India Post GDS Result 2025 : ઇન્ડિયા પોસ્ટ GDS પરિણામ જાહેર, આવી રીતે ચેક કરો, જાણો સંપૂર્ણ માહિતી

India Post GDS Result 2025, ઇન્ડિયા પોસ્ટ GDS પરિણામ : ગ્રામીણ ટપાલ સેવાની 21,413 જગ્યાઓ માટેની ભરતીનું પરિણામ જાહેર કરવામાં આવ્યું છે. તમે તેને સત્તાવાર વેબસાઇટ indiapostgdsonline.gov.in પર જઈને ચકાસી શકો છો. આ ભરતી પ્રક્રિયા હેઠળ દિલ્હી, ગુજરાત, હરિયાણા, હિમાચલ પ્રદેશ, આંધ્રપ્રદેશ, આસામ, બિહાર, છત્તીસગઢ, જમ્મુ અને કાશ્મીર, ઝારખંડ, કર્ણાટક, કેરળ, મધ્યપ્રદેશ, મહારાષ્ટ્ર, ઉત્તર પૂર્વ, ઓડિશા, પંજાબ, તમિલનાડુ, તેલંગાણા, ઉત્તર પ્રદેશ, ઉત્તરાખંડ અને પશ્ચિમ બંગાળ સહિત ઘણા રાજ્યોમાં ગ્રામીણ ડાક સેવકની જગ્યાઓ ભરવાની છે.

આ જગ્યાઓ માટે પસંદગી શૈક્ષણિક લાયકાતના આધારે તૈયાર કરાયેલ મેરિટ દ્વારા કરવામાં આવશે. શોર્ટલિસ્ટ થયેલા ઉમેદવારોને દસ્તાવેજ ચકાસણી પ્રક્રિયામાંથી પસાર થવું પડશે. આ જગ્યાઓ માટે જરૂરી મહત્તમ શૈક્ષણિક લાયકાત ધોરણ 10 પાસ અને સ્થાનિક ભાષાનું જ્ઞાન હોવું જરૂરી હતું. આ ભરતી સંબંધિત વધુ માહિતી માટે, ઉમેદવારો સત્તાવાર વેબસાઇટની મુલાકાત લઈ શકે છે.

પરિણામમાં મેરિટ લિસ્ટ જોયા પછી, તમારે ડોક્યુમેન્ટ વેરિફિકેશન પ્રક્રિયાને અનુસરવી પડશે. ઇન્ડિયા પોસ્ટ તમને એક કોલ લેટર (એસએમએસ અથવા ઇમેઇલ) મોકલશે, જેમાં તમને તારીખ અને સ્થાનની માહિતી મળશે. ઉમેદવારોએ પોતાની સેલ્ફ એટેસ્ટેડ કોપીઓ ઓરિજિનલ ડોક્યુમેન્ટ્સ સાથે લાવવાના રહેશે.

ડોક્યુમેન્ટ વેરિફિકેશન માટે શું-શું જરૂરી છે

• ધોરણ 10ની માર્કશીટ
• જન્મનું પ્રમાણપત્ર,
• આધાર કાર્ડ અથવા અન્ય ઓળખપત્ર
• જાતિનું પ્રમાણપત્ર (જો લાગુ પડતું હોય તો),
• પીડબ્લ્યુડી સર્ટિફિકેટ (જો લાગુ પડતું હોય તો)

જીડીએસ પરિણામ 2025 પીડીએફ ડાઉનલોડ કરવા માટે શું કરવું

• જીડીએસ પરિણામ 2025 ની પીડીએફ ડાઉનલોડ કરવા માટે, પહેલા સત્તાવાર વેબસાઇટ indiapostgdsonline.gov.in પર જાઓ.
• ત્યારબાદ “Shortlisted Candidates” વિભાગ જુઓ.
• હવે હોમપેજ પર, તમને “GDS Result 2025” या “Shortlisted Candidates” નામનો વિકલ્પ મળશે.
• તમારા સર્કલ (રાજ્ય) અનુસાર યાદી પસંદ કરો અને પીડીએફ લિંક પર ક્લિક કરો.
• તમારા રાજ્યની GDS Merit List PDF ખુલશે.
• તેમાં પસંદ કરેલા ઉમેદવારોના નામ અને કટઓફ માર્ક્સ હશે.
• હવે ઉપર જમણી બાજુએ ડાઉનલોડ આઇકન પર ક્લિક કરો.
• વધુ જરૂરિયાતો માટે તમારા મોબાઇલ અથવા કમ્પ્યુટર પર પીડીએફ ફાઇલને સેવ કરો.

આ પણ વાંચો - ગતિ શક્તિ વિશ્વવિદ્યાલય ભરતી : વડોદરામાં સારા પગારની નોકરી મેળવવાની સુવર્ણ તક

પગાર

પસંદ થયેલા ઉમેદવારોમાં પોસ્ટમાસ્ટર (BPM)માં 12,000 થી 29,380 રૂપિયા સુધી. જ્યારે આસિસ્ટન્ટ બ્રાન્ચ પોસ્ટમાસ્ટર (ABPM) અને ડાક સેવકને રૂપિયા 10,000 થી 24,470 સુધી મળશે.

આ જગ્યાઓ માટે અરજી પ્રક્રિયા 10 ફેબ્રુઆરી 2025 થી શરૂ થઈ હતી અને 3 માર્ચ 2025 સુધી ચાલી હતી. અરજી કરનારા ઉમેદવારોને 6 માર્ચથી 8 માર્ચ દરમિયાન તેમના અરજી ફોર્મમાં સુધારા કરવાની તક આપવામાં આવી હતી. અરજદારની ઉંમર 18 વર્ષથી 40 વર્ષની વચ્ચે નક્કી કરવામાં આવી હતી.