા હતા.' બસ આટલું જ ને યોગેશ્વરીએ સોશિયલ મીડિયાને પોતાના ગુરુ બનાવી લીધા જ્યારે નંદિનીએ જાતે જ પ્રેક્ટિશ શરૂ કરી હતી.

વોટ્સએપ ગ્રૂપથી એકબીજાની મદદ કરી રહ્યા છે ટ્રાન્સ જેન્ડર ઉમેદવારો

ડિસેમ્બર 2022 એ બોમ્બે હાઇકોર્ટના આદેશ બાદ મહારાષ્ટ્ર સરકાર દ્વારા ત્રીજા લિંગના ઉમેદવારો માટે પોલીસ ભરતી આવેદન ખોલ્યા બાદ પણ ટ્રાન્સ જેન્ડર ઉમેદવારોને કેટલીક મુશ્કેલીઓનો સામનો કરવો પડી રહ્યો છે. યૂટ્યૂબ વીડિયો થકી પ્રશિક્ષણ લઈને અને નિંદા કરનાર નજરોથી બચીને દોડવા માટે વોટ્સએપ ગ્રૂપના માધ્યમથી એક બીજાની મદદ સુધી એક ડઝનથી વધારે ટ્રાન્સ જેન્ડર ઉમેદવારો આગામી પરીક્ષાની તૈયારીમાં વ્યસ્ત છે. રાજ્યભરમાંથી 73 ટ્રાન્સ જેન્ડર ઉમેદવારોએ પોલીસની નોકરી માટે આવેદન કર્યું છે.

"લોકો મને દોડતા જોઈ મારી મજાક કરતા"

બીડના અંબાજોગઈની 19 વર્ષીય યોગેશ્વરીએ ધ ઇન્ડિય એક્સપ્રેસને જણાવ્યું હતું કે "ત્રણ કોચોએ મને ના કહી દીધું હતું, એટલા માટે મારે જાતે પ્રેક્ટિસ માટે યુટ્યૂબ વીડિયોની મદદ લેવાનું શરુ કર્યું હતું. જ્યારે હું મેદાનમાં જતો હતો ત્યારે લોકો મારા ઉપર હસતા હતા. અને કમેન્ટ પણ પાસ કરતા હોય છે. મેં પહેલા તો તેમને અવગણ્યા પરંતુ તેનાથી બચવા માટે મેં સવારે વહેલા ઉઠીને દોડવાનું શરુ કર્યુ હતું."

નંદિની જેમને કોચે એવું કહીને ના પાડી દીધી હતી કે તેઓ માત્ર પુરુષો અને મહિલાઓને જ પ્રશિક્ષણ આપે છે. જોકે ગ્રાઉન્ડ પર અભ્યાસ કરનાર પુરુષોએ મારી મદદ કરી હતી. 100માંથી 90 લોકો તમારી મજાક ઉડાવે છે પરંતુ 10 લોકો તમારી મદદ કરશે. એટલું જ નહીં મને સ્થાનિક પોલીસ સ્ટેશનના પોલીસકર્મીઓએ પણ મારી મદદ કરી છે.

આર્ય પુજારી, જેમણએ મહારાષ્ટ્ર પ્રશાસનક ન્યાયાધિકરણ અને બોમ્બ એચસી સમક્ષ અરજી દાખલ કરી હતી. જેમાં તેમણે કહ્યું હતું કે તેઓ ભાગ્યશાળી છે તેમને એક કોચ મળ્યા છે.

સતારાના રહેવાસીએ ધ ઈન્ડિયન એક્સપ્રેસને જણાવ્યું, “હું લેખિત અને શારીરિક કસોટી માટે છેલ્લા ત્રણ વર્ષથી એકેડમીમાં તાલીમ લઈ રહ્યો છું. અમે ઝડપ માટે દોડીએ છીએ અને દરરોજ શૉટ પુટની પ્રેક્ટિસ પણ કરીએ છીએ. ટ્રાન્સ પર્સન માટે શારીરિક ધોરણો નક્કી કરવામાં આવ્યા ન હોવાથી, હું પુરૂષો અને મહિલાઓ બંને માટેના ધોરણો અનુસાર તાલીમ આપું છું."

