GUJCET 2026 Exam Date Announced: ગુજરાત કોમન એન્ટ્રન્સ ટેસ્ટની તારીખ જાહેર, જાણી લો પરીક્ષા પેટર્ન

GUCJET 2026 exam date Released: ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSHSEB) એ ગુજરાત કોમન એન્ટ્રન્સ ટેસ્ટ (GUJCET) 2026 ની પરીક્ષાની તારીખ જાહેર કરી છે. આ પરીક્ષા રવિવાર, 29 માર્ચ, 2026 ના રોજ યોજાશે. વિજ્ઞાન પ્રવાહના ગ્રુપ A, ગ્રુપ B અને ગ્રુપ AB ના વિદ્યાર્થીઓ પરીક્ષા આપશે.

ગુજરાત કોમન એન્ટ્રન્સ ટેસ્ટ શું છે?

ગુજરાતમાં ધોરણ 12 (વિજ્ઞાન) પછી ડિગ્રી એન્જિનિયરિંગ અને ડિગ્રી/ડિપ્લોમા ફાર્મસી અભ્યાસક્રમોમાં પ્રવેશ માટે GUJCET પરીક્ષા ફરજિયાત છે. રાજ્ય સરકારના શિક્ષણ વિભાગ દ્વારા 2017 થી વાર્ષિક ધોરણે આ પરીક્ષા લેવામાં આવે છે.

અરજી પ્રક્રિયા ટૂંક સમયમાં શરૂ થશે.

GUJCET 2026 માટે ઓનલાઈન અરજી ફોર્મ અને માહિતી પુસ્તિકા ટૂંક સમયમાં બોર્ડની સત્તાવાર વેબસાઇટ, http://www.gseb.org પર પ્રકાશિત કરવામાં આવશે. બોર્ડ ફોર્મ સબમિટ કરવા અને ફી ચુકવણી માટેની તારીખો એક અલગ પ્રેસ રિલીઝ દ્વારા જાહેર કરશે.

પરીક્ષાનો સમય અને કેન્દ્રો

ગુજરાત કોમન એન્ટ્રન્સ ટેસ્ટ 2025 ની પરીક્ષા સવારે 10:00 થી સાંજે 4:00 વાગ્યા સુધી રાજ્યભરના જિલ્લા કક્ષાના કેન્દ્રો પર લેવામાં આવશે.

પરીક્ષા પેટર્ન

ભૌતિકશાસ્ત્ર અને રસાયણશાસ્ત્ર: સંયુક્ત પેપર, કુલ 80 પ્રશ્નો (દરેક વિષયમાંથી 40), 80 ગુણ, 120 મિનિટનો સમય.

ગણિત અને જીવવિજ્ઞાન: અલગ પેપર, 40 પ્રશ્નો દરેક, 40 ગુણ, 50 મિનિટનો સમય. દરેક વિષય માટે અલગ OMR ઉત્તરપત્રો આપવામાં આવશે.

આ પણ વાંચોઃ-canada work permit rules: કેનેડામાં એરપોર્ટ પર કેન્સલ થઈ શકે છે સ્ટડી- વર્ક પરમિટ, વિદ્યાર્થી કામદારો માટે નવા નિયમો લાગુ

પરીક્ષા ભાષા

પરીક્ષા ત્રણ ભાષાઓમાં લેવામાં આવશે - ગુજરાતી, અંગ્રેજી અને હિન્દી. વિદ્યાર્થીઓ તેમની સુવિધા મુજબ માધ્યમ પસંદ કરી શકશે.

આ પણ વાંચોઃ- ધોરણ 10 અને 12ની બોર્ડની પરીક્ષાનો કાર્યક્રમ જાહેર, આ તારીખથી શરુ થશે પ્રથમ પેપર, જુઓ ટાઇમટેબલ

આ પણ વાંચોઃ- ગુજરાતમાં ચાલતી વિવિધ ભરતીઓ અને કરિયર સંબંધી સમાચાર વિશે વધુ વાંચવા માટે અહીં ક્લિક કરો

ગુજરાત કોમન એન્ટ્રન્સ ટેસ્ટ 2026 ની પરીક્ષાના પરિણામો ગુજરાતની કોલેજો અને યુનિવર્સિટીઓમાં એન્જિનિયરિંગ અને ફાર્મસી અભ્યાસક્રમોમાં પ્રવેશ માટે પાત્રતા નક્કી કરવામાં મહત્વપૂર્ણ ભૂમિકા ભજવશે.