મેડિકલ પ્રોફેશનલ માટે નેશનલ હેલ્થ મિશન હેઠળ ગુજરાતમાં નોકરીની ઉત્તમ તક, 60000 સુધી પગાર

National Health Mission Job 2024 : નેશનલ હેલ્થ મિશન અંતર્ગત ગુજરાતમાં મેડિકલ ફિલ્ડના ઉમેદવારો માટે નોકરી મેળવવાની એક ઉત્તમ તક આવી છે. નેશનલ હેલ્થ મિશન હેઠળ ગુજરાતમાં મેડિકલ ઓફિસર, લેબ ટેકનિશયન, સ્ટાફ નર્સ, પારા મેડિકલ વર્ક જેવા મેડિકલ ફિલ્ડ સહિત ઉપરાંત બિન મેડિકલ ફિલ્ડના ઘણા બધા પદો ઉપર ભરતી કરવા ઉમેદવારો પાસેથી અરજી મંગાવી છે. ઉપરોક્ત નોકરી માટે અરજી કરવાની છેલ્લી તારીખ 12 માર્ચ અને 13 માર્ચ, 2024 છે.

શૈક્ષણિક લાયકાત

નેશનલ હેલ્થ મિશન અંતર્ગત ગુજરાતમાં ગાંધીનગર, સુરેન્દ્ર નગર, સુરત, બનાસકાંઠા જિલ્લામાં વિવિધ મેડિકલ અને બિન મેડિકલ પદો પર મોટી સંખ્યામાં ઉમેદવારોની ભરતી કરવાની છે. આ નોકરી માટે વિવિધ પદ અનુસા મેડિકલ ક્ષેત્રની ડિગ્રી લાયકાત, એમબીબીએસ, મેડિકલ કાઉન્સિલ ઓફ ઈન્ડિયાની સમકક્ષ સંસ્થાની ડિગ્રી, ફાર્મસીમાં ડિપ્લોમા કે તેની સમકક્ષ ડિગ્રી અને સંબંધિત પદ માટે અનુભવ માંગ્યો છે.

તો બિન મેડિકલ પદ જેવા કે એકાઉન્ટન્ટ - ડેટા આસિસ્ટન્ટ માટે બીકોમ, એમકોમની ડિગ્રી સાથે એમએસ ઓફિસ કોમ્પ્યુટરનું જ્ઞાન હોવું જરૂરી છે. ઉમેદવારને ગુજરાત અને અંગ્રેજી લખતા, વાંચતા અને વાંચતા આવડવું જોઇએ.

અરજી કરનાર ઉમેદવાર એક વાતનું ખાસ ધ્યાન રાખે કે આ પદ માટે 11 માસના કરાર આધારિત માસિક ફિક્સ પગાર પર ભરતી કરવામાં આવશે.

નેશનલ હેલ્થ મિશન જોબનું નોટિફિકેશન વાંચવા અહીં ક્લિક કરો

અરજી કરવા માટે માત્ર બે દિવસ

નેશનલ હેલ્થ મિશન અંતર્ગત ગુજરાતમાં અમુક પદો પર અરજી કરવાની છેલ્લી તારીખ 12 માર્ચ અને અમુકમાં 13 માર્ચ, 2024 છે. તેથી ઉમેદવારે તેમની શૈક્ષણિક લાયકતા અનુસાર જે - તે પદ માટે અરજી કરવામાં ઉતાવળ રાખવી પડશે. ઉમેદવારે છેલ્લી તારીખે સાંજે 6 વાગે સુધીમાં ઓનલાઇન અરજી કરવાની રહેશે.

આ પણ વાંચો | પીએસઆઈની ભરતીના નિયમો બદલાયા, હવે ત્રણને બદલે બે જ પરીક્ષા લેવાશે

60,000 સુધી પગાર મળશે

નેશનલ હેલ્થ મિશન અંતર્ગત ગુજરાતમાં વિવિધ પદો પર નવી ભરતી કરવામાં આવી રહી છે. આ નોકરી માટે પસંદગી પામનાર ઉમેદવારોને તેમની પોસ્ટ અનુસાર પગાર મળશે. વિવિધ પદ માટે 12000થી 60,000 સુધીનો પગાર નક્કી કરવામાં આવ્યો છે.