એક પેનલે ટ્રાન્સ પર્સન માટે ભૌતિક ધોરણો માટે તેની ભલામણો મહારાષ્ટ્ર સરકારને મોકલી છે. ફેબ્રુઆરીના અંત સુધીમાં માપદંડને આખરી ઓપ અપાય તેવી અપેક્ષા છે. હાઈકોર્ટના આદેશ અનુસાર, જો મહિનાના અંત સુધીમાં ટ્રાન્સ એસ્પિપન્ટ્સ માટે શારીરિક માપદંડ નક્કી કરવામાં ન આવે તો સરકારને એવા પુરૂષો અને સ્ત્રીઓ માટે લેખિત પરીક્ષણો લેવાની મંજૂરી આપવામાં આવશે નહીં જેમની શારીરિક પરીક્ષણો પહેલેથી જ ચાલી રહી છે.

"હું આશા રાખું છું કે અમને ટેસ્ટના ઓછામાં ઓછા 15 દિવસ પહેલા ધોરણો આપવામાં આવે જેથી અમે તે મુજબ તૈયારી કરી શકીએ," આર્યએ કહ્યું.

કેવી રીતે તેમાંથી 15 લોકો એક સાથે મળીને એક WhatsApp જૂથ બનાવવા માટે આવ્યા હતા તે યાદ કરતાં, તેમણે કહ્યું, "અમારામાંથી આઠ ભરતીના ફોર્મ ભરતી વખતે અથવા મીડિયા અહેવાલો દ્વારા એકબીજાના સંપર્કમાં આવ્યા હતા. બીજા કોઈને ઓળખતા હતા જે કોઈને ઓળખતા હતા. અમે બધા ગ્રૂપના એડમિન છીએ તેથી અમે અમારા સંપર્કમાં આવનારા વધુ ટ્રાન્સસ્પાયન્ટ્સને ઉમેરી શકીએ છીએ. અમે સાંભળ્યું છે કે મુંબઈથી 24 ટ્રાન્સ લોકોએ અરજી કરી છે પરંતુ અમે હજુ તેમનો સંપર્ક કર્યો નથી.

તેમણે કહ્યું કે સભ્યો એવા પુસ્તકોના નામની ભલામણ કરે છે જેનો અન્ય લોકો ટેસ્ટ માટે સંદર્ભ લઈ શકે અને તેમની ભરતી સંબંધિત સમાચાર શેર કરી શકે. જો કે, અને સૌથી અગત્યનું, સભ્યો એકબીજાને માર્ગદર્શન આપે છે કારણ કે તેમાંથી ફક્ત ત્રણ કોચ ધરાવે છે.

ટ્રાન્સ પર્સનને તાલીમ આપવા માટે કોચિંગ એકેડમી મેળવવી એ ઘણા લોકો માટે મોટી અડચણ છે, અર્પિતા ભીસે, 27, પોતાને ભાગ્યશાળી માને છે.

ઔરંગાબાદના રહેવાસીએ કહ્યું, “હું ભાગ્યશાળી હતો કે હું કોચિંગ એકેડમીમાં પ્રવેશ મેળવી શક્યો. જ્યારે મેં તેનો સંપર્ક કર્યો, ત્યારે તેણે મને તે જ દિવસે તેની સાથે જોડાવાનું કહ્યું. અહીં તાલીમ લેનારી મહિલાઓ પહેલા બે દિવસ થોડી અચકાતી હતી. જો કે, દરેકને ખૂબ જ પ્રોત્સાહિત કરવામાં આવ્યા છે.

અર્પિતાને કોચિંગ આપી રહેલા દત્તા બાંગરે કહ્યું, “મને સમજાતું નથી કે ટ્રાન્સ લોકોને તાલીમ આપવામાં કોઈને સમસ્યા કેમ થાય છે. એકમાત્ર રસ્તો તેને અન્ય લોકો સાથે તક આપવાનો છે."