Gujarat Talati Job : ગુજરાત સરકાર 3077 તલાટીની ભરતી કરશે, મુખ્યમંત્રી ભૂપેન્દ્ર પટેલનો મહત્વપૂર્ણ નિર્ણય, યુવાઓ માટે સરકારી નોકરીની વધુ એક તક

Gujarat 3077 Talati Recruitment : ગુજરાતના સરકારી નોકરી મેળવવાની ઇચ્છા રાખનાર લાખો યુવાઓ માટે એક ખુશીના સમાચાર આવ્યા છે. ગુજરાત સરકાર આગામી ટૂંક સમયમાં મોટી સંખ્યામાં તલાટીની ભરતી કરશે. ગુજરાતના મુખ્યમંત્રી ભૂપેન્દ્ર પટેલની અધ્યક્ષતામાં આ અંગે નિર્ણય લેવાયો છે અને મુખ્યમંત્રી કક્ષાએથી સૈદ્ધાંતિક મંજૂરી વિભાગ આપી દેવામાં આવી છે. હવે ટૂંક સમયમાં ગુજરાત સરકાર દ્વારા તલાટીની ભરતી માટે સત્તાવાર જાહેરાત કરવામાં આવશે.

આ પણ વાંચો | ગુજરાત જાહેર સેવા આયોગની વર્ગ 1 અને વર્ગ 2 ની ભરતી, ઉમેદવારોએ અરજી કરતી વખતે ખાસ શું શું ધ્યાન રાખવું?

ગુજરાત સરકાર 3077 તલાટીની ભરતી કરશે

ગુજરાત સરકાર હાલ મોટા પ્રમાણમાં વિવિધ સરકારી વિભાગોમાં મોટી સંખ્યામાં નવી ભરતી કરી રહી છે. આ દરમિયાન હવે રાજ્ય સરકારે આગામી સમયમાં તલાટીના 3077 પદો પર નવા કર્મચારીની ભરતી કરવાની ઘોષણા કરી છે. તલાટીની આ ભરતી માટે મુખ્યમંત્રી કક્ષાએથી સૈદ્ધાંતિક મંજૂરી વિભાગને અપાઈ ગઇ છે અને ટૂંક સમયમાં તેના વિશે સત્તાવાર નોટિફિકેશન બહાર પાડવામાં આવશે.