Talati Bharti 2025 | GSSSB મહેસૂલ તલાટી ભરતી જાહેર, ગુજરાતમાં 2389 જગ્યાઓ, અમદાવાદમાં કેટલી જગ્યા?

Mahesultalati Bharti 2025, મહેસૂલ તલાટી ભરતી, ગુજરાત ગૌણ સેવા પસંદગી મંડળ ભરતી : ગુજરાતમાં મહેસૂલ તલાટીની ભરતી બહાર પડે એની રાહ જોઈને બેઠેલા ઉમેદવારોની આતૂરતાનો અંત આવી ગયો છે. ગુજરાત ગૌણ સેવા પસંદગી મંડળ દ્વારા રાજ્યના વિવિધ જિલ્લાઓમાં મહેસૂલ તલાટીની કુલ 2389 જગ્યાઓ માટે ભરતીનું નોટિફિકેશન બહાર પાડ્યું છે. સંસ્થાએ લાયક ઉમેદવારો પસંદ કરવા ઓનલાઈન અરજીઓ મંગાવી છે.

મહેસૂલ તલાટી ભરતી અંતર્ગત પોસ્ટની વિગતો, શૈક્ષણિક લાયકાત, વય મર્યાદા, ભરતીની મહત્વની તારીખો સહિતની અગત્યની વિગતો જાણવા માટે ઉમદેવારોએ આ સમાચાર છેલ્લે સુધી વાંચવા.

મહેસૂલ તલાટી ભરતી માટે મહત્વની માહિતી

મહેસૂલ તલાટી ભરતી માટે પોસ્ટની વિગતો

શૈક્ષણિક લાયકાત

• કોઈપણ વિષયમાં સ્નાતકની ડિગ્રી અથવા સરકાર માન્ય સમકક્ષ ડિગ્રી હોવી જોઈએ
• સ્નાતકની ડિગ્રીના વર્ષ કે સેમેસ્ટરની પરીક્ષા આપી હોય તેવા ઉમેદવારો પણ અરજી કરી શકશે
• કમ્પ્યુટરનું પાયાનું જ્ઞાન હોવું જોઈએ
• ગુજરાતી અને હિન્દ અથવા બંને ભાષાનું પૂરતું જ્ઞાન હોવું જોઈએ.

વય મર્યાદા

ગુજરાત ગૌણ સેવા પસંદગી મંડળ દ્વારા જાહેર કરવામાં આવેલી મહેસૂલ તલાટી ભરતી માટે અરજી કરનાર ઉમેદવારની ઉંમર 20થી 35 વર્ષ વચ્ચે હોવી જોઈએ. અનામત વર્ગોને સરકારી નિયમ પ્રમાણે વયમર્યાદામાં છૂટ મળવા પાત્ર રહેશે.

પગાર ધોરણ

મહેસૂલ તલાટી ભરતી અંતર્ગત પસંદ પામેલા ઉમેદવારોને પ્રથમ પાંચ વર્ષ માટે ફિક્સ 26000 રૂપિયા પ્રતિ માસ મળશે ત્યાર બાદ સંતોષકારક કામકીરી પૂર્ણ કર્યા બાદ સાતમા પગારપંચના ધારાધોરણ પ્રમાણે નિયમિત નિમણૂંક મળવાપાત્ર રહેશે.

ગુજરાતમાં ચાલતી વિવિધ ભરતીઓ અને કરિયર સંબંધી સમાચાર વિશે વધુ વાંચવા માટે અહીં ક્લિક કરો

નોટિફિકેશન - PDF

અરજી કેવી રીતે કરવી

• આ ભરતી અંતર્ગત અરજી કરવા માટે ઉમેદવારોએ ઓજસની વેબસાઈટ https://ojas.gujarat.gov.in પર જવું
• અહીં વિવિધ ભરતીની વિગતો દેખાશે
• સંલગ્ન ભરતીની લિંક પરક્લિક કરવું
• ત્યારબાદ વધારે વિગતો જોવા મળશે.
• એપ્લાય નાઉ પર ક્લિક કરી માંગેલી વિગતો ભરવી
• ફાઈનલ સબમીટ કરવી અને પ્રીન્ટ કાઢી લેવી.